Bildarratz ikastolen ordezkariekin bildu da itunpekoen hitzarmenak eragindako desadostasuna bideratzeko
Jokin Bildarratz Eusko Jaurlaritzako Hezkuntza sailburua Ikastolen Elkarteko ordezkariekin bildu zen atzo, itunpekoen hitzarmen berriak bi aldeen artean eragin duen aurrez aurrekoa bideratzeko. Koldo Tellitu Ikastolen Elkarteko presidenteak Euskadi Irratiari nabarmendu dionez, "negoziazioak bide onetik doaz", eta "elkarlanerako prest" azaldu dira bi aldeak.
Tellituren hitzetan, "gehien kezkatzen gaituena da lerro bakarreko ikastolen egoera, hau da, kolokan egon daitekeena. Horren inguruan zehaztasunik ez dugu, baina azpimarratu behar duguna da bide onetik goazela eta, bestetik, gure asmoa dela ikastolekin berriro kontraste lan hori egitea".
Lerro bakarreko 12-14 ikastola egon litezke arriskuan, Ikastolen Elkartetik zehaztu dutenez. Hain justu, EAEko ikastola guztietako zuzendariekin beste bilera bat egingo dute "korapilo nagusiak" non dauden zehazteko, eta gerora, "Jaurlaritzarekin batera, irtenbidea emateko".
Eusko Jaurlaritzak EAEko itunpeko ikastetxeei zuzendutako hezkuntza ituna onartu zuen asteartean. "Gizarte testuinguru berrira egokitzeko" asmoz, hainbat aldaketa iragarri zituen Bildarratzek. Besteak beste, ikasgelak osatzeko ratioak jaitsi dituzte eta ikasgelak bikoizteko erraztasuna eman.
Zure interesekoa izan daiteke
Nagore Laffage gogoratu dute Irunen, hil zutela 18 urte bete direnean
Nagore Laffage hil zutela 18 urte bete dira gaur. Jose Diego Yllanesek hil zuen gazte irundarra 2008ko sanferminetan, Iruñean. Urtero bezala, gertatutakoa ez ahazteko, ekitaldia egin dute Laffageren jaioterrian, Irunen, hango Emakumeen Etxeak antolatuta. Emakumeek espazio guztietan aske ibiltzeko duten eskubidea aldarrikatu dute.
Perez Iglesias: "Jaurlaritzak ez du zalantzan jartzen zuzentzaileen zintzotasuna eta profesionaltasuna"
Zientzia, Unibertsitate eta Berrikuntza sailburuak esan du USaP azterketen "sistema garantista" izateak ez duela esan nahi "zenbait hobekuntza" egin ezin direnik.
Lesakako Zubigaineko dantza San Fermin eguna ospatzeko
Lesakako dantzariak Onin zubiko petrila igo dira ohiko Zubigaineko dantza egiteko. Dozenaka ikusleren aurrean, San Fermin eguna ospatu dute herrian.
1.500 ikasle gehiagok jaso ahal izango dute unibertsitate-beka datorren ikasturtean, Jaurlaritzak baldintzak malgutu ondotik
Besteak beste, zailtasunak izan arren orain arte errenta-muga gainditzen zuten familietako ikasleek jaso ahal izango dute beka. Gainera, desplazamendu-laguntzak jasotzeko ez da derrigorrezkoa izango ikasketak Euskal Autonomia Erkidegoan egitea, eta baldintza akademikoak ere malgutuko dira; zenbait kasutan 5eko nota nahikoa izango da laguntza jasotzeko.
Etxebizitza da arazo nagusia Bizkaiko herritarrentzat, baita enplegua eta segurtasunik eza ere
Bizkaiko ekonomiaren egoera nahiko ona dela uste dute % 45ek, baina 2027an dezente okerragoa izango dela uste dute % 27k. Arlo politikoari dagokionez, EAJ da begikotasun handiena pizten duen alderdia (% 38), eta haren atzetik daude EH Bildu (% 36) eta PSE-EE (% 14).
Iruñeak bere egun handia ospatu du gaur San Ferminen omenezko prozesioarekin
Zuriz eta gorriz jantzitako milaka iruindarrek Iruñeko kaleak bete dituzte astearte honetan, uztailak 7, jaietako egun handian, San Fermin alde zaharretik igarotzean santuaren omenezko prozesio tradizionalean babesteko. Aurten, tenperatura altuek eragindako alerten ondorioz, prozesioaren ibilbidea aldatu egin da.
Gipuzkoako Foru Aldundiak enplegu publikoko 281 plaza deitu ditu 18 hautaketa-prozesu berritan
Azterketak 2027ko urtarrilaren 11tik aurrera egingo dira, eta salbuespen bakarra egongo da: kanpainetan laguntzeko erdi-mailako teknikari lanpostuetarako azterketan, hain zuzen ere. Azterketa hori abenduaren 1etik aurrera deitu ahal izango da.
Bi pertsona atxilotu dituzte sexu-erasoak egitea egotzita sanferminetako lehen egunean
Agiri baten bidez, Iruñeko Udalak bi atxiloketak baieztatu ditu jaietako lehen 24 orduak igarota egin duen balantzean.
ELAk iragarri du sektore-hitzarmenetako 27 negoziaziotan euskara soilik erabiliko duela
Sindikatuak adierazi duenez, aztertutako ia 1.500 hitzarmenen artean, % 17k baino ez dituzte "hizkuntza eskubideak bermatzeko" neurriak jasotzen.
San Fermin egun handia gogotik ospatzen ari dira Iruñean
Sanferminetako egunik esanguratsuena bizi du Iruñeak: jaietako ekitaldirik jendetsuenak eta tradizionalenak biltzen ditu egitarauak. Lehenengo entzierroa, patroiaren omenezko prozesioa, su artifizialak eta kontzertuak dira San Fermin egun handiko hitzordu garrantzitsuenak.