Suteak izateko arrisku handiagatik ezarritako murrizketak igandera arte luzatzea aurreikusi du Jaurlaritzak
Baso suteak saihesteko murrizketak eta debekuak ezarri dira Euskadin kalteak saiheste aldera, eta Rodrigo Gartzia Segurtasuneko sailburuordeak adierazi duenez, igandera arte iraungo dute neurriok, alegia, alerta laranja indarrean dagoen bitartean. "Lurra lehor dago, tenperatura handiak izango ditugu, 30 gradura iritsiko gara, eta haizeteak aurreikusten dira", azpimarratu du.
Segurtasuneko sailburuordeak eta Ricardo Ituarte Larrialdiei Aurre Egiteko eta Meteorologiako zuzendariak, Euskalmeteko lantaldearekin batera, datozen orduetan Euskal Autonomia Erkidegoko hainbat txokotan baso suteak izateko arriskua dela-eta, Jaurlaritzak ezarritako neurriei buruzko xehetasunak eman dituzte agerraldi batean. Arriskutsuak izan daitezkeen hainbat jarduera debekatu dituzte, hala nola barbakoak piztea, uztondoak erretzea eta makinariarekin aritzea landa eremuan, edo material piroteknikoaren erabilera.
Gartziak nabarmendu duenez, Ertzaintzak beharrezko jarraibideak jaso ditu. Ildo horretan, gogorarazi du "ezartzen diren zigorrak larriak edo oso larriak" direla, eta 1.500 eta 30.000 euro artekoak izan daitezkeela isunak.
Neurriok kostaldean (Bizkaia eta Gipuzkoa) eta kantabriar isurialdeko barnealdean (Aiarako kuadrilla, Araban) izango dira indarrean, gutxienez igandera arte. "Astelehenerako, murrizketak kendu ahal izango ditugula uste dugu", adierazi du sailburuordeak. Testuinguru horretan, kontuz ibiltzeko eta erantzukizunez jokatzeko dei egin die herritarrei, bereziki, asteburuari begira, orduan ibiltzen baita jendea gehien mendialdean.
Ostegunetik aurrera, tenperatura itogarriak itzuliko dira
Euskalmeten eguraldi iragarpenaren arabera, ostiralean, osteguneko joera errepikatuko da, eta tenperatura maximoak 25 eta 30 ºC artekoak izango dira.
Hegoaldeko haizea ibiliko da, eta tarteka, gogor joko du. Larunbatetik aurrera, tenperaturak gradu batzuk jaitsiko dira, baina hegoaldeko haizea dela eta, maximoak leunak izatea espero da.
Albiste gehiago gizartea
Sindikatuek eta pentsiodunek protesta egin dute Eusko Legebiltzarraren aurrean
Pentsioak Lanbide arteko Gutxieneko Soldatara (LGS) arte osatzeko Herri Ekimen Legegilea (HEL) Jaurlaritzak aintzat hartu ez izanagatik protesta egin du pentsiodunen mugimenduak. Bestalde, enplegu publikoko prozesuetan izandako euskararen aurkako "erasoaldi judiziala" salatu du LAB sindikatuak.
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Pertsona bat hil da Tafallan furgoneta baten eta uzta biltzeko makina baten artean izandako istripuan
Polizia-iturriek jakitera eman dutenez, istripua 09:00etan gertatu da, NA-132 errepidean, Tafalla parean, eta hildako pertsona furgonetan zihoana da.