Auto ilara luzeak sortu dira AP-8an eta A-8an, Getarian eta Ortuellan izandako ezbeharrengatik
Goiz korapilatsua izan da gaur goizean errepideetan, hein handi batean, euriak eraginda. AP-8 autobidean, Getaria parean, matxura mekanikoa izan duen kamioi batek hiruzpalau kilometroko auto ilarak eragin ditu Bilborako noranzkoan, eta, ondoren, sei ibilgailuren arteko istripua izan da Meagako tunelaren parean. Ondorioz, 5-6 kilometroko ilarak sortu dira, Eusko Jaurlaritzako Segurtasun Sailak zabaldutako informazioaren arabera.
Ezbeharra 08:00ak aldera gertatu da Bilborako noranzkoan. Inor ez da zauritu, baina errei bat itxi behar izan dute.
09:30ean, oraindik ere, lauzpabost kilometroko ilarak zeuden Getarian, Bilbora bidean. 11:00ak aldera, trafikoa normaltasunera itzuli da.
Bestalde, zirkulazio arazoak izan dira gaur goizean AP-8 autobidean, Biriatun. N-121-A errepidean, Irungo Zaisa biribilgunean sortutako pilaketak eragin zuzena izaten ari dira autobidean. Goizean zehar, 5 kilometroko ilarak izan dira. Lapurditik Irunera joateko, ostera, 3 kilometro ingurukoak izan dira.
Bizkaian ere arazoak izan dira, kasu honetan, A-8 autobidean. Ortuella parean, autobus batek matxura izan du, eta hiru erreietako bi itxi egin dituzte. Ondorioz, 5 kilometroko ilarak sortu dira. 10:30ak aldera, matxura izan duen ibilgailua erretiratu dute. Ondoren, toki berean baina kontrako noranzkoan, ibilgailu batek bi ertzain harrapatu ditu, eta zaurituta eraman dituzte ospitalera.
A-8 errepidean jarraituz, bi ibilgailuk talka egin dute Abanton Kantabriara bidean, eta ilarak sortu dira. Ezbeharra 08:42an gertatu da Ugaldebieta parean, eta gutxienez, pertsona bat zauritu da.
Zure interesekoa izan daiteke
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformako bozeramaileak. Garaipena jaigiroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela hemen bukatzen eta ontziola Muruetatik ateratzea izango dela hurrengo erronka.
Gutxienez 8 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa
AP-8an, gutxienez zortzi kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.
Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute
Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.
Urdaibaiko Guggenheim museoa baztertu dute, proiektua iragarri eta 17 urtera
Bi urteko azterketa eta hamaika eztabaidaren ondoren, Urdaibaiko Guggenheim proiektua baztertzearen erabakia hartu du Patronatuak. Orain hilabete, Elixabete Etxanobe Bizkaiko ahaldun nagusiak azaldu zuen luze joko zuela museoa eraikitzeko lurrak garbitzea, bai eta egitasmoaren aurkako salaketak epaitegietan argitzea ere. Eta kalean proiektuak kritika andana jaso izan du talde ekologisten eta herritarren aldetik.
Guggenheim Urdaibai egitasmoa behin betiko baztertu du museoko Patronatuak
Arratsaldean egindako bileran aho batez hartu dute azken erabakia, proiektuaren bideragarritasun faltagatik. Egitasmoa aurrera eramateko zailtasun handiena Murueta ontziola dagoen lur zatiaren egoera juridikoa dela jakinarazi du Elixabete Etxanobe diputatu nagusiak.
163 postuk eta hogei bat jarduerak girotuko dute Donostiako San Tomas azoka
Datorren igandean, Gipuzkoako hiriburuan izango den azokara hurbilduko direnek, salmenta postuez gozatzeaz gain, gustu eta adin guztietarako jardueretan parte hartu ahal izango dute.
Entzute prozesuak islatzen du Guggenheim Museoa Urdaibain zabaltzerik "ez" dela nahi, baina eskualdeko garapenari begi onez begiratzen zaiola utzi du agerian
Herritarren artean entzute-prozesua gidatu duen Agirre Lehendakaria Centerrek azaldu duenez, "hasierako narratiba" horien zati handi bat "beste joera bat" hartu du hilabeteetan zehar. Izan ere, Urdaibaiko Guggenheimen aurkako iritziak jaso dira, baina baita eskualdearen garapenaren aldeko jarrerak ere.
Korrika egin, osasuntsu zahartzeko: Fernando eta Leopoldo, 81 eta 76 urterekin atxintxika egiten jarraitzen duten beteranoak
Fernandok 31 Behobia daramatza, azken bi urteetan beteranoena izanik, eta Leopoldo erretiroa hartu baino pixka bat lehenago hasi zen kilometroak egiten. Korrika egitea botikarik onena da bientzat, ez bakarrik ongizate fisikoagatik, gaixotasunak prebenitzen eta sasoiz zahartzea atzeratzen ere laguntzen baitie.
Ziberindarkeria matxistak ezagutzen laguntzeko gida argitaratu du Emakundek
"Jarri izena" gira gazteei zuzenduta dago, eta bere helburua da ingurune digitaleko indarkeria matxistak identifikatzea, askotan oharkabean pasatzen dira eta, eta alfabetatze digitala eskaintzea, sareetan gertatzen diren indarkeria matxista mota guztiak hautemateko eta horiei izena jartzeko.