Galdakaoko boluntarioek omenaldia jaso dute La Palmako erupzioaren ostean emandako laguntzagatik
Galdakaoko Boluntarioen Gizarte Elkarteko boluntarioek El Pasoko Udalaren omenaldia jaso dute larunbat honetan, Cumbre Vieja sumendiaren erupzioak eragindako suntsiketaren ostean herritarrei eman zieten laguntza eskertzeko.
Bazterketa-eremuetan sartu eta etxebizitzetako, eraikinetako zein kaleetako errautsak garbitzeko lanetan aritu ziren boluntarioak 2021eko udazkenean. Erupzioa zela eta, animalia ugari erreskatatu zituzten hango egoitzetan eta haien zaintzan ere aritu ziren.
eitb.eus-i emandako elkarrizketan, Alvaro Saiz elkarteko presidenteak azaldu duenez, "Udalak omenaldia egin nahi digu, 186 egunez, atsedenik gabe, El Pasoko bizilagunen etxeak garbitzen egon ginelako. Elkarteko 416 pertsona joan ginen La Palmara garbiketa lanetan laguntzeko. Herritarrek etengabe eman izan dizkigute eskerrak. Atzo bertan, oraindik ere, esker mezu bat jaso genuen".
Irailaren 17an beteko da urtebete, azken 500 urteetako erupzio bolkaniko luzeena hasi zenetik. 8.000 pertsona baino gehiago ebakuatu behar izan zituzten euren etxebizitzetatik eta 2.500 inguruk betiko galdu zuten euren etxea, sumendiaren labak lurperatuta. Kea eta errautsak inguruko uharteetara iritsi ziren, eta aireportuak itxita egon ziren zenbait egunez.
Galdakaoko Boluntarioen Gizarte Elkartea
"Hegazkinetik jaitsi berritan segituan etorri zaizkit irudi haiek gogora: errautsa ilean, laino beltzak, jendea oso oso nekatuta, garbitu eta bi egunera berriro estalita zeuden kaleak... Oso une gogorrak bizi izan genituen. Herritarrek gure oroitzapen oso ona dute eta guk ere bihotzean daramagu irla hau; eta baita galtzerdietan ere" dio irribarrez Saizek, berriz ere La Palmara iritsi berritan.
10 urte egin ditu jada elkarteak eta denbora horretan hainbat sari jaso dute euren boluntario lanagatik: 700 laguni janaria banatzen diete hilero Galdakaon, hozkailu solidarioa eta rexcatering proiektuak jarri dituzte martxan, pertsona errefuxiatuei laguntza ematen diete Galdakaon bertan eta laguntza proiektu bat dute Mongolian. Une honetan Polonian ere ari dira lanean, Ukrainara itzuli nahi duten errefuxiatuei itzultzen laguntzeko. 600 boluntario ditu elkarteak.
"Askotan, ekintza bat egiten duzunean, denbora pasatzen da eta ahaztu egiten da, baina guk gure bidea egiten jarraitzen dugu. Urteko 365 egunetan aritzeko konpromisoa dugu; baina, oraingoan, ospatzea tokatu da", azaldu du Saizek.
Larunbat honetako omenaldia Ama Birjinaren jaitsierarekin bat eginez egin da El Pasoko jaien baita.
Zure interesekoa izan daiteke
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.
Osasun sailburuaren arabera, iraungitako txertoen kasuak "ESI batean edo bitan izan dira, Donostialdekoan tartean"
Alberto Martinezek ETBn egindako elkarrizketa batean azaldu duenez, pertsona batek "bere lana egin beharko lukeen modura egin ez duela ondorioztatzen bada, horren ardura hartu beharko luke, zalantzarik gabe". Sailburu gisa, ahal den neurrian, horrelako akatsak ez direla berriro jazoko bermatu behar duela nabarmendu du, hori baita bere "ardura".
Euskal eskola publikoen "itxierak eta bat-egiteak" itunpeko ikastetxeei "artifizialki eusteko" direla salatu du Sumarrek
Sumar Mugimenduak, Ezker Anitza-IUk eta Berdeak Equok "Hezkuntza publikoaren aldeko frontea" ekitaldia egin dute larunbat honetan Santurtzin, EAEko hezkuntza publikoaren egoera aztertzeko.