Euskal Eskola Publikoaren aldeko aldarri ozena Bilbon
Etorkizuneko Hezkuntza Legearen norabidea aldatu eta hezkuntza publikoa ardatz izango duen sistema aldarrikatu dute milaka lagunek larunbat arratsaldean Bilbon, Euskal Eskola Publikoaz Harro Topaguneak deitutako manifestazioan.
Ikasleen sindikatuek, familien eta irakasleen elkarteek eta LAB, Steilas, CCOO eta ESK sindikatuek osatzen dute plataforma eta hezkuntza lege berrian eskola publikoa hezkuntza sistemaren benetako ardatz gisa hartzen ez dela uste dute, hortik gaurko protesta.
Salatu dutenez, legearen aurreproiektua "pribatizatzailea da, ez du segregazioaren arazoarekin amaitzen, adoktrinamendua onartzen du eta euskararen normalizazioan atzerapausoa dakar".
Hala, EEPH Topaguneak, milaka herritarren laguntzaz, sare publikoa zabaltzea, eskola pribatuen ituntzea murriztea, auditoriak areagotzea eta publifikazioa ahalbidetzea eskatu du Bilboko kaleetan.
Plataformaren arabera euskal hezkuntza legearen aurreproiektuak "ez die erantzun egokirik ematen" eskola publikoaren beharrei, nahiz eta horren aldeko "adierazpen batzuk" jasotzen dituen.
"Duela zenbait urtetatik" Hezkuntza Saila sare pribatuaren aldeko neurriak hartzen ari dela salatu du, eskola publikoa "desmantelamendu progresiboa" jasaten ari den bitartean. Plataformaren ustez, lege berriak eskola publikoa eta pribatua parekatu nahi ditu, horrek "datozen belaunaldiek eskola publikoan ikasteko aukera galduko" dutela deitoratu du.
Horregatik, eskola publikoa "hezkuntza sistemaren benetako ardatz" izatea eskatu du, "hezkuntza euskaldun parekide bat lortzeko" helburua ere izango duena.
Ildo horretan, eskola-plazen eskaintza errealitatera egokitzea eta "sare pribatuaren gehiegizko eskaintza" ez hitzartzea ere eskatu dute, bai eta eskola publikoari behar adina baliabide eskaini eta euskaran "pauso bakar bat atzera ez ematea" ere, eskola publikoa delako "ikasle gehien euskalduntzen dituena".
Era berean, legeak "erlijioaren eskaintza derrigorrezkoa" mantentzea kritikatu du, bai eta "ideario erlijiosoa duten ikastetxeei finantziazio bera eskaintzea ere". "Bada garaia erlijio, edozein dela ere, eskoletatik kanpo uztekoa", gehitu dute.
Maribel Lopez de Luzuriaga plataformako bozeramaileak protesta hasi aurretik komunikabideei egindako adierazpenetan adierazi duenez, euskal eskola publikoa da "benetako kohesio soziala bermatzen duena", eta baztertu egin du eskola publikoa eta pribatu-itaundua "maila berean" kokatzen dituen aurreproiektu bat, publikoak baliabide gehiago izan beharko lituzkeelako.
"Argitaratutako dekretuen arabera, sistema duala blindatu eta itunpeko eskola pribatua egun dagoena baino gehiago finantzatu nahi da", berretsi du.
Deitzaileek, besteak beste, Gasteizko, Oiongo, Bilboko, Santurtziko, Oarsoaldeko, Astigarragako, Amurrioko, Donostialdeko, Lasarte-Oriako eta Ordiziako hezkuntza plataformak, Steilas, CCOO eta ESK sindikatuak, eta Ikasle Sindikatua, Ikasle Abertzaleak, Ikama, Ikasle Ekintza eta Gazte Komunistak bezalako ikasle elkarteak, ohartarazi dute etorkizuneko legearekin "hezkuntza komunitatearen papera bigarren maila batean" geratuko dela.
ELA, LAB eta CNT sindikatuek ere bat egin dute martxarekin eta EH Bildu eta Elkarrekin Podemoseko kideek ere parte hartu dute. Martxa 17:30ean hasi da, Hezkuntza Ordezkaritzatik, eta Bilboko Udalean amaitu da. Bertan, komunikatu bat irakurri dute, Hezkuntza Legearen aurreproiektuaren aurka, eta alderdi politikoei eskatu diete "norabidea" alda dezaten.
Zure interesekoa izan daiteke
Amaia Galindez, portugaletetarra Granadan: "Urduritasuna eta beldurra nagusitu da hemen"
Granadako bizilagunen artean urduritasuna pil-pilean dago lurrikarak direla eta. Horixe kontatu digu Amaia Galindez portugaletetarrak, bertan bidaian dagoenak.
Eusko Jaurlaritzak ez ditu trafiko kontrolak egingo Oiartzunen, Irunek eskatu duen arren
Cristina Laborda Irungo alkateak "salbuespenezko neurriak" eskatu ditu, oporretatik itzuleran auto-ilarak errepikatuko direla aurreikusita. Hala ere, Ertzaintzak uste du kontrolak jartzeak auto-ilara gehiago eragin eta agenteak eta erabiltzaileak arriskuan jarriko lituzkeela.
Portu Zaharreko jaietan gutxienez hiru sexu-eraso salatu direla jakinarazi du Algortako Mugimendu Feministak
Uztailaren amaieran ospatu ziren San Inazio jaietan ere beste eraso bat izan zela gogoratu dute Getxoko feministek ohar batean.
ENBAk plan bat eskatu du baserri guztiak urez hornitu ahal izateko
Xabier Iraola nekazarien sindikatuko bozeramaileak zehaztu duenez, 5.000 baserri inguru daude Araban, Bizkaian eta Gipuzkoan ur-hornidurako sare publikotik kanpo. Udako lehorteen ondorioz, gero eta gehiago pairatzen dute ur-falta.
4,7ko beste lurrikara batek Granada astindu du, hiru zauritu eta Alhambra itxita utzita
Granadan 4,7ko indarreko beste lurrikara bat izan dute, eta hiru pertsona arin zauritu dira, tartean adin txikiko bat. Granadako Gojar herrian egon da epizentroa, baina Andaluziako beste lurraldeetan ere igarri da. Granadako monumentuak itxi egin behar izan dituzte badaezpada, Alhambra bera ere bai.
Epaileak 24 urteko espetxe-zigorra ezarri dio Nelson David Morenori, Bilbon 73 urteko gizon bat hiltzeagatik
Epaileak 22 urteko zigorra ezarri dio hilketa astunduagatik, eta beste bi urtekoa iruzur informatikoagatik. Laugarren kondena du, eta ikertzaileek uste dute 2021eko udazkenean hildako zazpi gizon homosexualen heriotzekin zerikusia duela.
Suhiltzaileak Urzainkin piztutako baso-sutea itzaltzeko lanean ari dira
Baso suteetarako Babes Zibileko Plan Bereziaren bigarren egoera operatiboa aktibatu du Nafarroako Gobernuak, ostiralean piztu zen sutea berpiztu ostean.
Llantenoko sutea egonkortuta dute eta zaintza- eta hozte-lanetan ari dira suhiltzaileak
Egoerak onera egin duen arren, puntu beroak daude oraindik eta lanean jarraitzen dute Gasteizko eta Espejoko suhiltzaileek. Aiarako Udalak herritarrei eskatu die ez gerturatzeko sute-eremura, suhiltzaileen lana ez oztopatzeko.
Eguzki eklipsearen ondoren, beste bat dator: ilargiarena, partziala, hilaren 28an
Joan den abuztuaren 12ko eguzki-eklipse osoaren ondoren, zeruak fenomeno astronomiko berri bat eskainiko du: abuztuaren 28ko gauean ilargiaren eklipse partziala ikusiko da, eta ilargiaren diskoaren % 93 estaliko du, gutxi gorabehera. Begi hutsez ikusi ahal izango da, instrumentazio berezirik gabe.
Jacan oporretan dauden euskaldunak boluntarioen taldeetan antolatu dira sua herrira irits ez dadin
Huescako sutea itzaltzen saiatzeko boluntaro taldeak antolatu dira. Horietako asko, euskaldunak dira. Jakan etxebizitza duten gipuzkoar eta nafarrak. Sugarrak kontrolatzeko bidean dira suhiltzaileak, baina beraiek ere bere aletxoa jarri nahi dute. Sasi, zuhaitz eta adar; sua indartu dezakeen erregaia kentzen.