Bildarratz: 'Lanbide Heziketak eta Unibertsitateak enpresen eskutik joan behar dute beraien beharrak asetzeko'
Eusko Jaurlaritzak Lanbide Heziketako VI. Euskal Plana onartuko duen egunean, Jokin Bildarratz Eusko Jaurlaritzako Hezkuntza sailburua elkarrizketatu dute Euskadi Irratiko "Faktoria" saioan. Horren esanetan, Lanbide Heziketak eta Unibertsitateak enpresa munduaren eskutik joan behar dute beraien beharrak ase ahal izateko. Jaiotza-tasa apalak tarteko, onartu du ikasle nahikorik ez dagoela, baina gaineratu du, testuingurua aintzat hartuta, enpresen beharrak asetzen saiatzen ari direla.
Euskal Eskola Publikoaz Harro plataformak larunbatean Bilbon egindako manifestazio jendetsuaren harira, mezu hau zabaldu nahi izan du Jokin Bildarratzek: mobilizazioaren deitzaileekin adostasunak lortu dituztela (apirilaren 7an, Elkarrekin Podemosekin, eta maiatzaren 26an, sindikatuekin). Apirilaren 7ko akordio horretan kokatu ditu 0-2 haurreskolak doakoak izatea eta ikasle zaurgarriak banatzeko araudia. Sindikatuekin adostutakoak ere nabarmendu ditu: ikasle ratioak jaistea edo heziketa bereziko langileak areagotzea, kasu. Hezkuntza Sailari egindako eskakizunei erantzuten ari dela adierazi du: "Azaldu behar zaie martxan gaudela, entzun egiten dugula, hori dela alderdi politikoen eta erakundeen betebeharra, baita erantzuten ari garela ere".
Hezkuntza Lege berriari egindako alegazioak aztertu ondoren, Jokin Bildarratzek datozen egunetan espero du testua borobiltzea. Aurreikuspenen arabera, urte honen amaieran edo hurrengoaren hasieran itzuliko da legea Eusko Legebiltzarrera. Dena dela, uste du hauteskunde giroak ez duela lagunduko eta egokiagoa izan daitekeela 2023ko udal eta foru hauteskundeak igaro ondoren onartzea.
Bestalde, "harrituta" mintzatu da alegazio epea zabalik zegoela eta behin betiko Hezkuntza legearen testua ezagutu gabe sindikatuek azaroaren 29ko eta abenduaren 14ko grebak deitu zituztelako.
Zure interesekoa izan daiteke
Amaia Galindez, portugaletetarra Granadan: "Urduritasuna eta beldurra nagusitu da hemen"
Granadako bizilagunen artean urduritasuna pil-pilean dago lurrikarak direla eta. Horixe kontatu digu Amaia Galindez portugaletetarrak, bertan bidaian dagoenak.
Eusko Jaurlaritzak ez ditu trafiko kontrolak egingo Oiartzunen, Irunek eskatu duen arren
Cristina Laborda Irungo alkateak "salbuespenezko neurriak" eskatu ditu, oporretatik itzuleran auto-ilarak errepikatuko direla aurreikusita. Hala ere, Ertzaintzak uste du kontrolak jartzeak auto-ilara gehiago eragin eta agenteak eta erabiltzaileak arriskuan jarriko lituzkeela.
Portu Zaharreko jaietan gutxienez hiru sexu-eraso salatu direla jakinarazi du Algortako Mugimendu Feministak
Uztailaren amaieran ospatu ziren San Inazio jaietan ere beste eraso bat izan zela gogoratu dute Getxoko feministek ohar batean.
ENBAk plan bat eskatu du baserri guztiak urez hornitu ahal izateko
Xabier Iraola nekazarien sindikatuko bozeramaileak zehaztu duenez, 5.000 baserri inguru daude Araban, Bizkaian eta Gipuzkoan ur-hornidurako sare publikotik kanpo. Udako lehorteen ondorioz, gero eta gehiago pairatzen dute ur-falta.
4,7ko beste lurrikara batek Granada astindu du, hiru zauritu eta Alhambra itxita utzita
Granadan 4,7ko indarreko beste lurrikara bat izan dute, eta hiru pertsona arin zauritu dira, tartean adin txikiko bat. Granadako Gojar herrian egon da epizentroa, baina Andaluziako beste lurraldeetan ere igarri da. Granadako monumentuak itxi egin behar izan dituzte badaezpada, Alhambra bera ere bai.
Epaileak 24 urteko espetxe-zigorra ezarri dio Nelson David Morenori, Bilbon 73 urteko gizon bat hiltzeagatik
Epaileak 22 urteko zigorra ezarri dio hilketa astunduagatik, eta beste bi urtekoa iruzur informatikoagatik. Laugarren kondena du, eta ikertzaileek uste dute 2021eko udazkenean hildako zazpi gizon homosexualen heriotzekin zerikusia duela.
Suhiltzaileak Urzainkin piztutako baso-sutea itzaltzeko lanean ari dira
Baso suteetarako Babes Zibileko Plan Bereziaren bigarren egoera operatiboa aktibatu du Nafarroako Gobernuak, ostiralean piztu zen sutea berpiztu ostean.
Llantenoko sutea egonkortuta dute eta zaintza- eta hozte-lanetan ari dira suhiltzaileak
Egoerak onera egin duen arren, puntu beroak daude oraindik eta lanean jarraitzen dute Gasteizko eta Espejoko suhiltzaileek. Aiarako Udalak herritarrei eskatu die ez gerturatzeko sute-eremura, suhiltzaileen lana ez oztopatzeko.
Eguzki eklipsearen ondoren, beste bat dator: ilargiarena, partziala, hilaren 28an
Joan den abuztuaren 12ko eguzki-eklipse osoaren ondoren, zeruak fenomeno astronomiko berri bat eskainiko du: abuztuaren 28ko gauean ilargiaren eklipse partziala ikusiko da, eta ilargiaren diskoaren % 93 estaliko du, gutxi gorabehera. Begi hutsez ikusi ahal izango da, instrumentazio berezirik gabe.
Jacan oporretan dauden euskaldunak boluntarioen taldeetan antolatu dira sua herrira irits ez dadin
Huescako sutea itzaltzen saiatzeko boluntaro taldeak antolatu dira. Horietako asko, euskaldunak dira. Jakan etxebizitza duten gipuzkoar eta nafarrak. Sugarrak kontrolatzeko bidean dira suhiltzaileak, baina beraiek ere bere aletxoa jarri nahi dute. Sasi, zuhaitz eta adar; sua indartu dezakeen erregaia kentzen.