Beste hiru hilketa matxista izan dira azken orduetan: Madrilen, Toledon eta Alacanten
Urruntze agindua zeukan 37 urteko gizon batek bere bikotekide ohiaren 20 urteko alaba hil du bart Puente de Vallecasen (Madril). Ondoren, bere buruaz beste egiten saiatu da, Poliziak jakitera eman dutenez.
Ustezko hiltzailea bere burua zauritzen ari zela jakin dute Larrialdi zerbitzuetako langileek, abisu baten bidez. Gizona artatzera joan eta etxe barruan gaztearen hilotza aurkitu dute.
Gizon batek haurdun zegoen emakume bat hil du Toledon
34 urteko emakume bat hil du bikotekide ohiak Escalonan (Toledo), ama izateko astebete falta zitzaiola. Guardia Zibilak atixlotu egin du 52 urteko gizona.
Indarkeria matxistagatik aurrekariak zituen atxilotuak, baina Mostoleseko (Madril) epaitegi batek babes agindua eta kautelazko neurriak kendu zizkion.
Gizon batek bikotekidea hil du Benidormen
Benidormen (Alacant), 22 urteko gazte bat hartu dute atxilo gaur, adin bereko bikotekidea hil duelakoan.
Fernando Grande-Marlaska Espainiako Barne ministroak prentsaurrekoan esan du, ostegun goizaldean jazotako gertaera ikertzen dabiltzala, eta indarkeria matxista kasu bat izan litekeela, emakumea leihotik "jausi" zenean atxilotua etxean baitzegoen.
Bikotekideak berak deitu zuen 112 telefonora, emakumea "leihotik erori" zela esanez.
Albiste gehiago gizartea
Milaka herritar atera dira kalera Palestinaren alde
Gazarako Mugimendu Globala Euskal Herriak deituta, Iruñean 18:30ean Merindadeetatik abiatu da manifestazio nagusia, eta 19:00etan Donostian, Gasteizen eta Bilbon. Halaber, unibertsitateko ikasleek manifestazioak egin dituzte 12:00etan euskal hiriburuetan.
ES-Alert ohartarazpen sistema probatu du SOS Deiak zerbitzuak Balmasedan
Balmasedan zeuden mugikorrek ohartarazpen mezu bat jaso dute. Sistema honekin jakinaraziko zaio gizarteari hondamendiren baten arriskua. Balmasedan egindako probarekin eraginkortasun-maila ezagutu nahi izan da, behar izanez gero, hobetu ahal izateko. Soinua entzun ondoren, euskaraz, gaztelaniaz eta ingelesez idatzitako mezu bat jaso da gailuetan, probaren berri emanez.
Berriro gelditu dira Gatika eta Capbreton arteko interkonexio elektrikoko itsaspeko kablearen obrak, Butroe ibaian isuria izan da eta
URA agentziak zehapen-espedientea ireki du Red Electricaren aurka, eta Gatika inguruan egiten ari ziren zulaketa-lanetako bat geldiaraztera behartu du, Butroe ibaiko erreka batean isurketa izan delako. Toxikotzat hartzen ez den substantzia bat isuri da, bentonita, baina ekosistemari kalte egiten dio.
Hasi da gripearen aurkako txertaketa-kanpaina, eta 75 urtetik gorakoei txerto indartua jarriko diete
"Zu zara funtsezko pieza gripea saihesteko. Jarri txertoa" lelopean, Osakidetzak hitzordua eskatzeko deia egin die pertsona zaurgarriei. Astelehenean hasiko dira txertatzen. Kalteberatzat jo ez dituztenek azarora arte itxaron beharko dute txertoa hartu ahal izateko.
Palestinarekin Elkartasuna plataformak Sumud Flotillaren aurkako erasoa kaleetan salatzeko deia egin die euskal herritarrei
Plataformaren ustez, "ezinbestekoa da Israelen eta mendebaldeko konplizeen aurkako mobilizazioa eta borroka bultzatzen jarraitzea", eta bat egiten du Gazarako Mugimendu Globalak Euskal Herriko hiriburu eta udalerrietan egindako deialdiekin.
Renfek erabat berrezariko du Bilbo eta Santurtzi arteko larunbat eta igandeetako tren-zirkulazioa
Aste barruan, trenak ohiko ordutegiaren % 50eko maiztasunarekin dabiltza, behin-behinean, aldaketarik iragarri bitartean.
Elhuyarrek sei hizkuntzatan automatikoki bikoizteko plataforma sortu du
Elhuyar Fundazioak Euskal Herriko lehenengo bikoizketa automatikoko plataforma sortu eta martxan jarri du. Erreminta honekin ikus-entzunezko eduki bat sei hizkuntzatan (euskara, gaztelania, frantsesa, ingelesa, galiziera eta katalana) bikoiztu daiteke eta jatorrizko ahotsak imitatzeko aukera ematen du. Tresna berria Aditu plataforman integratu da. Horrela, plataforma hau azpitituluak sortzeko plataforma izatetik automatikoki bikoizteko aukera ematera igaro da.
Bingen Zupiriaren arabera, segurtasunaren arloan "hainbat gertakari larri" izan dira aurten euskal gizartean
Bingen Zupiria Eusko Jaurlaritzako Segurtasun sailburuak ohartarazi duenez, "arazo sozial oso garrantzitsua" dago, urtarriletik abuztura 10 hilketa izan baitira Euskadin, bai eta emakumeen aurkako "hainbat motatako eraso asko" ere. Gainera, nabarmendu duenez, Euskadin "arma zuriak erabiltzera ohituta dauden eta gatazka asko sortzen dituzten pertsonak" egon badaudela "egiaztatu" ahal izan dute.
Gipuzkoako Foru Aldundia Bernedo auzian akusazio gisa aurkeztuko da
Arabako Foru Aldundiak, bere aldetik, "erabat onartezinak" diren jarrerak argitzeko informazioa biltzeko dei egin du, eta galdetu du orain arte zergatik erakunde bakar batek ere ez duen esku hartu. Hori dela eta, azken bururaino ikertzearen alde agertu da.
Onkologiako saiakuntza klinikoak egiteko plataforma bateratua jarriko da martxan Euskadin, eta guztion eskura izango da
Plataforma berria Eusko Jaurlaritzako Osasun Sailaren 2025-2030 aldirako Euskadiko Onkologia Plan Integralaren kari sortuko da, hain zuzen ere. Saiakuntza kliniko gehiago egitea eta gaixoen parte-hartzea handitzea da helburua, "aukera berdintasuna" bermatzeko.