Frantziak Girondako suteei aurre egiten jarraitzen du gaur ere
Frantziak herrialdeko hainbat lekutan piztuta dauden suteei aurre egin behar die gaur ere, bereziki hegoaldean. Suhiltzaileek goizaldean sua baretzen lortu dute, baina tentsio handiko egoera da.
Romain Leaustic Arcachongo suprefetak adierazi duenez, suak ez du aurrera egin Girondako departamenduan. Dagoeneko, 7.400 hektarea kiskali eta 10.000 pertsona etxetik irtenarazi ditu asteartetik. Sutea bigilatzeko 40 km-ko perimetroa ezarri dute.
Sutea egonkortzea lortu dutenez, ke gutxiago dago airean, eta horrek ahalbidetu du Biriatuko mugan azken egunetan izan diren arazoak ekiditea.
Suprefetak adierazi du gaur aurreikusi dutela beroaldi honetako egunik beroena, 40 gradutik gorako tenperaturekin, hori dela eta, jarraipen estua egingo dutela esan du, su-garren aurka borroka egiteko.
"Egun konplexua dugu tenperaturek gora egiten jarraitzen dutelako, eta hezetasunak behera", azaldu du.
Hala, esan duenez, 1.100 suhiltzaile ari dira su-garren aurka lanean, eta gaur Europako zenbait herrialdetik etorritako beste 361 agente batuko dira lanetara.
Leausticek zehaztu du Alemaniak eta Errumaniak bidalitako laguntzaileak ostegunean heldu zirela eta gaur Austriatik eta Poloniatik helduko direla.
Gainera, airetik ere baliabide gehiago izatea espero da, guztira, 11 ibilgailu izatea espero dute.
Zure interesekoa izan daiteke
Perez Iglesias: "Jaurlaritzak ez du zalantzan jartzen zuzentzaileen zintzotasuna eta profesionaltasuna"
Zientzia, Unibertsitate eta Berrikuntza sailburuak esan du USaP azterketen "sistema garantista" izateak ez duela esan nahi "zenbait hobekuntza" egin ezin direnik.
Lesakako Zubigaineko dantza San Fermin eguna ospatzeko
Lesakako dantzariak Onin zubiko petrila igo dira ohiko Zubigaineko dantza egiteko. Dozenaka ikusleren aurrean, San Fermin eguna ospatu dute herrian.
1.500 ikasle gehiagok jaso ahal izango dute unibertsitate-beka datorren ikasturtean, Jaurlaritzak baldintzak malgutu ondotik
Besteak beste, zailtasunak izan arren orain arte errenta-muga gainditzen zuten familietako ikasleek jaso ahal izango dute beka. Gainera, desplazamendu-laguntzak jasotzeko ez da derrigorrezkoa izango ikasketak Euskal Autonomia Erkidegoan egitea, eta baldintza akademikoak ere malgutuko dira; zenbait kasutan 5eko nota nahikoa izango da laguntza jasotzeko.
Etxebizitza da arazo nagusia Bizkaiko herritarrentzat, baita enplegua eta segurtasunik eza ere
Bizkaiko ekonomiaren egoera nahiko ona dela uste dute % 45ek, baina 2027an dezente okerragoa izango dela uste dute % 27k. Arlo politikoari dagokionez, EAJ da begikotasun handiena pizten duen alderdia (% 38), eta haren atzetik daude EH Bildu (% 36) eta PSE-EE (% 14).
Iruñeak bere egun handia ospatu du gaur San Ferminen omenezko prozesioarekin
Zuriz eta gorriz jantzitako milaka iruindarrek Iruñeko kaleak bete dituzte astearte honetan, uztailak 7, jaietako egun handian, San Fermin alde zaharretik igarotzean santuaren omenezko prozesio tradizionalean babesteko. Aurten, tenperatura altuek eragindako alerten ondorioz, prozesioaren ibilbidea aldatu egin da.
Gipuzkoako Foru Aldundiak enplegu publikoko 281 plaza deitu ditu 18 hautaketa-prozesu berritan
Azterketak 2027ko urtarrilaren 11tik aurrera egingo dira, eta salbuespen bakarra egongo da: kanpainetan laguntzeko erdi-mailako teknikari lanpostuetarako azterketan, hain zuzen ere. Azterketa hori abenduaren 1etik aurrera deitu ahal izango da.
Bi pertsona atxilotu dituzte sexu-erasoak egitea egotzita sanferminetako lehen egunean
Agiri baten bidez, Iruñeko Udalak bi atxiloketak baieztatu ditu jaietako lehen 24 orduak igarota egin duen balantzean.
ELAk iragarri du sektore-hitzarmenetako 27 negoziaziotan euskara soilik erabiliko duela
Sindikatuak adierazi duenez, aztertutako ia 1.500 hitzarmenen artean, % 17k baino ez dituzte "hizkuntza eskubideak bermatzeko" neurriak jasotzen.
San Fermin egun handia gogotik ospatzen ari dira Iruñean
Sanferminetako egunik esanguratsuena bizi du Iruñeak: jaietako ekitaldirik jendetsuenak eta tradizionalenak biltzen ditu egitarauak. Lehenengo entzierroa, patroiaren omenezko prozesioa, su artifizialak eta kontzertuak dira San Fermin egun handiko hitzordu garrantzitsuenak.
Garbitzaileak buru-belarri aritu dira ibilbidea garbitzen sanferminetako lehen gauaren ondoren
Egunero, 253-317 pertsonak osatzen dute garbiketa, brigadetan banatuta, eta 80 edukiontzi gorri, 800 eta 1.000 litro artekoak, eta 120 litroko 800 paperontzi ere jarri dituzte.