Emakumeen aurkako indarkeria
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Gizon batek 20 labankadaz hil du emaztea Malagan

Azken hilabeteetan hirutan atxilotu zuten erasotzailea, genero-indarkeria leporatuta. Emakumeak larrialdi zerbitzuei deitu zien baina, bertaratu zirenerako, emakumea hilik zegoen, eta gorputza labankadaz josita zeukan.
Hilketa matxista jazo den etxebizitzaren irudietako bat. Argazkia: EFE
Hilketa matxista jazo den etxebizitzaren irudietako bat. Argazkia: EFE

AGENTZIAK | EITB MEDIA

Azken eguneratzea

80 urteko gizonezko batek 20 labankadaz hil du bere emaztea, 69 urtekoa, bien etxebizitzan, Benalmadenan (Malaga), ikerketaren iturriek EFEri jakinarazi diotenez. Erasotzailea atxilotu egin dute.

Hilketa matxista ostiral honetako 22:50ak aldera jazo da, Benalmadenako Antonio Machado Etorbideko 134. zenbakiko etxebizitza batean. Emakumeak larrialdi zerbitzuei deitu zien baina, bertaratu zirenerako, emakumea hilik zegoen, eta gorputza labankadaz josita zuen. Senarrak Alzheimerra zeukan (aurten diagnostikatuta), eta balorazio psikiatrikoaren zain omen zegoen.

Azken hilabeteetan hirutan atxilotu zuten erasotzailea, genero-indarkeria leporatuta, baina auziak artxibatu ziren, emakumeak ez baitzituen salaketak berretsi epaitegian.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.
Gizartea Andaluzia Indarkeria matxista Tratu Txarrak Indarkeria matxistaren biktimak Eguneko Titularrak Matxismoa

Zure interesekoa izan daiteke

Gehiago ikusi
Publizitatea
X