Zezenketen aurkakoek elkarretaratzea egingo dute gaur Bilbon
Zezenketen aurkako ekintzaileek elkarretaratzea egingo dute Bilbon igandean, abuztuak 21, Aste Nagusiko zezenketen aurka. "Bilbo odolik eta torturarik gabeko hiria" izan dadila aldarrikatuko dute mobilizazioan; AnimaNaturalisek eta CAS Internacionalek deitu dute, eta Arriaga Plazan izango da, 12:00etan.
"Tauromakia kultura dela diote batzuek, eta hori sinestarazi nahi digute, baina inork ez zuen sumatu zezenen sarraskia pandemian bertan behera utzi zituztenean", adierazi du Ima de Imaña AnimaNaturaliseko koordinatzaileak.
Protestako antolatzaileek esan dutenez, AVATMA albaitari-elkarteak aztertu ditu Kultura Ministerioak eta zezen-sektoreak emandako hainbat datu; ondorioa da 2018an, alegia, zezen-industriako azken urte "arruntean", plazan egindako zezenketek % 58,4 egin zutela behera 2007rekin alderatuta, eta % 2,1 2017rekin alderatuta: "Entzierroen eta gainerako herri-ospakizunen kopuruak ere behera egin zuen", gaineratu du. Imañaren esanetan, "datuek erakusten dute tauromakiak ez duela inor ordezkatzen".
Hala ere, deitoratu du "ikuskizun makabro hauek egiten jarraitzen dutela, diru publikoak eta erakundeetako pribilegioek babestuta. Aski dela esateko garaia da, gaitzetsi behar dugu ozen gutxi batzuek gozatzeko animaliek tratu txarrak pairatzen jarraitzea", nabarmendu du.
Zure interesekoa izan daiteke
Tolosako inauterietan bigantxak izango dira azkenean
Gipuzkoako Aldundiak behin behinean baimendu ditu inauterietan bigantxekin egiten diren ekitaldiak eta sokamuturra. Abenduan, Frantzian kasuek gora egin ostean erabaki zuten Jaurlaritzak eta Nafarroako Gobernuak abelburuen mugikortasuna mugatzea eta behi erakusketak, idi probak eta sokamuturra bezalakoak debekatzen zituen agindua.
Iaz 80 pertsonak jaso zuten eutanasia EAEn, aurreko urtean baino % 62k gehiagok
Eutanasia eskaerak 120 izan ziren, eta aurreko urtean, 74.
EAEko ikastetxeetan aurrematrikula egiteko gida
Gaurtik otsailaren 13ra arte egin ahal izango da aurrematrikula online zein aurrez aurre, eta hemen jaso dugu jakin beharreko informazio guztia.
EH Bilduk iraungitako txertoen inguruan egindako ohartarazpena "sobera" zegoen, Osasun Sailaren ustez
Lore Bilbao Osakidetzaren zuzendari nagusiak ETB1eko "Egun On" saioan azaldu duenez, familiei "mezu argi bat" helarazi nahi zieten, eta, horretarako, txostenak eskatu zituzten. Horien zain zeudenean egin zuen EH Bilduk eman zuen auziaren berri. "10 egun lehenagotik baldin bazekiten, zergatik ez zuten ezer egin? Kasu honetan guk bagenekien, baina zer gertatuko litzateke jakin izan ez bagenu?", galdetu du.
Jaiotza kopurua % 0,1 jaitsi da berriro Euskadin, bi hiruhilekotan gora egin ondoren
Lurraldeka, urtebetean % 3,2ko hazkundea izan zen Araban, 547 jaiotzarekin; Bizkaian % 4,7 jaitsi ziren, 1.616 jaiotzarekin; eta Gipuzkoan % 5,5 igo ziren, 1.129 jaiotzarekin.
Bikotekidea hiltzea egotzita atxilotutako emakumea espetxera bidaltzeko agindu du epaileak
55 urteko emakumeak Basurtuko Ospitalean jarraitzen du eta sendagiria jasotzen duenean eramango dute espetxera.
Osakidetzak gaur amaituko du iraungitako hexabalente-dosia jaso zuten 30 pertsonak berriz txertatzen
Gainera, Euskal Osasun Zerbitzuak aste honetan deituko die tetrabalentearen eta hirukoitz birikoaren iraungitako txertoak jaso dituztela uste den 78 pertsonei.
Santurtzi eta Barakaldo arteko aldirietako tren-zerbitzua eten dute, matxura baten ondorioz
Santurtzitik Barakaldorako joan-etorrian dabiltzan tren guztiek Desertu-Barakaldo geltokitik hasi eta amaituko dute ibilbidea, eta erabiltzaileek autobus zerbitzua izango dute helmugara iristeko.
Ostalaritza Eskola izango da Gipuzkoan, 2027tik aurrera
Euskadiko laugarren ostalaritza-eskola izango litzateke, Leioa, Galdakao eta Gamarrako eskolekin batera. Hezkuntza Saila Donostiako Udalarekin lanean ari non kokatu ebazteko.
Gutxienez bi kilometroko auto-ilarak N-1 errepidean, Andoainen, kamioi bat matxuratu baita
Kamioi bat matxuratu da, eta eragina izan du N-1eko trafikoan, Gasteizerako noranzkoan, eta, ondorioz, zirkulazioa motela izaten ari da lehen orduan.