Jaurlaritzak hilean 300 euroko laguntza emango die 25-29 urteko gazteei emantzipatzeko
Bi urtez, hilean 300 euro emango dizkie Eusko Jaurlaritzak 25-29 urteko gazteei gurasoen etxetik irten eta emantzipa daitezen, Iñigo Urkullu lehendakariak gaurko kontrolerako saioan iragarri duenez.
ZURE INTERESEKOA IZAN DAITEKE: Emantzipaziorako laguntzaren gakoak: nork eta noiz eskatu ditzake?
Urkulluk gogorarazi du Euskal Autonomia Erkidegoko (EAE) gazteak 30,2 urterekin emantzipatzen dira gaur egun, Europan baino bost urte geroago. Hain justu, Emanzipa programa batez besteko adin hori jaistea du helburu, 28 urtetik behera.
Lehendakariaren esanetan, laster hasiko dira dekretua izapidetzen, eta 2023ko azken txanpan edo 2024 hasieran onartuko dute. Hala, espero da 2024ko lehen seihilekoan sartzea indarrean.
Dirulaguntza hori jasotzeko honako baldintzak bete beharko dituzte eskatzaileek: 28.000 euro beherako diru-sarrerak edukitzea, EAEn erroldatuta egotea eskaera egin aurreko urtean eta azken 10 urteetan gutxienez hiru urteko errolda agiria, eta alokairuko edo etxebizitza libre baten erosketa kontratua izatea (betiere ohiko etxebizitza izango dena). Kontrara, Babes Ofizialeko Etxebizitza bat dutenek, izan alokairuan zein jabetzan, ezingo dute laguntza eskatu. Gaztelagun programaren onuradunek (alokairua sustatzeko laguntza publikoak), ordea, bai. Azkenik, diru-sarrerak bermatzeko errentaren edo bizitzeko gutxieneko bitarteko diru-sarreren onuradunei, diru-sarrera gisa kontatuko zaie laguntza.
Urkulluk nabarmendu duenez, "emantzipazioa hasteko edo sendotzeko bultzada beharrezkoagoa denean", hots, 25 eta 29 urte artean, emango dute laguntza. Amaitzeko, gazteen emantzipazioak adostasunik zabalena merezi duela erantsi du lehendakariak: "Herri-ituna gazteriarekin eta gazteriaren alde".
Zure interesekoa izan daiteke
Osasun-matxura baten ondorioz, bi gaixo zeramatzan hegazkin medikalizatuak geldialdia egin behar izan du Kanaria Handian
Bigarren hegazkina Herbereetara heldu da jada. Munduko Osasun Erakundearen zuzendari nagusiak azpimarratu duenez, osasun publikorako arrisku orokorrak "txikia izaten jarraitzen du". Gurutzaontzia, bere aldetik, Kanaria Uharteetara bidean da jada, eta hiru egun barru porturatzea aurreikusita dago.
Gutxienez 43 lagunek salaketa jarri dute Arratiko Zekorrak errugbi taldeak saldutako loteria txartelen auzian
Behar baino 225 partaidetza gehiago saldu zituela aitortu du Arratiko Zekorrak errugbi taldeak eta, horren ondorioz, 80 bat lagunek ezin izan dute saria kobratu: 10.000 euro partizipazioko; 2,2 milioi euro inguru, guztira.
Albanese 'Gernika' aurrean: Ikaragarria da, Gazan ikusi dudanaren erreflexua dirudi
Francesca Albanese Nazio Batuen Erakundeko Palestinarako kontalaria txundituta agertu da asteazken honetan 'Gernika' Pablo Picassoren margolan ospetsuaren aurrean. Bere ustez, "gerra zibilaren suntsiketaz" hitz egiten badu ere, lurralde palestinar okupatuetan ikusitakoarekin "antzekotasun handia" du.
Trafikoa bere onera etorri da N-1 errepidean, bi kamioiren arteko istripuak auto-ilara luzeak eragin ondoren
Gasteizko noranzkoan izan da istripua, eta errei bat itxita egon da ia bi orduz. Behin ibilgailuak bidetik erretiratuta, pilaketak arintzen hasi dira.
Hantabirusak kaltetutako 'MV Hondius' gurutzaontzia larunbatean porturatuko da Kanarietan
Ontzian doazen 14 espainiarrak Madrilgo ospitale batera eramango dituzte, osasun-azterketa egitera. Oraingoz, inork ez du hantabirus gaitzaren sintomarik.
Loteria txartelak kontratuak al dira? Abokatu batek argituko digu
Arratiko Zekorrak errugbi taldeak aitortu duenez, Gabonetako Loterian behar baino 225 txartel gehiago saldu zituen, eta, beraz, 80 bat lagunek ezin izan dute saria jaso. Txartel bakoitzari 10.000 euro dagozkio, 2,2 milioi euro inguru dira guztira. Dagoeneko 21 salaketa daude. Abokatu batek argitu duenez, klubak erantzukizun zibila izan dezake, eta baita penala ere.
Gizakien artean kutsa daitekeen andui batekoa da gurutzaontziko hantabirus agerraldia
MV Hondius ontzian izandako agerraldiak hiru heriotza eragin ditu, eta MOErekin lankidetzan ari den laborategi baten arabera, Andes anduiari dagokio.
Maialen Mazon hiltzeaz akusatutako gizona, lagun bati: "Ederra egin dut"
Prozesu judizialak aurrera egin du, eta akusatuak krimenaren ondorengo orduetan zer egin zuen agerian geratu da: Valentziara ihes egin nahi izan zuela zehaztu dute.
Clavijok ez du nahi hantabirusak kutsatutako gurutzaontziak Kanarietan geldialdia egitea, eta Sanchezekin premiazko bilera bat egitea eskatu du
Kanarietako presidenteak zalantzan jarri du Espainiako Gobernuak ontzia Kanarietan amarratzeko hartutako erabakia, eta eskatu du kasuaren osasun-kudeaketako protokolo-aldaketari buruz azalpenak eman ditzala berehala.
19 urteko kartzela zigorra ezarri diote Jerome Verin boxeolari ohiari, Eric Courdy hiltzeagatik
2024ko uztailaren 11n, eztabaida baten ostean, Jerome Verinek eraso egin zion Eric Courdyri autobus geltoki batean, eta sei egun koma egon eta gero hil zen.