Nafarroako errege-erreginak omendu dituzte Leireko monasterioan
Antzinako Nafarroako Erresumako errege-erreginak omendu dituzte igande honetan Leireko San Salvador monasterioan. Maria Chivite Foru Erkidegoko presidentea izan du buru zeremoniak, foru erakundeetako beste hainbat ordezkarirekin batera.
Hala, orduko Foru Aldundiak 1973an hasitako tradizioarekin jarraitu du Nafarroak. Iaz berreskuratu zuten, oraingo legegintzaldiaren aldaketak eta pandemiak bi urtez eten ostean. Nafarroako Erresumaren aitzindari izandako Iruñeko Erresumako lehen monarken gorpuzkiak daude monasterioan.
Ekitaldi zibilari hasiera emateko, segizioak ibilbidea egin du monasterioaren esparrutik, atezainak buru zituela (lore-koroa eta eskaintzarako objektuak zeramatzaten), ondoren mazolariak eta armen erregea, autoritateek jarraituta. Segizioak aurrera egin bitartean, Gobernuko Tronpeta eta Tinbalen Bandak Nafarroako Ereserkia jo du, Erreinuan sartzeko Martxa.
Tenpluaren barnean, Juan Manuel Apesteguia monasterioko abade mitradunak agurra egin die autoritateei, eta lekua hartu dute panteoi errealaren aurrean. Bertan, Eloisa Ramirez historialariak idatzitako testu bat irakurri dute, Leirek Nafarroako historian duen sinbolismoa azaltzen duena, eta errege-erreginak omentzeko tradizioari buruzko beste bat.
Jarraian, foru erakundeek lore-eskaintza egin diete errege-erreginei, eta Agur Jaunak abestiarekin burutu da ekitaldia.
Ekitaldia amaitu ostean, segizioak ibilbidea jarraitu du Ostatuko patioraino, eta Virgen del Puy eta San Andres de Estella-Lizarra dantza-taldeek ikuskizuna egin dute, Merindadearen adierazgarri diren tradiziozko dantzekin.
Albiste gehiago gizartea
70 talde feminista baino gehiagok eta LGTBIQ+ taldek Bernedoko udalekuen aurkako "lintxamendu kanpaina" salatu dute
"Ultraeskuinak" eta "puritanismoak" sexu- eta genero-disidentzia adingabeei egindako erasoekin lotu nahi izatea kritikatu dute.
Auto-ilara luzeak sortu dira A-8 autobidean, Malmasinen, Donostiarako noranzkoan
Hiru ibilgailuren arteko istripua izan da tunelaren barruan, eta errei bat itxi dute.
Xabiertxok, 100 urte: "Uste dut gaur egungo hezkuntzak garai hartako ekosistema euskaltzale hori behar duela"
Duela 100 urte argitaratu zuen Ixaka Lopez Mendizabal tolosarrak Xabiertxo, haurrei euskaraz irakurtzen irakasteko liburua. Haritz Azurmendi Jakin Fundazioko kidea aritu da mendeurrenaren ospakizuna prestatzeko lanetan, eta liburuari buruzko bitxikeriak azaltzeaz gain, Xabiertxok Euskal Herriari egin dion ekarpenaren inguruan mintzatu da.
Milaka herritar atera dira kalera Palestinaren alde
Gazarako Mugimendu Globala Euskal Herriak deituta, Iruñean 18:30ean abiatu da manifestazio nagusia Merindadeen plazatik, eta Donostian, Gasteizen eta Bilbon, 19:00etan. Halaber, unibertsitateko ikasleek manifestazioak egin dituzte 12:00etan euskal hiriburuetan.
ES-Alert ohartarazpen sistema probatu du SOS Deiak zerbitzuak Balmasedan
Balmasedan zeuden mugikorrek ohartarazpen mezu bat jaso dute. Sistema honekin jakinaraziko zaio gizarteari hondamendiren baten arriskua. Balmasedan egindako probarekin eraginkortasun-maila ezagutu nahi izan da, behar izanez gero hobetu ahal izateko. Soinua entzun ondoren, euskaraz, gaztelaniaz eta ingelesez idatzitako mezu bat jaso dute gailuetan, probaren berri emanez.
Berriro gelditu dira Gatika eta Capbreton arteko interkonexio elektrikoko itsaspeko kablearen obrak, Butroe ibaian isuria izan da eta
URA agentziak zehapen-espedientea ireki du Red Electricaren aurka, eta Gatika inguruan egiten ari ziren zulaketa-lanetako bat geldiaraztera behartu du, Butroe ibaiko erreka batean isurketa izan delako. Toxikotzat hartzen ez den substantzia bat isuri da, bentonita, baina ekosistemari kalte egiten dio.
Hasi da gripearen aurkako txertaketa-kanpaina, eta 75 urtetik gorakoei txerto indartua jarriko diete
"Zu zara funtsezko pieza gripea saihesteko. Jarri txertoa" lelopean, Osakidetzak hitzordua eskatzeko deia egin die pertsona zaurgarriei. Astelehenean hasiko dira txertatzen. Kalteberatzat jo ez dituztenek azarora arte itxaron beharko dute txertoa hartu ahal izateko.
Palestinarekin Elkartasuna plataformak Sumud Flotillaren aurkako erasoa kaleetan salatzeko deia egin die euskal herritarrei
Plataformaren ustez, "ezinbestekoa da Israelen eta mendebaldeko konplizeen aurkako mobilizazioa eta borroka bultzatzen jarraitzea", eta bat egiten du Gazarako Mugimendu Globalak Euskal Herriko hiriburu eta udalerrietan egindako deialdiekin.
Renfek erabat berrezariko du Bilbo eta Santurtzi arteko larunbat eta igandeetako tren-zirkulazioa
Aste barruan, trenak ohiko ordutegiaren % 50eko maiztasunarekin dabiltza, behin-behinean, aldaketarik iragarri bitartean.
Elhuyarrek sei hizkuntzatan automatikoki bikoizteko plataforma sortu du
Elhuyar Fundazioak Euskal Herriko lehenengo bikoizketa automatikoko plataforma sortu eta martxan jarri du. Erreminta honekin ikus-entzunezko eduki bat sei hizkuntzatan (euskara, gaztelania, frantsesa, ingelesa, galiziera eta katalana) bikoiztu daiteke eta jatorrizko ahotsak imitatzeko aukera ematen du. Tresna berria Aditu plataforman integratu da. Horrela, plataforma hau azpitituluak sortzeko plataforma izatetik automatikoki bikoizteko aukera ematera igaro da.