Sagardui: "Badirudi, Txinan zabaldu den covid-19aren aldaera oraindik ez dela Europan agertu"
Txinan izaten ari den covid-19 kasuen gorakadak kezka eragin du, berriro, mundu osoan, eta Eusko Jaurlaritza ere adi ari da gaia jarraitzen. Gotzone Sagardui Osasun sailburuak azaldu duenez, egunero egiten dute hemengo zein atzerriko datuen jarraipena, eta haren hitzetan, "badirudi, Txinan zabaldu den covid-19aren aldaera oraindik ez dela Europan agertu".
Covid-19 aldaera berriaren aurrean eskura ditugun txertoek zenbateraino babesten duten eta zein neurri hartu beharko liratekeen aztertzea epidemiologoen lana dela eta horretan ari direla ziurtatu du Sagarduik. "Hor epidemiologian adituek, beti egin duten bezala, jarraipena egiten diote aldaerari eta aztertzen dute txertoek zer nolako babesa ematen duten. Hori kontuan hartua, neurriak proposatzen dituzte", esan du, Euskadi Irratian goizean egindako elkarrizketan.
Edozein kasutan, Osasun sailburuak argi du txerketa dela covid-19ari aurre egiteko bide eraginkorrena, eta beste behin, herritarrei dei egin die txertatu daitezen.
Joan den astean zabaldu zuen Osakidetzak covid-19aren aurkako bigarren errefortzu dosiaren txertaketa 60 urtez azpikoentzat, eta herritarrak hitzorduak hartzen hasita daudela esan du, oraindik txertoa hartzen ari diren gehienak 60tik gorakoak direla aitortu arren. "Datak kontuan hartu behar dira. Oraindik, indarrik gehiena 60tik gorakoentzat ari gara ematen, baina hortik beherakoak ere ari dira hitzorduak hartzen eta milaka txanda emanda ditugu", zehaztu du.
Bien bitartean, zenbait herrialdek test negatiboa eskatuko diete Txinatik iritsitako bidaiariei. AEB, Italia, Japonia eta Malasia hasi dira dagoeneko proba negatiboak eskatzen. Tailandia eta Australia, bestalde, murrizketak ezartzea aztertzen ari dira.
Zure interesekoa izan daiteke
Riglosko sute handia kontrolpean dute, eta ebakuatuak etxera itzuli dira
Aragoiko Gobernuak babes zibileko gutxieneko mailara jaitsi du alerta azken ebakuatuak beren etxeetara itzuli ondoren, nahiz eta operatiboak lanean jarraitzen duen 14.500 hektareako perimetroa finkatzeko.
Sagardogileek sagar-bilketa aurreratu dute lehortearen ondorioz, eta aurtengo uzta % 30-35 txikiagoa izango dela aurreikusi dute
Uda lehorraren ondorioz, ekoizle batzuek uzta aurreratu dute, eta beste batzuek datozen egunetan ekingo diote bilketari. Kanpainaren emaitza irailean aurkeztuko dute Villabonako sagasti esperimentalean.
Aurtengo Aste Nagusia azkena izango da Juan Mari Aburtorentzat Bilboko alkate bezala
12 urtez alkate izateak ematen duen perspektibarekin, Aste Nagusiak izan duen bilakaeran herritarren parte-hartzea nabarmendu du. Oraindik bada zer hobetu eta kontuan hartzeko moduko kezkak eta erronkak. Horren harian, konpartsekin gorabeherak izan arren, gaur egun harremana errespetuzkoa dela esan du. Jaia lehertzeko egun bakarra falta denean, alkateak ere urduri eta emozio handiz bizi ditu ordu hauek.
Txosnak "gune seguruak" izango dira Aste Nagusian erasoak jasaten dituztenentzat
Bilboko Konpartsek egunero txandak antolatuko dituzte erasoa jasan duten pertsonei arreta emateko, leku seguru batera laguntzeko eta, hala eskatuz gero, beste eragile batzuekin harremanetan jartzeko.
Ertzaintzak kontrolak egingo ditu Aste Nagusian, armak eta objektu arriskutsuak dituzten pertsonak sar ez daitezen
Operatibo berezi horren barruan, bideozaintza ezarriko da eraso sexistak prebenitzeko, patinete elektrikoen erabilera kontrolatuko da eta garbiketa-dispositibo bat zabalduko da.
Herritarrak konfinatu dituzte hainbat orduz Pasaiako portuan piztutako sute baten ondorioz sortutako keagatik
Sua gaur goizean piztu da Pasaiako portuko desegite-gune batean, eta, batez ere, autoak eta bateriak erre dira. Ke-laino handiaren ondorioz, larrialdi zerbitzuek ES-Alert bat aktibatu eta konfinamendua eskatu dute, batez ere Lezoko herritarrei. Airearen kalitatea normala zela egiaztatu ondoren kendu dute abisua.
Euria Urzainkiko sutea itzaltzen laguntzen ari da, baina ibilgailuen sarbidea zailtzen du
Baso-pistak ezin dira ibili, lurraren ezegonkortasuna areagotu eta elementuak erortzeko aukera baitago. Horrek arriskua areagotu du, eta bigarren mailako sute-guneak sortzeko probabilitatea handitu du.
Euskadik Hezigiro abiatu du, ikastetxeetan konfort termikoa hobetzeko plana
Hezkuntza Sailak pilotajea jarri du martxan Bizkaiko lau ikastetxetan: Bagatza HLHI (Barakaldo), Luis Briñas-Santutxu BHI (Bilbo), Pagasarribide IPI (Bilbo) eta Indautxu HLHI (Bilbo).
Riglosko sutea "datozen orduetan" kontrolatuko dute
Ostiral honetan, sua kontrolatutzat emateko falta diren gune beroak itzaltzen saiatuko dira, eta Santa Cruz de la Serosko bizilagunak, aterperik gabe zeuden bakarrak, etxera itzuli ahal izango dira.
Bilboko Aste Nagusian galdu ezin diren 5 ekitaldi
Bilboko Aste Nagusiaz gozatzeko bost plan proposatzen dizkizugu. Ez galdu pregoia eta jaiei hasiera emateko txupinaren jaurtiketa, txosnak, lehiaketa gastronomikoak, balearen desfilea eta kontzertuak.