Alarm Phone GKEak "47 lagunen erreskatea nahita atzeratzea eta hiltzen uztea" leporatu dio Italiari
30 pertsona migratzaile desagertuta daude, eta beste 17 salbatu ahal izan dituzte, merkataritza ontzi bat salbamendu lanetan ari zela euren txalupa irauli ostean, Italiako kostazainek jakinarazi dutenez. Azpimarratu dute ontzia Libiako erreskate eremuan zegoela.
Alarm Phone gobernuz kanpoko erakundeak adierazi duenez, dozenaka pertsona hil dira itota azken orduetan Mediterraneo erdialdean, ontzia jitoan geratu ostean. "Hunkituta gaude. Hainbat iturriren arabera, ontziko dozenaka pertsona ito egin dira", adierazi du erakundeak Twitterren.
"Martxoaren 11ko 02:28etatik aurrera, agintariei egoeraren larritasunaren eta arriskuaren berri eman zitzaien. Italiako agintariek nahita atzeratu zuten erreskatea, hiltzen utzita", salatu du GKEak.
Libiako kostaldetik abiatu eta noraezean zebilen 47 pertsona zeramatzan ontzi batekin kontaktuan zegoela jakinarazi zuen aurretik GKEak. Gainera, ohartarazi zuen baldintza meteorologikoak oso arriskutsuak zirela eta "berehalako erreskatea beharrezkoa" zela.
Era berean, Sea Watch GKEak alarma jo zuen pertsona horien egoeragatik eta olatu handien arriskuagatik. Gainera, ontzitik gertu zegoen merkataritza ontzi batek Libiako kostazainen zain egoteko agindua jaso zuela jakinarazi zuen, erreskateetarako ekipatuta ez zeudelako, "baina Libiako kostazainak ez ziren agertu".
Libiako agintariek baieztatu zioten Sea Watchi ez zutela ontzirik bidaliko. "Italiako erreskateen koordinazio zentrora deitu genuenean, koordinazioaz nor arduratuko zen galdetzeko eta pertsona horien erantzukizuna bere gain hartzeko, eskegi egin ziguten", azaldu du Sea Watchek.
"Italiak eta EBko herrialdeek itsasoko erreskatearen erantzukizuna beren gain hartu behar dute, eta lekualdatzen den jendearen bizitza babestu. Orain, berehala, kasu honetan, kasu guztietan", azpimarratu du Sea Watchek Twitteren.
Zure interesekoa izan daiteke
Nafarroako Erribera luze-zabalean zeharkatuta, Iruñerako bidea hartuko du gauerdian Korrikaren lekukoak
13:23an iritsiko da igandean Korrika Nafarroako hiriburura, bere laugarren egunean. Euskararen aldeko pausoek Erribera hartu dute larunbat honetan, korri eginez eta euskaraz bizitzeko aldarria ahotan.
Ehunka lagun elkartu dira Bilbon, "Kuba bizirik. Blokeorik ez!" lelopean
Hegoak plataformak deituta, Kubaren aldeko elkarretaratzea egin dute gaur eguerdian Bilboko Areatzan, "EBk ezarritako itolarri ekonomiko eta energia blokeo politika arbuiatzeko". Habanara iritsiko den konboi solidarioaren alde ere agertu dira. Bilbon bezala, Iruñean ere mobilizatu dira plataforma horrek deituta.
47 urteko gizon bat atxilotu dute Ermuan, anaia sastatzea egotzita
Erasoa 06:00ak aldera gertatu da, San Pelaio auzoko etxebizitza batean. 46 urteko biktima larri eraman dute ospitalera, gorputzeko hainbat lekutan zauriak baitzituen.
12 edukiontzi erre dituzte Getxoko hainbat kaletan
Areeta auzoko bost kaletan eman diete su edukiontziei, eta kalte material ugari eragin. Getxoko Udaltzaingoa pertsona susmagarri bat identifikatzeko lanean ari da.
Gizon batek alaba adingabea hil du Torreviejan
Guardia Zibila indarkeria bikarioko krimen gisa ikertzen ari da bi edo hiru urte zituen haurraren hilketa.
Preso bat hilik aurkitu dute Baionako espetxean
23 urteko gizonak bere buruaz beste egin du. Arazo psikiatrikoak zituen, eta bakarkako ziega batean zegoen preso.
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
Gizon batek emazte ohia hil du tiroz Zaragozan
Espainiako Gobernuaren ordezkariaren esanetan, gizona emakumearen zain egon da kalean, tiroka hiltzeko.
Garazi eta Jon, maitasunarekin eta euskararekin engaiatuta
Korrikaren 387. kilometroa egin dute, Caparrosotik Valtierrara bidean, trajez eta zuriz jantzita, maitasunarekin eta euskararekin duten konpromisoa erakutsiz. Aurtengo irudi bitxietako bat utzi digu irailean ezkonduko den Zamudioko bikoteak.
Gero eta baso gehiago dugu Euskal Herrian: larreek zuhaitzei leku utzi diete
Lur Geroak baso-kudeaketa planak egin ohi ditu Nafarroako udalentzat. Izan ere, bertan mendi eta baso gehienak publikoak dira; Nafarroako udalek dute basoen % 80 ingururen jabegoa. Nafarroako araudiaren arabera, baso-kudeaketa planak finantzatzeko eskuduntza Foru Gobernuak dauka, baina udalek plan horiek onartu behar izaten dituzte eta askok herritarren parte-hartzea eskatzen dute. Aholkularitza enpresak, besteak beste, baso horiek modu sostenigarrian nola ustiatu proposatzen du; alegia, baso bakoitzetik zenbat egur atera daitekeen 10 edo 15 urtetan, basoak bolumenik galdu gabe. Horrez gainera, udalak behartuta daude mendian inbertitzera haien ustiapenetik (egurraren salmentatik edota lursailen alokairutik) jasotzen duten diruaren % 20. Inbertsio horiek nola egin ere aholkatzen du.