Nafarroak 664.000 biztanle baino gehiago ditu eta goranzko bidean jarraitzen du
Nafarroako biztanleen errolda 664.117 lagunetakoa zen 2022ko urtarrilaren 1ean Nastat-ek (Nafarroako Estatistika Institutua) gaur kaleratu dituen datuen arabera. Honenbestez, azken zazpi urteetako igoerari eusten dio biztanleriaren datuak.
Igoera hori inmigrazioari eskerrak ari da izaten hein batean. Izan ere, Nastat-et datuen arabera, biztanleria osoaren % 11,1ek atzerriko naziotasuna dauka. Duela hamarkada bat datu hori % 10,8koa zen, beraz, ia puntu batean egin du gora.
Atzerriko naziotasuna dutenen datuei begiratuta, talderik handiena europarrena da; % 32,1 dira. Segidan daude amerikarrak (% 31,5), afrikarrak (% 31,4) eta asiarrak (%4,7). Azkenik, biztanle hauen % 0,2a ozeaniarra da edo herrialderik gabekotzak dauka bere burua. Herrialdeak kontutan hartuta, Nafarroan biztanle gehien dituzten naziotasunak hauek dira: Maroko, Errumania, Kolonbia, Bulgaria, Portugal, Ekuador, Peru, Argelia eta Txina.
Datu hauek duela 10 urtekoekin alderatu ditu Nastatek. Horien arabera, atzerritarren artean europarrak gutxitu egin dira; % 17 jaitsi da haien kopurua. Aldiz, gora egin dute Asiako eta Afrikako naziotasuna daukatenen kopuruak, % 64,5 eta % 29,3 hurrenez hurren.
Nafarroako Estatistika Institutuak argitaratutako datuetatik atera daitekeen beste ondorio bat da biztanleria zahartzen ari dela. Duela 10 urteko errondako datuekin alderatuta, gazteenen kopuruak behera egiten duela ikusten da eta, adinean nagusiagoak direnak, ordea, gehiago dira biztanlerian. Hain zuzen ere, Nafarroako biztanleen batazbesteko adina 43,8 urtekoa da, 2012an baino bi urte gehiago.
Adin tarteetan arreta jarrita, 15 urtetik beherakoak biztanleriaren % 14,8a dira. 15 eta 44 urte artean daudenak % 32,5 dira. 45 eta 64 urte artekoak % 29,7 dira. Azkenik, % 20,5ak 65 urte baino gehiago ditu.
Adina eta naziotasuna ere lotu ditu Nastat-ek. Espainiako naziotasuna daukatenen artean %62ak 15 eta 64 urte artean ditu, % 22,3ak 65 urtetik gora ditu eta % 15,7ak 15 urtetik behera ditu. Atzerriko naziotasuna daukaten artean, ostera, portzentajeak ezberdinak dira: %78ak 15 eta 64 urte artean ditu, %3,7ak soilik ditu 65 urtetik gora eta % 18,1ak 15 urtetik behera ditu.
Azkenik, Nafarroan erroldatuta dauden 664.117 pertsona horietatik % 49,5a gizonezkoak dira eta % 50,5a emakumezkoak Nastaten arabera.
Zure interesekoa izan daiteke
Gutxienez 10 hildako eta 25 zauritu larri Kordoban, abiadura handiko bi trenenen arteko istripuan
Trenetako bat errailetik atera da Adamuzeko (Kordoba) 1. trenbidearen sarrerako desbideraketan eta alboko trenbidean sartu da. Beste tren bat zihoan hortik eta hura ere errailetatik atera da. Madril eta Andaluzia arteko abiadura handiko trenen zirkulazioa bertan behera geratu da.
Celtako zaleek azazkalak margotu dituzte Borja Iglesiasen alde, futbolariak Sevillan jasotako irain homofoboak salatzeko
Sevillaren aurkako partida bukatu zenean, Sanchez Pizjuanen jokalariak jaso zituen irainen aurrean, gaurko Balaidosko norgehiagokara azazkalak margotuta joatera animatu zituen klubak jokalari eta zaleak. Iglesiasek berak urteak daramatza homofobiaren aurka borrokatzen, eta azazkalak margotuta eramatea izan da bere ezaugarrietako bat.
Auzitegi Gorenera jo du Kermanen familiak Arabako Auzitegiak haren hilkeren "larritasuna murrizten" duela iritzita
Azaroan behin-behineko askatasuna eman zioten erasotzaileari eta epaiketa labur bat egingo zela ebatzi zuen Arabako Auzitegiak, instrukzio epaitegiaren iritziaren kontra.
Pertsona bat hil da Benasquen, elur-jausi batek harrapatuta
Cerler eski estazioan gertatu da ezbeharra. Dirudienez, hainbat elur-jausi izan dira gaur pistetatik kanpo.
Lau gazte atxilotu dituzte Bedian, Euskotrenen tren batean grafitiak egitea egotzita
18 eta 21 urte bitarteko lau gizonezko hartu dituzte atxilo, trenbidean barrikada bat jarri eta Euskotrenen tren batean pintaketak egitea leporatuta.
Hamar pertsona erietxera eraman dituzte Gasteizko lonja batean izandako sutean kea arnasteagatik
Ertzaintzak jakitera eman duenez, igande goizeko zortzi eta erdietan gertatu da. Ikerketa abiatu dute sua zerk eragin duen argitzeko.
Pertsona bat erreskatatu dute Basauriko zubi batetik ibaira erori ostean
Larrialdi zerbitzuek gizon bat erreskatatu dute larunbat honetan, Agirre Lehendakariaren etorbideko zubi batetik uretara erori ondoren.
Ertzaintzak giza gorpuzkiak kiskalita topatu ditu Ortuellan
Ikerketa abian dute gertatutakoa argitu eta istripua izan den edo kriminalitate zantzuak dauden zehazteko. Oraindik ez dute biktima identifikatu.
11 pertsona intoxikatu dira kea arnastuta Baionan piztu den sute batean
Baiona iparraldeko lau solairuko etxebizitza batean piztu dira garrak, 10:30 aldera, eta eguerdirako itzali dute sutea. Sei pertsona ospitaleratu behar izan dituzte.
Maskotekin iruzurrak online egiten zituen sare bat desegin, eta isolatuta zuten 80 urteko gizon bat askatu dute
18 pertsona atxilotu dituzte Bizkaian, eta iruzurgileen 121 biktima identifikatu dituzte, batzuk Gipuzkoan eta Araban.