Seaskako presidentea: "100 bat ikasle gehiago ditugu aurten, desafio handia da"
Peio Jorajuria Seaskako presidentearen hitzetan, gaur abiatu duten 2022/23 ikasturteko datu zehatzen faltan, 100 bat ikasle gehiago dituzte aurten Ipar Euskal Herriko ikastola eta kolegioetan. Sartze eguna dute gaurkoa Lapurdin, Zuberoan eta Nafarroan Beherean, eta pandemia tarteko bi urteko murrizketen ondotik, normaltasunez abiatu dituzte eskolak.
Euskadi Irratiko "Faktoria" saioan egindako elkarrizketa laburrean, Jorajuriak esan du ikasle kopuruaren igoerak "desafioa handia" ekarriko diela ikastolei eta erronkak ere "milaka" direla, lehena, azterketak euskaraz egin ahal izatea. "Jarraituko dugu azterketak euskaraz egiteko eskubidea aldarrikatzen, joan den ikasturtean aitzinamendua lortu genuen baina neurririk ez, eta ikasturte hasieran aldarrikatuko dugu brebeta osorik euskaraz egin ahal izatea eta baxoa ere bai", azaldu du Seaskako arduradunak.
Zehaztu duenez, aurten ez dute ikastola berririk irekiko, baina Senperen (Lapurdi) kolegio berria eraikitzeko lanak hasi dituzte. 2023/24 ikasturterako prest izango da.
Inflazioak familiengan edo ikastolako langileengan arazorik eragin ote duen galdetuta, Seaskako presidenteak adierazi du oraingoz ez dutela sendietan eraginik nabaritu, baina aitortu du "dena" dagoela garestiago. Horren aburuz, "irakasle batzuen kasuan, lanpostu finkorik ez duten edo elbarrituen laguntzaileak diren horientzat, urtea biziki zaila izan liteke aurretik ere prekarietatea zutelako eta soldata biziki apalak zituztelako".
Osasun murrizketarik gabe abiatuko dituzte eskolak, eta "anitz eskertu" dute neurririk ez egotea, murrizketak "pisua" izan direlako harreman sozialerako. Jorajuriaren hitzetan, "askatuak gara, libre, baina zainduko dugu, jakin badakigulako neurriak etortze ahal direla, eta antolaketak prest ditugu, badaezpada".
Albiste gehiago gizartea
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Pertsona bat hil da Tafallan furgoneta baten eta uzta biltzeko makina baten artean izandako istripuan
Polizia-iturriek jakitera eman dutenez, istripua 09:00etan gertatu da, NA-132 errepidean, Tafalla parean, eta hildako pertsona furgonetan zihoana da.
San Mamesera sartzeko inguruak jarraitzaile zuri-gorriz bete dira, Txapeldunen Ligako hitzorduan
Zuri-gorriek Arsenalen aurka neurtuko dituzte indarrak astearte honetan, Txapeldunen Ligako 1. jardunaldiko neurketan. Athleticeko milaka zale bildu dira gaur arratsaldean partida honetan, taldea animatzeko helburuarekin.
Osakidetzak 10.000 haurtxo immunizatuko ditu bronkiolitis akutuaren aurka
Hasieran, katarroaren antzeko sintomak agertzen dira, hala nola mukiak, eztula edo sukarra, baina egun batzuen buruan beste sintoma batzuk ager daitezke, adibidez, arnasa hartzeko zailtasunak, txistuak edo nekea, eta neke horrek esnea hartzean eragiten die haurtxoei.