Munduko Osasun Erakundeak nazioarteko larrialdia ezarri du tximino-baztanga agerraldiaren ondorioz
Munduko Osasun Erakundeak (MOE) nazioarteko larrialdia ezarri du larunbat honetan tximino-baztanga agerraldiaren ondorioz, 75 herrialdetan 16.000 kasu inguru (horietako bost hilgarriak) atzeman ostean, horietako asko Europan, non gaixotasuna ez den endemikoa.
Tedros Adhanom Ghebreyesus MOEko zuzendari nagusiak eman du erabakiaren berri prentsaurreko batean, gaixotasun horretan adituak dituen larrialdi-batzorde bat balizko adierazpena aztertzeko bildu eta bi egunera, eta horrek osasun-sare nazionalak prebentzio-neurriak handitzera behartuko ditu.
Ekainean izandako bileran nazioarteko larrialdi ez ezartzea erabaki zuen batzordeak (orduan, 3.000 kasu inguru ziren) eta, Tedrosek adierazi duenez, oraingoan ere ez da erabateko adostasuna izan adituen artean, baina zuzendari nagusiak nazioarteko larrialdi ezartzea erabaki du azkenik mundu mailan izandako kasu kopuru handiagatik.
Kutsatze-arrisku maila "handia" Europan
Tedrosek ohartarazi duenez, "aurretik tximino-baztanga kasurik izan ez duten herrialdeetan ari da zabaltzen gaitza". Hori dela eta, tximino-baztangaren kutsatze-arrisku maila "handia" da Europan (kasuen % 80 hemen izan baitira), eta "maila ertainekoa" gainerako eskualdeetan, Afrikan barne, duela hamarkada batzuk gaixotasuna endemikoa baita.
Mundu mailako alerta gorabehera, "gizonezkoen edota bikotekide anitzen arteko sexu-harremanak izaten dituztenen artean" dira bereziki agerraldiak, hori dela eta, gaitzaren gainean informatzeko eskatu die. Kaltetuen duintasuna eta giza-eskubideak babesteko neurriak hartzera deitu du Tedrosek, "estigma eta bazterkeria birusak bezain arriskutsuak baitira".
Munduko Osasun Erakundeak zazpigarrenez ezarri du nazioarteko larrialdia: 2009an A gripearekin, 2014an eta 2018an ebolarekin, 2014an polioarekin, 2017an zika birusarekin eta 2020an covidarekin (azken hori oraindik indarrean dagoela).
Zure interesekoa izan daiteke
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.