Berriro ireki dute Garaioko parkerako sarbidea, asteleheneko sutea "erabat kontrolpean" baitago
Garaioko parkerako sarbidea, Gasteiztik 20 kilometrora, berriro ireki dute astearte goizeko lehen orduan, Radio Euskadik jakitera eman duenez; izan ere, astelehen arratsaldean piztutako sutea "erabat kontrolpean" dago, nahiz eta Arabako suhiltzaileak zaintzen ari diren oraindik, ondorengo orduetan eta egunetan bero handia iragarrita dago eta. Gainera, Araban ere, Mendozan, beste sute bat piztu zen astelehenean, baina azken orduan itzalita zegoen jada.
Hala, bainulariek aukera izango dute astearte honetan normaltasunez bueltatzeko parkera. Astelehen arratsaldean, baina, hustu behar izan zuten; sutearen foku nabarmenenak parkerako sarbide bakarraren ondoan zeuden, eta, ondorioz, tentsio- eta kezka-uneak izan ziren. Oraindik ere, Ekoran, foku txiki batzuk daude, baina, esan bezala, sutea guztiz kontrolpean dago.
16:00ak jota piztu zen sutea Garaion, Arratzua-Ubarrundia udalerrian. Aguraingo suhiltzaileak bertaratu ziren, eta Oñatiko (Gipuzkoa) suhiltzaileei laguntza eskatu zieten. Antza denez, uzta biltzeko makina batek piztu zuen sutea. Zerealeko 100 bat hektarea eta behe-mendiko 2 erre ditu.
Mendozako sutea, itzalita
Bitartean, pertsona bat artatu behar izan zuten Mendozan baso-sute batean kea arnastu baitzuen. Suteak 40 hektarea kiskali zituen. Dirudienez, uzta biltzeko makina batek piztu zuen sua labore lursail batean.
Mendoza eta Tresponde artean piztu zen sua 16:15 aldera. Iruña Oka, Espejo, Guardia eta Gasteizko suhiltzaileak bertaratu ziren, baina aireko baliabideak eskatu zituzten, sugarrak kontrolatzen saiatzeko, Arabako Aldundiak jakitera eman zuenez. Ke zutabe handiak urrunetik ikus zitezkeen.
Ertzaintza, Babes Zibila eta osasun zerbitzuak ere bertaratu ziren, eta kea arnastu zuen pertsona bat artatu behar izan zuten, Segurtasun Sailak zehaztu zuenez.
Gasteizko Udalak azaldu zuenez, sutea laborantzako lursail batean piztu zen.
Gomendioak nekazaritzari sektoreari
Aldundiak mezuak, gutunak eta informazio eskuorriak bidali zituen iragan astean, suteak saihesteko nekazaritza sektorearentzako gomendio eta aholkuekin, bereziki, uzta batzen ari den labore sektoreari zuzenduak.
Gomendioen artean, foru erakundeak, bero handiko baldintzetan, eguerdiko orduetan lanik ez egitea aholkatu du. Azkenik, makinekin bira emateko orduan, mozketa plataforma altxatzeko gomendioa eman du, harriekin igurtzia saihesteko.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.