Suteak "kontrol eta itzaltze" bidean daudela adierazi du Nafarroako Gobernuak
Nafarroan asteburutik piztuta dauden suteak itzaltzeko lanean jarraitzen dute oraindik, baina egoerak nabarmen egin du hobera. Izan ere, gaur goizeko agerraldian Nafarroako Gobernuak adierazi duenez, suteak "kontrol eta itzaltze egoera baterantz doaz". Egoera aldekoa dela eta suteak egonkortzeko modu aktiboan lanean ari direla gaineratu dute.
Nafarroako Gobernuak bertan behera utzi du Nafarroako Larrialdietarako Lurralde Plana edo Platena deiturikoa suteen egoerak hobera egin duelako. Hori dela eta, plan horri lotutako debeku guztiak ere indargabetu egin dira. Esaterako, nekazaritza lanak egiteko debekua altxatu egin dute. Dena dela, Gobernutik arduraz jokatzeko deia egin dute.
Amparo Lopez Nafarroako Gobernuko Barne zuzendariak kazetarien aurrean azaldu duenez, gaur 09:00etan suteak eragozteko Infona planaren 2. maila sartu da indarrean. Asmoa da 14:00etan 1.mailara jaistea eta pixkanaka sua itzaltzeko baliabideak murriztea.
Gaur, Nafarroako baliabideak ez ezik, Espainiako Trantsizio Ekologikorako Ministerioaren bi helikoptero eta Larrialdietako Unitate Militarreko baliabideak ari dira bertatik bertara lanean. Iragan goizaldean Euskal Autonomia Erkidegoko eta Errioxako baliabideak erretiratu egin dira.
Egoerak hobera egin izanak ahalbidetu du etxetik kanpo zeuden lau herrietako bizilagunak (Amatriain, Makirriain, Olleta eta Santsoain) etxera itzuli ahal izatea.
Amparo Lopezek erantzukizunez jokatzeko deia egin du eta suteek kaltetutako eremuetara ez joateko eskatu du, egoera "ezegonkorra" delako.
Bestalde, azpimarratu du suaren aurka zuzenean lan egin duten 1.000 pertsona horietatik bost baino ez direla zauritu. Guztiak arin zauritu dira.
San Joan suen inguruan galdetuta, Amparo Lopezek erantzun du hiriarteko lurretan eskumena Ingurumen Sailarena dela, hiri lurretan, ostera, Udalena. Atzo, adibidez, Iruñeko Udalak San Joan suak egitea debekatu zuen.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.