Trans legea eta abortuarena, behin betiko onartuta
Trans legea eta abortuarena behin betiko onartuta geratu dira gaur Diputatuen Kongresuan, eta Estatuko Aldizkari Ofizialean argitaratzen direnean sartuko dira indarrean.
Espainiako Gobernua osatzen duten bazkideen —PSOE eta Unidas Podemos— babesaz gain, inbestidurako taldeen sostengua ere izan du Trans legeak. Genero autodeterminazioa aitortzen du testuak, eta hori izan da sozialisten eta moreen artean korapiloa eragin duena. Behin hori askatuta, aurrera egin du testuak. Hori bai, aurreko bozketan bezala, Carmen Calvo diputatu sozialista abstenitu egin da. PPk eta Voxek aurka bozkatu dute.
Lege berriaren arabera, pertsonaren borondatea da baldintza bakarra erregistroan sexua aldatzeko; 14 eta 16 urte artekoen kasuan, berriz, gurasoen edo tutoreen baimena beharko dute; eta 12 eta 14 urte artekoek, epaile baten baimena. 12 urtetik beherakoek ezin izango dute sexua aldatu erregistroan, baina bai izena NAN agirian.
Abortuaren legea, bestalde, PSOE, Unidas Podemos, PNV, EH Bildu, ERC, CUP eta Mas Pais taldeen aldeko botoekin atera da aurrera (185 boto). PPk eta Voxek aurka bozkatu dute (154) eta PdeCateko diputatuak abstenitu egin dira (3).
Arau berriaren arabera, 16 eta 17 urteko adingabeek haurdunaldia eteteko eskubidea izango dute —gurasoen baimena ez da beharrezkoa izango—; ez dute hiru eguneko gogoetarik egin beharko, eta baja hartu ahalko dute. Halaber, asistentzia zerbitzu integrala eta espezializatua eskainiko zaie, eta osasun sistema publikoko erietxeak izango dira erreferentziazko lekuak abortatzeko.
Bozketen ondoren, Irene Montero Berdintasun ministroa pozik agertu da, gaurtik herritarrek "eskubide gehiago" dituztelako, "LGTBI kolektiboak eta emakumeek" bereziki. Halere, legea ezartzerakoan "erresistentziak" egongo direla ohartarazi du, "beste lege feministekin gertatu den bezala".
Horregatik, dagokien erakundeei legea betetzen ari dela bermatzeko neurriak hartzeko eskatu die.
Albiste gehiago gizartea
"Nahasmendu delirantea" diagnostikatu diote medikuek Kabiecesen 400 haur baino gehiago txertatu gabe utzi zituen erizainari
Epaiketaren laugarren egunean, auzipetua auzitegian aurkeztu da, baina deklaratzeko moduan ez dagoela onartu du.
Iruñeko Planetarioa berreraikitzeko lanak hasi dira
Urtarrilean kupula larriki kaltetu zuen sutearen ondoren, Iruñeko Planetarioa Tornamira Aretoa zaharberritzen eta eraikina osorik modernizatzen hasi da. Kultura sailburu Rebeca Esnaolak zentroa zientzia eta astronomia dibulgaziorako abangoardiako gune gisa berreskuratzea helburu duten jarduerak azaldu ditu.
Sindikatuek eta pentsiodunek protesta egin dute Eusko Legebiltzarraren aurrean
Pentsioak Lanbide arteko Gutxieneko Soldatara (LGS) arte osatzeko Herri Ekimen Legegilea (HEL) Jaurlaritzak aintzat hartu ez izanagatik protesta egin du pentsiodunen mugimenduak. Bestalde, enplegu publikoko prozesuetan izandako euskararen aurkako "erasoaldi judiziala" salatu du LAB sindikatuak.
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.