Donostiak hotelak eta erabilera turistikoko etxebizitzak irekitzeko baimenak emateari utzi egingo dio
Donostiako Udalak hotelak eta erabilera turistikoko etxebizitzak irekitzeko baimenak emateari utzi egingo dio, lantzen ari diren Hiria Antolatzeko Plan Orokorra (HAPO) onartu bitartean.
Eneko Goia Donostiako alkateak eta Nekane Arzallus Hirigintza Sostengagarriko zinegotziak eman dute neurriaren berri, gaur eguerdian. Esan dutenez, Udalbatzak onartzen duenean —martxoaren amaieran— sartuko da indarrean behin behineko araua, eta, gutxienez, urtebetez egongo da indarrean, harik eta behin betiko bihurtu arte.
Goiak esan duenez, hartutako erabakiaren helburua "jarduera turistikoa arautzea eta hirian hotel berriak irekitzeari mugak ezartzea" da. Bere hitzetan, "duela hamar urte hiriak defizita zuen hoteletako plazatan", baina "egoera politikoan izandako aldaketek eta mundu osoan gertatutako turismoaren hazkundeak hiriaren panorama aldatu dute". Orain, erantsi du, "Donostiak ostatu emateko eskaintza nahikoa du eta hotel berrien irekiera mugatzeko unea da".
Gaur iragarritako neurriak, bi eremu bereizten ditu hirian. Alde batetik, Antiguo-Ondarreta, Ategorrieta-Ulia, Erdialdea, Gros eta Ibaetako hirigintza-eremu guztietan baimenak orokorrean bertan behera geldituko dira, "kalifikazioa zeinahi izan ere". Eta bestetik, hiriko gainerako eremuetan galarazpena "bizitegi diren lur-sailetarako" izango da.
Alde Zaharra neurri berritik kanpo gelditu da, eremu horretan 2020tik mugatuta dagoelako ostatuen erabilera.
Halaber, arauak ez du eraginik izango kanping eta landetxetan.
Eustaten 2022ko datuen datuen arabera, Donostian 162 hotel eta pentsio daude egun, eta horietan 3.825 gela eskaintzen dituzte. Orotara, 18.000 plaza eskaintzen ditu hiriak, era guztietako ostatuak (hotelak zein etxebizitza turistikoak) kontuan hartuta. Azken sei urteotan % 40 hazi da kopuru hori.
Erabilera turistikoko etxebizitzei eta etxebizitza pribatutako gela turistikoei dagokienez, otsailean mota horretako 1.352 etxebizitza zeuden erregistratuta (5.700 plaza) Udalean.
Bestalde, 2019arekin alderatuta, 2022an Donostiak % 16,5 bidaiari gehiago hartu zituen (862.872 pertsona 2022an) eta hoteletan igarotako gauen kopurua % 14,6 handitu zen (1.747.541 ).
Zure interesekoa izan daiteke
Gizon bat atxilotu dute bikotekide ohia hiltzea leporatuta, Huelvan
47 urteko emakumezko biktimaren lankideek horren gorpua aurkitu zuten, indarkeria zantzuekin, lan egiten zuen eta bizi zen nekazaritza-lursailean bertan. Emakumearen alabak joan den astean Guardia Zibilari jakinarazi zionez, atxilotuak ama mehatxatu egin zuen, beste pertsona batekin ezkonduko zela iragarri ondoren.
Gabonetako trena, gaueko lasterketa eta mahai-futbol txapelketa: Bilboko metroak 30 urte bete ditu, eta ospatzen dabil
Bilboko metroak hiru hamarkada beteko ditu aurten, eta kontzertuak, zozketak eta dekorazio bereziak egingo ditu, baita Gabonetako trena, futbolin-txapelketa eta Underrun gaueko lasterketa ere.
Emakume bat San Ignazioko metro geltokian erditu da, Bilbon
Emakumea, senarrarekin batera, Lutxanako geltokian zegoen, eta zenbait bidaiarik ohartarazi dute urak egin dituela, eta, bagoirik bagoira, mediku bila aritu dira.
Bernedoko kanpalekuak antolatzen dituen elkartearen aurkako zehapen-espedientea abiatu du Arabako Aldundiak
Sarrea Euskal Udaleku Elkartearen aurkako zehapen-espedientea ireki du Aldundiak, araudiaren "bi betebehar ez betetzea" leporatuta: eskumena duen departamentuari jardueraren berri ez ematea eta eskatutako dokumentazioa Aldundiari ez helaraztea. Orain arte, 21 salaketa aurkeztu dira udaleku horietan parte hartu zuten adingaberen familien partetik, sexu-erasoa eta exhibizionismoa delituengatik.
Talde kriminal bateko hamar pertsona atxilotu dituzte Bilbon, salgaien salerosketan 300.000 euroko iruzurra egiteagatik
Guardia Zibilak faltsututako banku-egiaztagirien bidez enpresei iruzur egiten zien talde bat desegin du. 'Vencal' operazioaren barruan egindako operatiboan, iazko apiriletik Estatuko 18 probintziatan egindako 39 delitu argitu dira.
Gaueko zaintza-patruilak antolatzea pentsatzen ari dira Lemoan, azken hilabeteetako lapurretak direla eta
Azken bi hilabeteetan, kristalak puskatu eta 43 autotan lapurtu dute herriko hainbat puntutan. Ertzaintzak bi pertsona atxilotu ditu dagoeneko, eta beste bat ikertzen ari da.
Lehen aldiz ikusi dute ibis eremita hegaztia Nafarroan
"Giselbert 916" izena duen hegazti-alea bere espezieko lehena da eskualdean, eta Eremita Proiektuari esker dokumentatutako migrazio-ibilbide baten barruan kokatzen da.
Euskal Herriko saharar diasporak bere gaitzespena adierazi du Marokoko autonomia planaren aurrean
Euskal Herriko saharar diasporak elkarretaratzea egin du gaur Gasteizen, Mendebaldeko Sahararen autonomia plana gaitzetsi, eta Marokoren subiranotasunaren pean jarriko lukeen plana errefusatzeko. Sahararren hitzetan, Espainiako Estatua da "gure lurra abandonatu behar izatearen erantzulea", eta, hori dela eta, Espainiako Gobernuari exijitu diote autonomia plana publikoki baztertzeko, independentzia erreferenduma bat egin ahal izateko.
Argentina euskal giroan murgildu da: 2025eko Euskal Aste Nazionala hartu du Tandilek
Hiria Argentinako euskal diasporaren topagune bihurtu da. Dantza, herri kirol eta kalejira artean, mila lagun baino gehiago bildu dira euskal kultura aldarrikatzeko.
AP-8ko sarbidea bost gauez itxiko dute Zarautzen, ordainlekuetan lanak egiteko
Mozketak astelehenetik ostiralera egingo dira, 22:00etatik 06:00etara.