Melillako hesia gainditzen saiatu ziren 23 migratzaileren heriotza argitzeko eskatu dute
Melillako hesia gurutzatzen saiatzen ari zirela, Marokoko Poliziarekin izandako istiluetan gutxienez 23 migratzaileren heriotza argitzeko eskatu dute migratzaileekin eta giza-eskubideen alde lanean diharduten hainbat elkartek. Liskarretan 140 polizia marokoar ere zauritu ziren, horietako bost oso larri.
Helena Maleno Mugak Ibiltzen Gobernuz Kanpoko Erakundearen bozeramaileak argitu duenez, baliteke hildako kopurua handiagoa izatea, "37 gazte migratzaileren heriotza baieztatu baitugu". Malenok salatu duenez, "biktimek orduak eman zituzten hilzorian, laguntza eman behar zutenen begirada ankerraren aurrean".
Giza Eskubideen aldeko Marokoko Elkarteak sare sozialetan zabaldutako irudietan ikus daitezke pertsona migratzaileak lurrean botata eta pilatuta, poliziaz inguratuta.
"Erantzukizunak zuritzeko eta jazotakoa argitzeko ikerketa serioa eta osoa egin gabe, Saharaz hegoaldeko eta Sudango migratzaile hildakoen lurperatze arina agintzeko edozein saiakera salatu nahi dugu", adierazi du elkarte horrek.
Espainiar Estatua, "erantzunkide"
Zentzu berean mintzatu da Giza-Eskubideen aldeko Andaluziako Elkartea. Melillan gertatutakoa "tragedia jasaezintzat" jo du, eta berehalako ikerketa exijitu du. "Mugako kontrolak kanpora atera izanak Estatu Espainiarra erantzunkide bihurtzen du", gaineratu du.
Bestalde, Solidary Wheels elkartearen iritzian, "aspaldiko partez Espainiako eta Marokoko indar armatuek Melillan egindako indarkeria jazoerarik lazgarrienetarikoa izan da", eta gertaerak argitu ditzaten eskatu du.
Gobernuaren erantzuna
Espainiako Gobernuak mafiak seinalatu ditu Melillako hesiko "eraso bortitzaren" erantzule bakar gisa, eta horren kontra egiteko marokoar agenteen lankidetza goraipatu du berriz.
"Atzo, lehenik, elkartasuna adierazi nuen eta Estatuko indarrak gure herrialdean egiten ari diren lan paregabea aldarrikatu nuen, horietako zenbait eraso bortitzaren ondorioz zauritutako guardia zibilak, eta kalifikatzaile hori errepikatu nahi dut gainera, bortitza eta gizakiekin trafikatzen duten mafiek antolatua", adierazi du Pedro Sanchez Espainiako Gobernuko presidenteak larunbat honetan, prentsaurreko batean.
Bestalde, Pablo Echenique Kongresuko Unidas Podemoseko bozeramaileak esan du "hainbat indarkeria eta sufrimendu eragiten duen Marokoren muga kanporatze eta xantaia politika" birpentsatu behar duela Espainiak.
Goizago ere, Podemosek ikerketa eskatu dio Europar Batasunari, "berehalakoa eta independentea", gertatutakoa argitu eta erantzukizunak argitzeko, "autoritate migratzaileek egindako giza eskubideen urraketa larrien eta indarkeriazko irudi gogorren" aurrean.
Elkarretaratzea, igande honetan
Gipuzkoako SOS Arrazakeria elkarteak elkarretaratzea deitu du Donostian igande honetarako, ostiralean Melillako hesia gurutzatzen saiatu ziren 18 migratzaileen heriotzak salatzeko; "Espainia eta Marokoren arteko immigrazioaren aurkako itunak bermatutako odol-errekastoa".
Alderdi Ederren, udaletxe parean, izango da elkarretaratzea, eguerdiko 12:00etan. "Sarraski honen aurka" ahotsa altxatzeko eskatu du elkarteak.
Zure interesekoa izan daiteke
Pantailak Euskaraz plataformak txalotu egin du ETB1 ONen haurrentzako edukiak eskaintzeko erabakia
Apirilaren 13tik aurrera, EITBk bikoiztu egingo du ETB1 ONen seinalea, eta 07:00etatik 19:00etara haurrentzako euskarazko edukiak eskainiko ditu, etenik gabe, telebista konbentzionalean.
Ehunka herritarrek Berrizen atzo izandako hilketa matxista saiakera salatu dute
'Erasoen aurrean, autodefentsa feminista' goiburupean, manifestazio zaratatsua egin dute gaur arratsaldean Berrizen. Ehunka herritar batu dira Mugimendu Feministak deitutako protestara, atzo izandako eraso matxista irmo salatzeko. Emakundek ere bat egin du deialdiarekin.
Basauriko hilketa matxista salatu dute Berangon
Berangoko Udalak eta Emakumeen Elkarteak deituta, indarkeria zantzuekin hilda agertu zen 44 urteko emakume berangoztarra gogoan izan dute astearte honetan.
Hego Euskal Herriko garaiak Kultura Ondare ez-materiala dira jada
Espainiako Gobernuak errege-dekretu batean aitortu du Iberiar Penintsulako iparraldeko garaien balio sinbolikoa eta soziala. Deklarazioak eraikuntza tradizional horien kontserbazioa bermatzen lagunduko du; izan ere, mantentze ezak, homogeneizazioak eta belaunaldien arteko aldeak arriskuan jartzen dituzte.
21 urteko mutil bat hil da Nafarroan, nitazenoa kontsumitu ondoren
2024ko abuztuan hil zen, eta Nafarroako Ospitale Unibertsitarioak orain egiaztatu du nitazenoek eragindako heriotza izan zela. Opioide sintetiko horri lotutako lehen heriotza da Euskal Herrian eta Estatu espainiarrean.
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.