Jaurlaritzak 14 urtera arteko seme-alabak zaintzeko langileak kontratatzeko laguntza berriak sustatuko ditu
Eusko Jaurlaritzak 14 urtera arteko seme-alabak zaintzeko langileak kontratatzeko laguntza berriak sustatzea onartu du asteazken honetan. Hori, Beatriz Artolazabal Berdintasun, Justizia eta Gizarte Politiketako sailburuaren esanetan, "kontziliazio erantzunkiderako laguntza-neurria da, betebehar eta beharrizan pertsonalei erantzuteko orduan bidezko oreka lortzea du xede, eta zaintzen erantzukizuna funtsean emakumeek izatea saihesten du. Erabaki dugu 0 eta 14 urte bitarteko seme-alaben zaintzaileak kontratatzeko dirulaguntza iraunkorra izatea, eta araudi osoa bateratzea", zehaztu du Artolazabalek.
Jaurlaritzak prentsa-ohar bidez azaldu duenez, IV. Planean aurreikusitako kontziliaziorako laguntzen inguruko neurriak aurreko dekretu baten bidez garatu ziren; dekretu horrek hiru urte arteko seme-alaben zaintzaileak kontratatzeko laguntzak arautzen zituen.
Ondoren, covid-19aren larrialdi-egoerak EAEko familietan eragindako ekonomia- eta gizarte-inpaktuari erantzuteko, 2020-21 ikasturtean 3 eta 14 urte bitarteko seme-alabak zaintzeko langileak kontratatzeko laguntzak deitu zituzten.
Agindu horren arabera, diruz lagundu zitekeen aldia 2020ko irailaren 1etik 2021eko ekainaren 30era bitartekoa zen.
2021eko maiatzaren 9an, pandemiak eragindako osasun-krisiko egoera kudeatzeko azken alarma-egoera amaitu zen, Jaurlaritzak gogora ekarri duenez. "Une honetan", esan du Artolazabal sailburuak, "EAEko herritarrak lanean ari dira ekonomia- eta gizarte-jarduera berreskuratzeko, eta osasungintza-sistemak arretarako duen gaitasuna bermatzeko".
EUSTAT Euskal Estatistika Erakundeak 2020an EAEko jaiotza-tasaren bilakaeraren inguruan emandako datuen arabera, % 4,5eko jaitsiera egon da jaiotza-kopuruan, zehaztu du Eusko Jaurlaritzak.
Hori dela eta, Berdintasun, Justizia eta Gizarte Politiketako Sailak erabaki du iraunkorra izatea 0 eta 14 bitarteko seme-alabak zaintzeko pertsonak kontratatzeko dirulaguntza, eta lege-kidego koherente bakarrean bateratzea zaintzaileak kontratatzeko familientzako laguntzei buruzko araudi osoa.
"0 eta 14 bitarteko seme-alabak zaintzeko pertsonak kontratatzeko laguntza kontziliazio erantzunkiderako laguntza-neurri bat da, emakumeen eta gizonen berdintasunerako eta emakumeen aurkako indarkeria matxistarik gabeko bizitzei buruzko Legean zehazten denez, betebehar eta beharrizan pertsonalei erantzuteko orduan bidezko oreka lortzea du xede, eta zaintzen erantzukizuna funtsean emakumeek izatea saihesten du. Hala, egungo banaketa desberdina zuzendu nahi du, kontuan izanik banaketa hori emakumeek bizitzaren zenbait eremutan jasaten duten desberdintasuneko eta bereizkeriako egiturazko egoeraren oinarrian dagoela", azpimarratu du Artolazabalek.
Zure interesekoa izan daiteke
Mariatxi talde batek Bizkaiko DYAko presidente ohia hartu du Bizkaiko Lurralde Auzitegiaren atarian
Fernando Izaguirre Bizkaiko DYAko presidente ohia epaitzen hasiko dira astearte honetan, gobernuz kanpoko erakundearenak ziren 4,75 milioi euro bereganatzea leporatuta. Fiskaltzak eskatu du akusatu naguiak 7 urteko kartzela-zigorra bete dezan, iruzurra egitea egotzita.
Ikerketa batek melatonina luzaroan kontsumitzea bihotz-gaixotasunen bat izateko arriskuarekin lotu du
Amerikako Bihotzaren Elkarteak aurkeztutako lan batek eztabaida sortu du adituen artean, iradoki baitu urtebete baino gehiagoz melatonina hartzeak bihotz-gutxiegitasuna izateko arriskua areagotu dezakeela. Espezialistek lasaitasunerako deia egin dute, eta gogorarazi dute farmazietan errezetarik gabe saltzen diren produktuak ezin direla bi miligramotik gorakoak izan.
Abisu horia baso-sute arriskuagatik EAEn
Abisua indarrean egongo da asteartean eta asteazkenean, hegoaldeko haize-bolada bortitzak aurreikusten direlako.
Gaur hasiko da Bizkaiko DYAko presidente ohiaren aurkako epaiketa, 4,75 milioi euro bereganatzea leporatuta
Fiskaltzak 7 urteko espetxe-zigorra eskatu du.
21 urteko gizonezko bat atxilotu dute Gasteizen, bikotekideari eraso egin eta telefono mugikorra kentzeagatik
Gertakariak joan den larunbatean jazo ziren, 08:30 inguruan.
Asteburu honetan egingo dute udazkeneko bilketa handia elikagaien bankuek
Beharra duten familiei laguntzeko, elikagaiez eta bestelako hainbat produktuz biltegiak betetzea dute helburu elikagaien bankuek. Aurten, dohaintzez gainera, lanerako boluntarioak ere eskatu dituzte.
Asiar liztorra, espezie inbaditzaile eta kezka eragilea
Bi astean hiru pertsona hil dira Galizan asiar liztorrek ziztatuta. Horrek espezie inbaditzaileak eragiten duen kezka areagotu egin du Euskal Herrian ere. Zer egin beharko genuke asiar liztorren habia ikusten badugu? Oier Alberdi liztor beltzaren tratatzaileak zenbait aholku eman ditu gai konplexu horri aurre egiteko.
Taldean egindako eraso faxista eta LGTBIfobiko bat salatu dute Gorraizko jaietan
Berhezi Berdintasun Kontsultorioak azaldu duenez, taldeak ikur frankistak eta falangistak zeramatzan. Bestalde, Kontsultorioak kritikatu du Eguesibarko Udalak irailean gertatutako erasoaren aurrean deus ere ez esan izana.
Motor-gidari bat hil da Lemoizen gertatutako trafiko-istripu batean
Istripua gertatu den BI-3152 errepidea itxita dago, eta Ertzaintzak izapideak ireki ditu arrazoiak argitzeko.
Sarrigurenen atxilotutako gizona espetxeratu dute, adingabe bati sexu-erasoa egiteagatik
Fiskaltzak behin-behineko espetxeratzea eskatu du, komunikatua eta fidantzarik gabea, 16 urteko adingabe bati penetrazioarekin egindako sexu-eraso (bortxaketa) delitu batengatik.