1.500 migratzaile baino gehiago heldu dira azken orduetan Italiako kostaldeetara
1.500 migratzaile baino gehiago heldu dira azken orduetan Italiako kostaldeetara. Erreskatatutako ontzien artean, arrantzarako ontzi batean, alegia, migratzaileren bost gorpu aurkitu dituzte. 74 lagun zeramatzan ontzia Calabriatik 124 miliara aurkitu du Itsas Guardiak, eta, horien barruan, bost migratzaile hilik zihoazen, iturri ofizialek jakinarazi dutenez. Gainera, Sea Watch 3 eta Ocean Viking ontziek 500 migratzaile baino gehiago ere erreskatatu dituzte.
Lampedusa irlaren erdiguneko jende-pilaketak eta zaborrak jotako 2.000 pertsonatik gora zeuden han, eta, ondorioz, duela astebete, Itsas Marinak 600 bat migratzaile eraman behar izan zituen ontziz beste hirietara.
Afrikatik gertuen dagoen irla da Lampedusa, eta etengabe ari dira migratzaile-ontziak heltzen. Sarritan, Itsas Guardiak atzematen ditu ontzi horiek, beste askotan, ordea, migratzaileak Lampedusako hondartzetara iristen dira zuzenean.
Espainiar estatuan ere amaigabea da migratzaileen iritsiera. Igande honetan kayak batean zihoazen Magrebeko hiru migratzaile (bi gizon eta adingabe bat) erreskatatu ditu Itsas Salbamenduak Cadizen.
Bestalde, pateraz iritsitako beste 12 migratzaile atzeman ditu Guardia Zibilak Mallorcako Sa Rapita udalerrian. Denak onik daude.
Zure interesekoa izan daiteke
Ertzaintzaren aurkako salaketa jarri dute, gizonezko bati barrabiletan lesio larria eragiteagatik Sestaon
Bingen Zupiria Segurtasun sailburuak Eusko Legebiltzarreko Segurtasun Batzordean agerraldia egitea eskatu du, gertatutakoaren inguruko azalpenak emateko.
ELAk salatu du irakasleak euskalduntzeko Irale programa bertan behera utziko duela Jaurlaritzak
Begoña Pedrosa Hezkuntza sailburuak zehaztu du programarekin jarraituko dela, baina egungo "behar berrietara" egokituta. Azpimarratu du azken urteotan sistema publikora batu diren irakasleek C1 maila dutela. "Datu horrek berak bakarrik hitz egiten du".
Bilboko erdigunetik Masustegi auzora eramaten duen igogailu berria martxan da
Bilboko erdigunetik Masustegi auzora eramaten duen igogailu berria martxan da. Aldapa handiak eta eskailera ugari diren honetan, aspaldian eskatua zen igogailua estreinatu berri da. 100 metroko igoeraren ostean herri txiki batean sartzen gara, nahiz eta hirian egoten jarraitu.
Tuterako Ospitaleko mediku egoiliar batek salatu du lankide batek sexu-erasoa egin diola
Azaldu du Larrialdialdietako zerbitzuan guardian zeudela gertatu zela erasoa, eta Osasun zentroak kasua artxibatu egin zuela, "probarik ez" zegoela argudiatuta.
Lekuko batek grabatutako irudiei esker atxilotu dituzte Berriozarreko kafetegi bateko lapurrak
Inguruan garbiketa lanetan ari zen pertsona batek bi pertsona ikusi zituen kafetegian lapurreta egin eta leihotik ateratzen. Aurre ere egin zien, baina lapurrek ihes egin zuten. Hala ere, grabatu zituen irudiak funtsezkoak izan dira ikerketa burutu eta lapurretaren ustezko egileak, aita-semeak, atxilotzeko.
Arabako ikasle nerabeen % 47,3k online pornografia kontsumitu dute noizbait
Gasteizko Udalak, Vital Fundazioak eta Euskal Herriko Unibertsitateko (EHU) PSIDES ikerketa-taldeak Arabako adingabeen online pornografiaren kontsumoari buruz egindako lan batek agerian utzi duenez, Arabako adingabeek pornografiarekin lehen harremana 12 urterekin izaten dute.
Gizon bat hil da Berriobeitiko rokodromo batean, lan-istripuz
51 urteko gizona altuera handitik erori da instalazio horietan lanean ari zela.
Egoera bere onera itzuli da N-1 errepidean Andoainen, Irunerako noranzkoan, istripu baten eta auto-ilara luzeen ondoren
10:00 inguruan istripua izan da kamioi baten, autobus baten eta hiru autoren artean, eta, zauriturik izan ez bada ere, errepidea erabat itxi behar izan dute eta auto-ilara luzeak sortu dira, 6 kilometrorainokoak.
Etxebarri erretegia, Macarfi gidako 'Top of the Tops' zerrendan
Gainera, Azurmendi eta Molino de Urdaniz Euskal Autonomia Erkidegoko eta Nafarroako jatetxe onenak izendatu dituzte. Gainera, urteko bigarren irekiera onenaren aitortza eman diote Itzuli jatetxeari.
Mancisidor: "Erakundearen hizkuntza politikak orain arteko estandar altuei eutsiko die"
"Hori da orain arte izan dudan konpromiso irmoa, eta aurrerantzean ere horri eustea espero dut", nabarmendu du Mikel Mancisidor Ararteko berriak, Eider Hurtadok Radio Euskadin egindako lehen elkarrizketan.