Seaskak auzitara jo du aurrenekoz azterketak euskaraz egin ahal izatea eskatzeko
Seaska Ipar Euskal Herriko Ikastolen Elkarteak salatu duenez, Frantziako Hezkuntza Ministerioa urratzen ari da Euskararen Erakunde Publikoarekin eta Seaskarekin berarekin egindako hitzarmena. Gauzak horrela, justiziaren atea jo dute hitzarmen horiek bete daitezen. Epai-saioa astelehenean izango da, Paueko Administrazio Auzitegian.
Ipar Euskal Herriko ikasleek hasi dute dagoeneko baxoa, goi mailako eta unibertsitateko ikasketak egin ahal izateko gainditu beharreko proben multzoa, eta, hortaz, hainbat azterketa euskaraz egiteko aukera dagoeneko galdu dute. Gutxienez ahozko proba euskaraz egitea nahi du Seaskak.
Ikastolen Elkarteak gogoratu duenez, 2019an Euskararen Erakunde Publikoak (EEP) eta Frantziako Estatuko Hezkuntza Ministerioak hitzarmen bat sinatu zuten, ikasleek probak euskaraz egiteko aukera izan dezaten. Hezkuntza Ministerioak, baina, urratu egin du hitzarmena.
Peio Jorajuria Seaskako presidenteak Euskadi Irratiko mikrofonoetan azaldu duenez, "badugu izenpetua 2019an hitzarmen bat non zehaztua den, idatziz, gure ikasle guztiek baxoko azterketan, Ahozko Handiaren parte bat euskaraz egin ahalko dutela". Gaineratu duenez, "Hezkuntza Ministerioarentzat ez da zailtasun handia. Gai guztietan daude euskaraz epaitzeko gai diren irakasleak".
Itunak hautsi dira eta ez dago beste aterabiderik. Hala, aukera guztiak aztertzen ari direla esan dute, baita juridikoa ere. Paueko Administrazio Auzitegian dute hitzordua astelehenean, Euskararen Erakunde Publikoak, Frantziako Hezkuntza Ministerioak eta Seaskak sinatutako hitzarmena urratzeagatik.
Zure interesekoa izan daiteke
Olatu zuri gorriak Iruñea hartu du
Txupinazoarekin, lehertu da festa Iruñean eta ez du atsedenik hartuko datorren uztailaren 14ra arte. Urteroko ohiturei, gaur beste protagonista bat batu zaie: beroa. Festazaleek 40 graduko tenperaturekin abiatu dituzte 2026ko sanferminak.
?fmt=png-alpha&qlt=80)
Antzuola eta Urretxu artean piztutako baso-sutea kontrolpean dago
Gipuzkoako hiru parketako suhiltzaileak aritu dira Antzuolan 13:45ak aldera deklaratutako sutea itzaltzen. Sugarrak ordu batzuk geroago kontrolatu dituzte.
Kontrolatu dute Imarkoainen piztutako sutea
Lizarra, Azkoien eta Tafallako suhiltzaile etxeetako brigadek 15:30ak aldera lortu dute sutea kontrolpeak hartzea. Guztira 80 hektarea baino gehiago erre dira baso eta, batez ere, laborantza artean.
ELAk arreta euskaraz bermatzeko eskatu dio Osakidetzari
Oraindik hizkuntza ez dakiten langileak euskalduntzeko plana aldarrikatu du sindikatuak Osakidetzaren Gasteizko egoitzan.
Lesakako sanferminak hasi dira
Txupinaren jaurtiketak eman die hasiera Lesakako San Fermin jaiei astelehen honetan, 12:00etan. Jai-egitarauak 50 kultura-, kirol- eta jolas-jarduera baino gehiago biltzen ditu, datozen 6 eguneton burutuko direnak. Gaita jotzaileen, musika-banden eta txarangen ohiko soinuek herriko kaleak alaituko dituzte uztailaren 11ra arte, larunbata.
Arrautza frijituak, txistorra eta zapi gorria: Hasi da festa Iruñean
Urtero bezala, ohiko hamaiketakoak izaten dira uztailaren 6ko goizean, festei hasiera emateko zain. Mokadu sendoak beti ere, hau izango baita seguraski, eguneko otordu bakarra.
40 ikasleri ez diete, kautelaz, USaPen Euskarako nota zenbatuko
Auzitegiek arrazoia ematen ez badiete kasuaren funtsari buruz, nota horiek kontuan hartuko dira azkenean.
Asiron eta Chivite: "Jendeak asko goza dezala, baina errespetuz"
Joseba Asiron Iruñeko alkateak eta Maria Chivite Nafarroako presidenteak 2026ko sanferminetara hurbiltzeko deia egin diete herritarrei, jaiez eta hiriaz gozatzeko, baina "beti errespetuz".
Txistulari eta Gaiteroen Bandak dantzan jarri du Iruñeko Udaletxe plaza
Gaur eguerdian Iruñeko Udaletxeko plaza bete duten milaka pertsonek Txistulari eta Gaitarien Bandaren doinuekin dantzan egin ahal izan dute.
3I/ATLAS izarrarteko kometa "Eguzkia baino askoz zaharragoa" dela ondorioztatu du astronomo talde batek
Aztarna kimiko espezifikoak neurtuz iritsi dira ondorio horretara, eta segur aski Eguzki sistematik kanpo sortu zela ere uste dute. Izarrarteko kometak eguzki sistemaren kanpoan sortu eta noizean behin eguzki sisteman sartzen diren izoztutako objektuak dira.