Basque Festek 200 jarduera eskainiko ditu Aste Santuan, Bilboko hogeita hamar espaziotan
Bilbao Baque Fest jaialdia Bilboko herritarrekiko eta bisitariekiko urteroko hitzordura bertaratuko da aurten ere, Aste Santuarekin. Apirilaren 5etik 9ra, doako 200 jarduerako programa zabalduko dute hiriko hogeita hamar espaziotan.
Jaialdiaren sei ardatzak gourmet, kultura, musika, market, zinema eta sport dira, eta horien inguruan egongo dira musika, dantza eta antzerkiko 69 ikuskizun, herri kiroletako 25 jarduera, zero kilometroko jakien 900 dastatze saio espres eta 400 gastronomia ikastaro labur, besteak beste.
Bederatzigarren edizio honen berritasun nagusietako Mintzaira Artistiko Berriak Azkuna Zentroko atala izango da. Han, esaterako, Izar Blue konpainiak "ikus-entzunezko esperientzia" bat aurkeztuko du jaialdia abiatzeko eta Zabala artistak bere synth eta dream popa eskainiko die musikazaleei.
Halaber, Xabi Aburruzaga trikitalariak kontzertua eskainiko du, Urrats taldeak erromeria saioa eskainiko du, Gaztedi Dantzari Taldeak dantzak, Kafe Antzokiak kontzertu sorta antolatuko du eta Crazy Horse, Madame Lou Lou, Azkena eta Cotton Club aretoek Taberna Live Music zikloa hartuko dute.
BBK Aretoa zinema areto bihurtuko da, eta "Cinco lobitos" pelikula saritua proiektatuko dute bertan egunero, saio bakoitzaren aurretik "Maldita: A love song to Sarajevo", "Cuerdas" eta "Loop" pelikulak jarrita, egun bakitzean bat. Gainera, eguerdiko saioetan "Hooper oilaskoerbia" programatuko dute.
Kirolez beteko da Areatzako kaia ostegunetik larunbatera. Txapelketa eta erakustaldiak antolatu dituzte, umeen jarduerak (ziklo ikastaroak, familiarentzako antzezlanak, "eskape parkea"…) Casilda Iturrizar parkean izango dira.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.