Aita Mari ontzia, Siziliara bidean, 112 pertsona migratzaile daramatzala, baina porturatzeko baimenik gabe
Gipuzkoako Itsas Salbamendu Humanitarioa gobernuz kanpoko erakundearen Aita Mari ontzia Siziliarantz (Italia) doa. 112 pertsona daramatza, baina ez du oraindik porturatzeko baimenik jaso, nahiz eta kapitainak eskaera egin eta tramite guztiak bete, Asier Sanchez EITB Mediako kazetariakjakinarazi duenez.
Azken erreskatean 45 pertsona migratzaile ontziratu dituzte ostiral honetan bertan.
Orain arte egindako erreskate handiena da laugarren hori. Izan ere, aurretik, 11, 18 eta 40 laguni salbatu diete bizitza.
Taldeak hiru egun zeramatzan itsasoan, migratzaileek eurek Aita Mariko tripulazioari kontatu diotenez. Gehienak gizon gazteak dira, eta bost emakume eta 18 adingabe ere daude tartean.
Behin uretatik aterata, ohiko osasun azterketa eta covid-19 proba egin diete migratzaileei; negatibo eman dute. Ontzitik bertatik jakinarazi dutenez, denak onik daude.
Asteazkenean egindako erreskatean larri zauritutako Hamsa gaztea Lampedusara (Italia) eramatetik bueltan zegoen Aita Mari. Eguerdi aldera, jitoan zegoen patera baten berri izan du Nadir ontziak, baina hainbeste lagun hartzeko ahalmenik ez duenez, Aita Mari ohartarazi du eta horrek egin du erreskatea. Itsasoa bare-bare dago gaur, eta, horri esker, zailtasunik gabe salbatu dituzte bertan zihoazenak.
EITB Media azken misio honen lekuko berezia izaten ari da. Izan ere, Asier Sanchez kazetaria ontzi barruan doa, jarraipen zabala egiteko eta bigarren misio honen nondik norakoak gertutik ezagutzeko.
Erreskate ontzia ekainaren 6an abiatu zen Palmako portutik Mediterraneo erdialdera, denboraldiko bigarren misio humanitarioan.
Aurreko misioetan bezala, pobreziatik edo gerratik ihesean, Mediterraneo itsasoan euren bizitzak arriskuan jartzen dituzten migratzaileak erreskatatzea da helburua.
Zure interesekoa izan daiteke
Jenofa Berhokoirigoinek eta On.eus atariak jaso dituzte Rikardo Arregi sari nagusiak
Merezimenduzko saria Jakoba Errekondok eraman du, Bizi Baratzea lanagatik.
Sute ikusgarri batek lau eraikin hustuarazi ditu Iruñeko Arrotxapea auzoan
Horrez gainera, SOS Nafarroak konfinatzeko eta ateak eta leihoak ixteko eskatu die Marcelo Celayeta kalearen inguruko bizilagunei, keak eragindako intoxikazioak saihesteko.
Hezkuntza saila jantokietan sukalde kontzeptu berri bat ezartzen hasi da "menu osasungarriagoak" emateko
Sukalde elektriko bertikalen sistema aitzindaria da, in situ, menu osasungarriagoak emateko. Hezkuntza sailburu Begoña Pedrosak azaldu duenez, sukalde bertikal horietan eltze baskulagarriak erabiltzen dira, eta langileek "ez dute ontzi astunak erabili beharrik". "Sukaldearen erabilera funtzio anitzeko sistemei esker sinplifikatzen da; makina bakar batek hainbat prozesu gauza ditzake", zehaztu du.
Betetzeko zailak diren lanpostuen Osakidetzako lan-eskaintza publikoan eskainitako plazen % 45 bete gabe daude
Guztira, 169 lanpostu eskaini ziren deialdian, baina 75ek uko egin diote plazari edo eszedentzia eskatu dute. Hori gertatu da, hain zuzen ere, Familia Medikuntzako 60 lanpostutan, Pediatriako 10etan eta Psikiatriako 5etan.
Eusko Jaurlaritzak sukalde elektrikoen aldeko apustua egin du ikastetxeetan, menu osasungarriagoak eta jasangarriagoak emateko
Hezkuntza Sailak, 2027. urtea baino lehen, 28 in situ sukalde jarriko ditu, eta eremuko 16, nutrizioa, langileen lana eta jasangarritasuna hobetzeko.
Errektoreak EHUko finantzaketari egindako kritikak "egia-oste, gezur eta eufemismoetan" oinarritzen dira, Perez Iglesiasen iritziz
Juan Ignacio Perez Iglesias Eusko Jaurlaritzako Zientzia, Unibertsitate eta Berrikuntza sailburuak ukatu egin du EHU "azpifinantzatuta" dagoela, eta gaineratu du "oso zaila" dela horrelako diskurtsoetatik abiatuta akordioak lortzea.
Kerman hiltzea egotzita espetxeratutako diskoteka-atezaina aske uztea agindu du epaileak, behin-behinean
Baliteke akusatua hurrengo ordu edo egunetan ateratzea espetxetik.
Emakume bat ikerketapean dago 10 urteko semea gidatzen ari zela grabatzeagatik eta irudiak sare sozialetara igotzeagatik, Irunen
10 urteko adingabe baten ama ikertzen ari dira, bide-segurtasunaren aurkako ustezko delitu batengatik; semeari autoa gidatzeko baimena eman eta hori egiten ari zela grabatu egin zuelako. Urriaren 19an gertatu zen, Irunen, eta ondoren sareetara igo zituen.
Auto-ilarak sortu dira BI-10 errepidean, Bilbo eta Barakaldo parean bi istripu izan baitira
Bilboko istripuaren ondorioz, errei bat itxi dute Irunerako noranzkoan eta hiru kilometrorainoko auto-ilarak sortu dira. Halaber, Max Center parean izandako ezbeharra dela eta, bi errei itxi dituzte.
Euskadik ospe gastronomikoa indartu du: hiru izar dituzten jatetxe guztiak mantendu egin dira eta beste lau Michelin gidan estreinatu dira
Michelin 2026 Gidak Euskadiko lau jatetxe berri ditu orain, eta iazko sari guztiak mantendu ditu, baita hiru izarreko lau jatetxeak eta bi izarreko bi jatetxeak ere.