Bizilagunek ez dute auzoan nahi errefuxiatu zentroa eta beste aukera batzuk nahiago dituzte, Itxasoren arabera
Espainiako Gobernuak Gasteizko Arana klinika zaharrean eraiki asmo duen errefuxiatuentzako zentroaren harira, Denis Itxasok proiektuari buruzko azalpenak emateko bilera egin du auzotarrekin. Horren arabera, laburbilduz, bi sentimendu nagusitu ziren atzo batzarrean: batetik, errefuxiatu zentro bat egitearekin ados daudenak, "baina ez nire auzoan"; bestetik, eraikina beste zeregin batzuetara bideratzea planteatzen dutenak (alzheimer gaixoentzako, adinekoentzako edo arreta soziosanitariorako, adibidez).
Euskadi Irratiko "Faktoria" saioan egin dioten elkarrizketan, Espainiako Gobernuak EAEn duen ordezkariak egitasmoa defendatu du eta nabarmendu du eraikuntza askotan atera dela enkantera eta ez dela inoiz eskaintzarik izan. Gaineratu duenez, hamar urte baino gehiago daramatza klinika zaharrak hutsik eta denbora horretan tokiko erakundeek, Arabako Foru Aldundiak eta Osakidetzak ez dute proposamenik egin.
Denis Itxasok azpimarratu du ez dela izango migratzaileentzako gune soila, asilo eskaria egiten duten errefuxiatuentzako tokia baizik. Ildo horretan, Eusko Jaurlaritzari leporatu dio migranteak eta errefuxiatuak nahastea.
Halaber, tamainari dagokionez adierazi du Errusiaren Ukrainako inbasioak erakutsi duela azpiegiturak prest izan behar direla horrelako errefuxiatu oldeei aurre egin ahal izateko eta 300 pertsonarentzako tokia izateak ez duela esan nahi beti beteta egongo direla.
Bestalde, "Bai bakarrik da bai" legearen erreformaz azaldu du emakumeen onespena mantendu egingo dela. "Zentzuzkoa da legeari hainbat aldaketa egitea etorkizunean zigor murrizketak gertatu ez daitezen", gehitu du.
Zure interesekoa izan daiteke
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
AEK-ko kideek eta Zuberoako euskalgintzan erreferente den Oihana Larrandaburu Goñi atharraztarrak eman diote hasiera lasterketari. Euskal Irratiak sareko kideak izan dira lehenak lekukoa eramaten. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.
CCOO Korrikatik kanpo geratu da, AEK-k erabaki baitu sindikatuak ez duela lekukoa eramango, "euskararen aurkako jarrerak sustatzen" dituelakoan
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".