Emantzipaziorako laguntzaren gakoak: nork eta noiz eskatu ditzake?
Iñigo Urkullu lehendakariak Legebiltzarrean esan duenez, 2024tik aurrera eta 2 urtez, Eusko Jaurlaritzak 300 euroko laguntzak emango dizkie hilero 25 eta 29 urte bitarteko gazteei, gurasoen etxetik irtetea eta emantzipatzea errazteko helburuarekin.
Laguntza horiek eskatu nahi dituzten gazteek honako baldintzak bete beharko dituzte:
- Eskaria egitean 25 eta 29 urte artean izatea.
- 28.000 eurotik beherako diru-sarrerak izatea.
- Eskaera egin aurreko urtean Euskadin erroldatuta egotea.
- Azken hamar urteetan hiru urtez erroldatuta egon izana egiaztatzea.
- Ohiko etxebizitza izan beharko duen horretako alokairu-kontratua edo etxebizitza librea erosteko kontratua izatea. Kontratu eskaera egin eta hurrengo sei hilabeteetan egon daiteke indarrean edo aurreikusita.
Emantzipatzeko laguntzak jasotzeko baldintzak. Argazkia: EITB Media.
Horrez gainera, honako gako hauek ere kontuan hartzekoak dira:
- Laguntza hori ez da bateragarria izango babes publikoko etxebizitza bat alokairuan edo jabetzan hartzearekin.
- Bateragarria izango da Gaztelagun programako alokairu-laguntzekin.
- DSBE edo EGBren ondorioetarako, onuradunaren diru-sarreren zati gisa zenbatuko da.
Epeak
Neurria 2024ko lehen seihilekoan indarrean sartuko dela aurreikusten da.
Lehendabizi, Gazteen Emantzipazioa Bultzatzeko Euskal Estrategia onartu behar da, programa hau estrategia horietako 10 proiektu eragileetako bat baita. Hori martxoan izango dela aurreikusten da.
Une horretatik aurrera, Emanzipa Programaren oinarriak arautzen dituen dekretua onartzeko prozesua jarriko da martxan. Dekretua 2023ko amaieran edo 2024ko hasieran onartuko dela aurreikusten da.
Neurria indarrean jarri ondoren hasiko dira gazteak dirulaguntzak jasotzen eta 2 urtez jaso ahal izango dituzte.
Zure interesekoa izan daiteke
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.