Ordiziako Majori kiroldegia hustu dute kloro ihesa izan ondoren
Ordiziako (Gipuzkoa) Majori kiroldegian kloroak ihes egin ostean begietan narritadura eta arnasa hartzeko arazoak izan dituzten hainbat pertsona artatu behar izan dituzte osasun-zerbitzuek arratsaldean, Eusko Jaurlaritzako Segurtasun Sailak jakitera eman duenez.
Larrialdi zerbitzuek 18:20 aldera jaso dute ihes toxikoaren berri. Hori dela eta, Gernikako Arbola Ibilbideko kirol-instalazioetan zeuden pertsonak bertatik atera dituzte, eta kiroldegia itxita geratu da gertakariaren ondoren.
Guztira, larrialdi zerbitzuek 200 pertsona atera behar izan dituzte kiroldegitik, eta horietako zazpi Zumarragako erietxera eraman dituzte badaezpada.
Inguruko bizilagunek mantak eta bestelako berokiak eman dizkiete babesteko.
Bestalde, inguruko bizilagunei leihorik ez irekitzeko eskatu diete.
Adur Ezenarro Ordiziako alkateak ETBri azaldu dionez, igerilekuko entrenatzaile bat kloro usainaz jabetu da. Sorosle bati abisua eman dio, eta egoera ez zela normala ebatzi dute. Ondorioz, ebakuazioa igerilekuan hasi da, eta ondoren instalazio guztiak hustu dituzte.
Ihesa gertatu den orduan kiroldegian, eskubaloiko eta saskibaloiko taldeen entrenamenduak, 'spinning' taldeak eta jarduerak zeuden igerilekuan, udaleko iturriek zehaztu dutenez.
Kiroldegia itxi dute eta astearte goizean neurketa berriak egingo dira kloro maila normalak direla egiaztatzeko. Ondoren, kaltetuekin harremanetan jarriko dira euren gauzak itzultzeko.
Kiroldegia itxita dagoen bitartean Lazkaoko Joxemiel Barandiaran kiroldegia erabilgarri egongo da Ordiziako bazkideentzat, Udalak jakitera eman duenez.
Azaroaren 10ean beste kloro isuri bat izan zen Gipuzkoan, Hernaniko kiroldegian, eta 20 bat pertsonari arazoak eragin zizkien.
Albiste gehiago gizartea
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Muturreko beroa izango dugu gaur eta bihar
Abisu horia ezarri dute ostiralera arte; tenperaturak oso altuak izango dira, 27 eta 35 gradu artekoak.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.
Osakidetzak ordutegiak murriztu eta osasun-zentro batzuk itxiko ditu udan
Aldaketa horiek zentroen % 37ri eragingo diete. ELA eta CCOO sindikatuek udako plangintza kritikatu dute. Osakidetzaren egiturazko arazoek “bere horretan jarraitzen dutela” ziurtatu dute eta “benetako konponbideei heltzeko" negoziazio prozesua hastea eskatu dute.
Red Electricak zentralei egotzi die apirileko itzalaldiaren ardura: "Sorgailuek beren konpromisoak bete izan balituzte, ez zen itzalaldirik gertatuko"
Red Electricak, sistemaren operadoreak, erantzukizuna ez du bere gain hartu eta zentral sortzaileen aurka egin du, ez zituztelako bete kolapsoa saihesteko protokolo teknikoak. Gobernuak, bere aldetik, akats ugari egin zituela onartu egin du. Hala ere, operadorearen plangintza zalantzan jartzen du.
Euskadin ematen diren 10 gorroto-delitutik sei arrazistak edo xenofoboak dira
2024ko Gorroto Istiluen azken Txostenak egiaztatzen du kasuen kopuruak behera egin duela oro har, baina baieztatzen du arrazakeriak eta xenofobiak eragindako erasoak oraindik ere argi eta garbi nagusitzen direla gorrotoaren mapan Euskadin.
Andre Maria Zuriaren jaiek badute kartela
2025eko Andre Maria Zuriaren Jaiak Arabako hiriburuan ospatuko dira, abuztuaren 4tik 9ra.
Abisu horia ezarri dute Euskadin ostiralera arte, tenperaturak 35 gradura iritsiko baitira
Tenperaturak oso altuak izango dira, 27 eta 35 gradu artekoak, gunearen arabera.
Bilbo eta Arrigorriaga arteko RENFEren zerbitzua berrezarri dute, Alvia batek matxura izan ostean
Ezbeharra 07:20 aldera jazo da, Bilbotik ateratzen ari zen Alvia bat Ollarganen geldirik geratu denean, eta ezin izan du zirkulatzen jarraitu.