Espetxera bidali dute Iruñeko Unibertsitate Ospitalean sexu erasoa egiteagatik atxilotutako gizona
Iruñeko guardiako epaileak behin-behineko espetxealdia, komunikatua eta fidantzarik gabea ezarri dio Nafarroako Unibertsitate Ospitalean langile bati sexu-erasoa egiteagatik atxilotu zuten gizonari, Nafarroako Justizia Auzitegi Nagusiak jakitera eman duenez.
Errekurritu daitekeen ebazpen judizialean, biktimarekiko 300 metroko urruntze-neurria ere ezarri diote akusatuari eta auzia garatzen den bitartean harekin komunikatzeko debekua ere ezarri dio epaileak, Fiskaltzak eskatu bezala. Defentsak, berriz, inputatua aske uzteko eskatzen zuen.
Ikerketako datuak eskuan izanda, atxilotuari sexu-eraso delitua egozteko "zantzu asko" daudela uste du epaileak eta behin-behinean espetxeratzea erabaki du delituaren larritasunagatik eta ihes egiteko legokeen arriskuagatik. Lekuko baten identifikazioa ere ba omen dago
Elkarretaratzea erasoa salatzeko
Atzo arratsaldean elkarretaratze isila egin zuten ospitaleko langileek zein zuzendaritzak erasoa salatzeko eta biktimari elkartasun osoa azaltzeko.
Irailaren 2an, ospitaleko kafetegi zerbitzuan lan egiten zuen emakumeak lana amaitu eta etxera abiatu zenean, sexu-erasoa jasan zuen ospitalean bertan.
Gertakariak salatu bezain laster, Foruzaingoak sexu erasoen biktimei laguntzeko prozedura aktibatu zuen, biktimari laguntza psikologikoa eta juridikoa emateko eta gertakarien egilea identifikatzeko ikerketa hasi zuen. Hala, ,42 urteko A.R.M. atxilotu zuten sexu erasoaren ustezko egilea zelakoan, eta epailearen esku utzi zuten. Guardiako epaitegiak behin-behinean aske uztea agindu zuen, eta urruntze agindua ezarri zion. Gaur, epailearen aurretik igaro da eta eguerdian espetxea bidaltzea erabaki du honek.
Albiste gehiago gizartea
Salamancako boluntario bat hil da eta bost dira jada baso-suteen ondorioz Espainian hildakoak
Antza denez, boluntario gisa parte hartu zuen Ciperez (Salamanca) herrian piztutako sutea itzaltzeko lanetan, eta kea arnasteagatik ospitaleratu eta egun batzuetara hil da. Gaztela eta Leongo Juntak, berriz, oharra kaleratu du heriotza horrek suteekin inolako loturarik ez duela esanez.
Itzulera operazioak auto-ilara luzeak eragin ditu ostiralean mugan
AP-8 autobidean 11 kilometrorainoko auto-ilarak izan dira ostiral arratsaldean Irunen, Biriatuko mugatik aurrera. Irungo Udaltzaingoak AP-8aren Oinaurreko irteera itxi du, hirigunean kolapsoa saihesteko; izan ere, Frantziarantz doazen ibilgailuek bide alternatibo hori erabiltzen dute askotan auto-ilarak saihesteko.
PACMAk elkarretaratzea egin du Bilbon tauromakiaren aurka
Dozenaka pertsona bildu dira gaur arratsaldean Bilboko Vista Alegre zezen-plazaren aurrean, Aste Nagusian antolatutako zezenketen aurka. PACMAk "tratu txarrik eta heriotzarik gabeko jai herrikoiak" egitearen aldeko apustua egin du, "kultura eta tradizioa animalien sufrimendurik gabe ospa daitezen".
Erasoen aurkako protokoloaren bigarren fasea aktibatu dute Bilboko Konpartsek
Lapiko jotzea egingo dute txosnetan ostiraletik larunbaterako gauean, eta larunbatean, abuztuak 23, giza kate batean parte hartzeko deia egin dute.
Irungo haztegi batek zaintza zerbitzua eskaintzen du bonsaientzat
Lana, oporrak edo osasun arrazoiak direla eta, gero eta gehiago dira zerbitzu hau erabiltzen dutenak. "Goi-denboraldian, abuztuan batez ere, haztegia ia beteta dugu", adierazi du Javier Lumbreras Irun Bonsaiko arduradunetako batek.
Arrantza-ontzi bat identifikatu dute Donostian legez kanpoko bazterkinak uretara botatzegatik
Guardia Zibilak Laredoko itsasontzi bati egotzi dio Monpaseko uretan 700 kilo boga isurtzea, Eguzki talde ekologistak salaketa jarri ostean.
Pedro Sanchezek Presidenteen Konferentziara eramango du suteen gaia, eta ministerio arteko batzorde bat sortuko du
Eusko Jaurlaritzak dituen egoitzetara bidean dira Gasteizko kaleetan bizi ziren maliarrak
Gasteizko kaleetan bizi ziren 50 maliarretako dozena bat inguru Eusko Jaurlaritzaren egoitzetara eramaten ari dira gaur goizetik. Horrela, aldi baterako irtenbidea eman nahi diete asilo-eskaerak izapidetzeko zain dauden pertsona horiei.
Suteek 600 milioi eurotik gorako kalteak eragin dituzte, Nekazari eta Abeltzain Erakundeen Koordinakundearen arabera
Javier Fatas COAG Nekazari eta Abeltzain Erakundeen Koordinakundeko ordezkariaren arabera, "hondamendi egoera" da Estatuko hainbat tokitan, 350.000 hektarea baino gehiago erre baitira, bereziki mendebaldean. Kaltetutako eremuen artean, laborantza, abeltzaintza edo baso aprobetxamendurako lurrak daudela azpimarratu du.
Calin erail duten gasteiztarraren gurasoak gaur iritsiko dira Kolonbiara
Ikerketak zabalik jarraitzen du eta lapurretarena da hipotesi nagusia.