Euskal errepideetan ez dago aparteko arazorik, elurra eta hotza nagusi badira ere
Gaur, asteartea, elur-maila 100-400 metro inguruan geratuko da, baina prezipitazio are gutxiagorekin, nahiz eta isurialde atlantikoan ugariagoak izango diren. Halere, elurrak eta hotzak ez dute aparteko arazorik sortu euskal errepideetan. Herrerako mendatea da itxita dagoen bakarra, eta N-1 errepidean, Etzegaraten, arretaz gidatzeko aholkatu dute. Gainera, Segurtasun Sailak ohartarazi du elurra dagoela oraindik ere bigarren mailako 25 mendatetan.
Eusko Jaurlaritzak asteazkeneko 09:00ak arte luzatu du elurragatik ezarritako abisu horia.
Bestalde, Nafarroan gaur, asteartea, egun osoan egongo da indarrean elurragatik ezarritako abisu horia.
Atzo, elurra egin zuen Euskal Herriko txoko askotan, baita itsas mailan ere. Horrela, elurra gogor bota zuen tarteka, eta irudi politak utzi zituen. Kontxako hondartza ere zuritu zuen unetxo batean. Errepideetan, ordea, ia arazorik ez zuen sortu.
Muturreko tenperaturak
Bost graduren azpitik esnatu dira euskal hiriburu guztiak. Donostia izan da 5 gradura iritsi den bakarra. Gradu bat gutxiago neurtu dute Bilbon, bi gutxiago Baionan eta bai Gasteizek eta baita Iruñeak ere gradu bakarra zuten goizeko lehen orduan.
Herrerako mendatean neurtu dute Euskal Autonomia Erkidgeoko tenperatura hotzena (-5,4 ºC), eta termometroak zeroz azpitik geratu dira beste zenbait tokitan ere: Abetxuku (-1,1), Arrasate (-0,5) eta Paganos (-0,2), adibidez.
Iragarpena
Gaur, tenperatura hotzak eta giro traketsak jarraipena izango dute. Maximoak koska bat igo daitezke, baina hotza nagusi izango da beste egun batez, ipar-haizearen menpe jarraituko baitugu, eta Ebro ibarrean ziertzoak zakar joko du. Behe-hodei dezente agertuko dira, Nafarroa hegoaldean ostarte batzuekin. Prezipitazio txikia egingo du, eta elur-mailak baxu jarraituko du, 100-400 metro inguruan.
Bihartik aurrera, tenperaturak gora egingo du, eta zerua argitzen joango da.
Kontsulta ezazu eguraldiaren iragarpena eta bidali argazkiak eta bideoak eitb.eus-era.
Zure interesekoa izan daiteke
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.