Gurutzetako Ospitaleko medikuek "gezurretan" aritzea egotzi diete Donostialdeko ESIko zerbitzuburuei
Lasaitze bidean zen giroa gaiztotu egin da berriro Osakidetzan. Gurutzetako Ospitaleko bost medikuk "gezurretan eta asmo txarrez" aritzea egotzi diete Donostialdeko ESIko zerbitzuburuei eta dimisioa eman duten bertako arduradun batzuei, eta Osakidetzako zuzendaritzak "adiskidekeriaz" jokatzen duenik gezurtatu dute.
Kolon minbizia tratatzeko HIPEC teknika Gurutzetako Ospitalean —orain arte Donostiako erietxean bakarrik erabiltzen zuten— baimendu izanak trakestu du giroa, baina batez ere Adolfo Beguiristain Donostia Ospitaleko medikuen zuzendariordeak egunkari batean kaleratutako gutunak. Beguiristainek gogor jo zuen Osakidetzako zuzendaritzaren aurka (Sagarduiren dimisioa ere eskatu zuen) eta Gurutzetako Ospitaleko medikuek HIPEC teknika erabiltzeko behar den formazio eta eskarmentua ez zutela erantsi zuen. Horren arabera, azken 10 urteotan Donostiako Ospitaleak bakarrik erabili du teknika hori.
Beguiristainenek euren izen ona eta profesionaltasunaren kontra egin duela iritzita, beste eskutitz bat kaleratu dute gaur Gurutzetako Ospitaleko mediku arduradunek. EITB Mediak eskuratutako dokumentuan irakur daitekeenez, honako hauek sinatu dute agiria: Aitor de la Quintana Kirurgia Orokorreko arduraduna, Alberto Muñoz Onkologia Medikoko atalburua, Gaizka Mallabiabarrena Ginekologia Onkologiko zerbitzuburua, Andres Valdivieso Kirurgia Hepatobiliar eta Gibeletako Transplanteko Unitateko burua eta Txanton Martinez-Artorguiza Ginekologiako zerbitzuburua.
Gurutzetako profesionalek gutunean diotenez, orain arte isilik egon dira arazoa gehiago ez "nahaspilatzeko", baina Beguiristainek egindako "aieruen" aurrean "gauzak argi" utzi behar zituztela ebatzi dute.
Euren hitzetan, 1996tik egiten da Gurutzetako Ospitalean kartzinomatosi peritonealaren kirurgia. "Aurten, 43 ebakuntza egin ditugu, eta 2016tik, 130 baino gehiago", zehaztu dute. Hala, gaineratu dute, "ez da egia kirurgia mota hori Donostiako Ospitalean bakarrik egiten denik".
Aitortu dute ez dutela eskarmenturik HIPEC teknikan, baina gogorarazi dutenez, behin kirurgia eginda, "sabelaldean sartu beharreko minbiziaren kontrako botika berotzeko makina baino ez da". Euren hitzetan, ebakuntzen arrakasta "kirurgilariaren eskarmentuarekin dago lotua, ez bakarrik erabilitako makinarekin", eta horien kontura, "nola dabiltzan ikasi baino" ez dela egin behar.
Horren ildoan, HIPEC teknika erabiltzen hasteko baimena jaso berri dutela eta, Osakidetzako zuzendaritzak "adiskidekeriaz" aritu izana ezeztatu dute, eta 2016tik eskatzen ari direla jakinarazi.
"Argi utzi nahi dugu tratamendu hori erabiliko dugunok, hartu-eman profesionalaz harago, ez dugula inolako harremanik Osakidetzako zuzendariekin", azpimarratu dute.
Azkenik, gatazkan "nahastu" dituztela deitoratu dute, eta salatu dute ez dela "onargarria norberaren interesak oinarririk gabeko salaketen bidez defendatzea".
Zure interesekoa izan daiteke
Errepideak moztuta, ibaiak gainezka, argi-mozketak... Andaluziak borrasken ondorioak pairatzen jarraitzen du
Bizilagun askok egunak daramatzate etxetik kanpora; oraindik 3.500 lagun daude kiroldegietan edo hoteletan. Etxera itzuli ahal izan direnek lokatza eta ura aurkitu dituzte nonahi.
Lezaman hilik aurkitutako gizonaren ustezko hiltzailea atxilotu dute Bilbon
Biktima 60 urteko Barakaldoko bizilaguna zen. Joan zen ostiralean aurkitu zuten hilik Lezamako Ganguren gainaren inguruan.
Epaiketan, bederatzi gaztek ziurtatu dute euren entrenatzaileak, Osasunako ikuskatzaile ohiak, sexu-mezuak bidaltzen zizkiela
Errioxako Auzitegiak auzipetuaren aurkako lehen saioa egin du astearte honetan, 16 urtetik beherakoei sexu-abusuak egitea egotzita.
Yala Nafarroak otsailaren 21ean kalera irteteko deia egin du Palestina ahaztu ez dadin
Manifestazioa 17:00etan egingo dute, Iruñean, Israelgo Estatuaren zigorgabetasuna salatzeko. Egun horretan Osasunaren eta Real Madrilen partidara joango diren zaleek ere manisfestaziora joateko aukera izango dutela azpimarratu du elkarteak.
Elisa Mouliaak aurrera jarraituko du Errejonen aurkako akusazioarekin, eta laguntza eskatu die beste biktimei
Aktorearen hitzetan "arbuiagarria da" Fiskaltzak diputatu ohiaren absoluzioa eskatu izana, Mouliaak auzitik irtetea erabaki ostean. Azaldu duenez, hamar hilabetez egon da Errejonek "jazarri, umiliatu eta inbaditu" zuela "frogatzen". Errejonen beste biktima batzuei auzian "gutxienez modu anonimoan" agertzeko eskatu die.
Arartekoak kritikatu du zezenketen legeak ez dituela adingabeengan sortzen dituen eraginak kontuan hartzen
Arauak sokamuturra, errekortariak edo entzierroak bezalako ospakizunei buruz dihardu, betiere 16 urtetik beherakoentzat badira eta tutoreen baimena behar badute.
?fmt=png-alpha&qlt=80)
Euskadiko biztanleen % 10,2 atzerritar nazionalitatekoak dira eta % 14 atzerrian jaioak
Zehazki, iazko urtarrilean 226.367 biztanlek zuten atzerritar nazionalitatea Euskadin, hau da, biztanleria osoaren % 10,2; 2024ko urtarrilean baino hiru hamarren gehiago, eta Espainiako Estatuko % 14,1eko batezbestekoaren azpitik.
35 urteko preso bat hil da Arabako espetxean
Espetxeetako egoera salatzeko, elkarretaratzea deitu du Salhaketa elkarteak datorren ostiralerako, 12:30ean, Gasteizko Andre Maria Zuriaren plazan.
Errejonek ez du ahozko epaiketaren hasieraren jakinarazpena jasoko, Mouliaak salaketa erretiratu ote duen argitu arte
Elisa Mouliaak agerraldia egingo du gaur, asteartea, eguerdian, "akusazio partikularrak jarraituko duen ala ez iragartzeko". Alfredo Arrien abokatuarekin batera agertuko da kazetarien aurrean, atzo bertan "zer erabaki hartu aztertzen" ari zela jakinarazi ostean.
Gizon bat ikertzen ari dira, Beran, semearen eskola-autobuseko gidariari eraso egiteagatik
Antza denez, adingabea lo geratu zen autobusean, eta ez zen ohiko geltokian jaitsi. Ondoren, ibilgailua aparkatuta zegoen lekuan aurkitu zuten.