Hildako bat eta 40 zauritu izan dira Medusa Jaialdian, haize bortitzak hainbat egitura bota ostean
22 urteko gazte bat hil eta beste 40 pertsona zauritu dira Cullerako (Valentzia) Medusa Jaialdian, haize-bolada bortitzen ondorioz hainbat egitura eta agertoki nagusiko zati erori ostean. Zaurituetako bost gazte Valentziako ospitaleetara eraman dituzte, Osasun Kontzeilaritzak jakitera eman duenez.
Antolakuntzak ohar bat kaleratu du "ezaugarri suntsitzaileak dituen fenomeno meteorologiko" bat aipatuz istripuaren sorburu gisa, agertokiko azpiegituran kalteak eragin dituena.
Ezbeharraren ondorioz, Medusa Jaialdiaren zuzendaritzak festibala bertan behera utzi eta oharra kaleratu du esanez "erabat suminduta eta hunkituta daudela", eta zaurituen esanetara jarri da.
Guardia Zibilak ikerketa abiatu du ezbeharraren nondik norakoak argitzeko.
Jaialdiak igandera arte 320.000 pertsona inguru biltzea espero zuen, eta ostiralean hasi zuen musika elektronikoaren programazio ofiziala.
04:00ak aldera, haize-bolada bortitz batzuen ondorioz, hainbat egitura erori dira, besteak beste, sarrera nagusiaren neurri handiko kartela eta agertokien zati batzuk, horietako batzuk jendearen gainera erori direlarik.
Estatuko Meteorologia Agentziaren arabera, goizaldean "eztanda beroak" izan dira, haize-bolada oso gogorrekin eta bat-bateko tenperatura-igoerekin.
Jaialdiak "baimen guztiak" zituen
Jordi Mayor Cullerako alkateak bi dolu-egun ezarri ditu gazte baten heriotzagatik, eta larunbat honetan adierazi duenez, jaialdiak "baimen eta berme juridiko eta administratibo guztiak" zituen, administrazio "oso zorrotza" delako, eta ikerketa irekian xedatzen denaren arabera egongo direla adierazi du.
112 GVAk kaltetutakoak eta senideak artatzeko telefono bat jarri du martxan
Larrialdiak Koordinatzeko Zentroak, Osasun Kontseilaritzak eskatuta, arretarako telefono bat (900 365 112) aktibatu du larunbat goizaldean Medusa jaialdian izandako istripuan kaltetutako senide eta pertsonentzat.
Gurutze Gorriko Larrialdietako Zerbitzuek Larrialdiei Berehalako Erantzuna emateko Talde bat (ERIE) ere mobilizatu dute, Cullerako Guardia Zibilaren kuartelean, erorketak kaltetutakoei laguntza psikologikoa emateko, 112 GVAren arabera.
Zure interesekoa izan daiteke
Gizon bat atxilotu dute Igorren sexu-erasoa egitea egotzita
Igande arratsaldean gertatu zen erasoa, Bizkaiko udalerriko etxebizitza batean.
Urnietako elizako erlojua konpontzen ari dira Salestarretako elektromekanika ikasleak
Salestarretako elektromekanika ikasleak ari dira konpontzen Urnietako elizako erlojua. Helburua udaberria baino lehen prest egotea da. Lan honek aukera ematen die ikasleei desagertzeko zorian diren lanbideak ikasteko.
Eusko Jaurlaritzak ostegunean probatuko du herritarrei hondamendietan abisuak emateko sistema, Araban
Araban kokatutako gailuetan alerta-soinu bat entzungo da, eta, horrekin batera, mezu bat. Horretan adieraziko da proba bat dela, eta ez benetako arrisku-egoera bat.
Gasteiz eta Bilbo arteko lineako zortzi bidaia kenduko ditu La Unionek
Autobus konpainiak errefortzu horiek kendu egingo ditu, eskari txikia dela eta: Gasteiztik Bilbora (05:50, 06:45, 13:30 eta 15:30) eta Bilbotik Gasteizera (06:30, 07:45, 09:30 eta 13:30).
Vatikanoa Cadizeko eta Ceutako gotzaina ikertzen ari da, 1994-2000 artean adingabe bati abusuak egin omen zizkiolako
Gotzaindegiak iragarri du agenda eten duela, eta baieztatu du "duela ia hogeita hamar urteko gertakarien inguruan egin diren akusazioak oso larriak eta faltsuak" direla. Espainiako Gotzainen Batzarrak "justiziarekiko konfiantza" adierazi du, eta Espainiako Nuntziatura Apositolikoaren Rotako auzitegiaren lana "errespetatu egiten" duela.
EAEko jaiotza-tasak % 2,1eko igoera izan du urteko bigarren hiruhilekoan
Horrekin batera, atzerriko nazionalitatea duten amen jaiotzak totalaren % 25,3 dira Euskadin. Bereziki nabarmentzekoa da Arabako kasua, % 32,5era iristen baitira.
?fmt=webp-alpha&qlt=80)
Greenpeaceko ekintzaile batek Madrilgo zerua zeharkatu du, Brasilgo COP30 goi-bileraren atarian
Greenpeaceko ekintzaile batek 30 metroko altueran zintzilik zegoen zinta bat zeharkatu du Madrilgo erdigunean, "Planeta, hari-harian" zioen pankarta batekin batera. Ekintzaren helburua "justizia klimatikoa" eskatzea zen, gaur Brasilen hasiko den Klimaren Goi-bileraren (COP30) atarian.
"Indarkeria isilak" eta mikromatxismoak ditu ardatz azaroaren 25eko Nafarroako erakundeen kanpainak
‘Egunerokoan ere ezkutatzen da indarkeria. Ikusaraz dezagun’, izango da Nafarroako leloa A25aren aurrean, emakumeen edozein kontrol, diskriminazio eta desbalorizazio moduren aurkako kanpainan. Taberna lehendakariordeak Foru Gobernuaren kanpaina bat aurkeztu du, emakume askok beren egunerokoan jasaten duten indarkeria psikologikoa, ekonomikoa eta sinbolikoa salatzeko
Indarkeria matxista denon ardura dela azpimarratuko du aurten azaroaren 25eko kanpainak
‘Ez da zure arazoa soilik, gurea ere bada’ izango da EAEko erakundeek aurkeztutako kanpainaren leloa, eta norbanako batzuen arazo izatetik urruti, gizarte osoari eragiten dion egiturazko arazoa dela eta emakumeak babesteko komunitateak osatzeko beharra nabarmenduko ditu.
Artxandako funikularra itxiko dute hiru egunez, mantentze-lanak egiteko
Udalak jakinarazi duenez, autobus zerbitzu berezia (E5 linea) martxan jarriko da, Bilbo eta Artxandaren arteko garraioa indartzeko. Zerbitzu hori A7 lineako ohiko autobusaren osagarri modura emango da, azken horrek normaltasunez jarraituko baitu.