Nafarroako familiek 100 euroko laguntza jasoko dute hilean 3 urtez azpiko seme-alaba bakoitzeko
45.000 euro baino gutxiagoko errenta (diru-iturri bakarra duten kasuetan) duten Nafarroako familiek 100 euro jasoko dituzte hilean 3 urtez azpiko seme-alaba bakoitzeko. Atzeraeragina izango du neurriak, 2023ko urtarriletik. Familiek diru-iturri bat baino gehiago izanez gero, langa 70.000 eurokoa izango da.
Asteroko gobernu bileraren ondorengo agerraldian jakinarazi du berria Mari Carmen Maeztu Nafarroako Gobernuko Eskubide Sozialetako kontseilariak. Eman dituen datuen arabera, 9.000 familia inguruk jasoko dute laguntza. Ordainketa bakarra egingo da, urtean 1.200 eurokoa.
Foru Gobernuak 10,7 milioi euro bideratuko ditu dirulaguntza honetara. Maeztuk esan duenez, 2012an kendutako neurri bat berreskuratu dute.
3 urte baino gutxiagoko seme-alabak dituzten familien % 65ek jasoko dute laguntza. Harrera familiek ere jaso ahal izango dute, harrera aurreko fasean zein harrera iraunkorrean daudenek.
Aldiz, Bizitzeko Gutxieneko Diru-sarreraren hartzaileek ezingo dute gaur iragarritako diru-saria eskatu.
Epaile batek hala erabakita haurraren zaintza partekatua duten familien kasuan, gurasoen esku egongo da laguntza bietako zeinek eskatu eta jaso erabakitzea.
Azkenik, erroldarena da bete beharrezko beste baldintzetako bat. Laguntza eskatzeko, gutxienez sei hilabetez Nafarroan erroldatuta egon beharko da.
Eskaria bideratzeko, bi modu daude: aurrez aurre, Eskubide Sozialetako Kontseilaritzaren edota gizarte zerbitzuetako udal bulegoetan; edota, online bidez, Nafarroako Gobernuko webgunearen bidez.
Zure interesekoa izan daiteke
14 urteko kartzela-zigorra ezarri diote gizon bati Donibane Lohizunen, bi adin txikiko bortxatzea leporatuta
Erasoak 2012. urtean hasi ziren bikotekide ohiaren etxean, biktimetako batek 6 urte besterik ez zituenean. Erasotzaileak gertakariak onartu ditu, eta adin txikikoak bortxatu eta sexualki erasotzea leporatu dio epaileak.
Eusko Jaurlaritzak baieztatu du gero eta biktima gazte gehiago daudela indarkeria matxistagatik jasotzen diren deietan
2025ean, SATEVI zerbitzuak 2.054 eskatzailek egindako 3.087 arreta telefoniko erregistratu zituen, eta % 90 baino gehiago bikotekideak edo bikotekide ohiak eragindako indarkeriari lotuta izan ziren.
Horrelakoak dira euskal gazteak: prestatuak eta toleranteak, baina emantzipatzeko arazo handiak dituzte
Gazteen Euskal Behatokiak argitaratutako 'Gazteen Adierazleak' txostenak euskal gazteen erradiografia interesgarria eskaini du. Gazteen % 72,6k seme-alabak izan nahi dituzte, baina atzeratu beharko dutela uste duenak inoiz baino gehiago dira.
Santanderko pasabidea hautsi zenetik bila zebiltzan neskaren gorpua topatu dute
Asteartean istripua gertatu zenetik, gorpua agertu den inguruetan ari ziren 20 urteko Guadalajarko neskaren bila. Asteartean bertan topatu zituzten horren bost lau ikaskide eta begiralearen gorpuak (horietako hiru euskal herritarrak), pasabidea igarotzen ari zirela hori hautsi eta uretara erori ziren denak. Neska arabar bat da istriputik bizirik atera den bakarra.
El Bocaleko istripuan erreskatatutako gazteak egonkor jarraitzen du eta kontziente dago
19 urteko gaztea asteartean ospitaleratu zuten, "sabeleko traumatismo larria" zuela. Santanderreko itsaslabar bat zeharkatzen duen pasabide bat haustean, Bocal inguruan, beste sei lagunekin batera metro batzuk erori zen arroka artera. Gaurko egunean zehar, traumatismo horren bilakaera baloratzeko hainbat proba egingo dizkiote gazteari.
Euforia eta emozioa Realeko jarraitzaileen artean, Errege Kopako finalerako txartela lortuta
Realeko milaka jarraitzaile Sevillara begira daude dagoeneko, apirilaren 18ko Errege Kopako finala gertutik bizitzeko ilusioarekin. 2021ean ikuslerik gabe jokatu behar izan zen finalaren ondoren, realzaleek finalaren esperientzia bizi nahi dute.
Garraio eta ostatuen prezioak izugarri igo dira Sevillan Kopako finalaren astebururako
Realak Errege Kopako finalerako txartela lortu du, eta Atleticoren kontra ariko da apirilaren 18an, Sevillan. Zaleek erronka potoloa dute orain, taldeari laguntzera bertara joateko modua aurkitzea eta lotarako leku bat topatzea, ahal bada patrikak hustu gabe, ilusioak seguru asko bilaketan lagunduko badie ere, ez baitu, momentuz, ordaintzeko balio.
62 urteko arrantzale bat hil da Donostian, uretara erorita
Gurutze Gorriko ontzi batek erreskatatu du gorpua.
Bilbon aire zabalean egotea saihestea eskatu dute, Saharako partikulak daudelako airean
Udalak jakinarazi duenez, Saharako hautsa dago airean, eta kontu handiz ibiltzeko aholkatu dute, batez ere arnasketako gaixotasunak edo gaixotasun kardiobaskularrak dituzten pertsonen, txikien eta adinekoen artean.
Uberrek % 20ko deskontua egingo du Gipuzkoako sagardotegietarako joan-etorri bidaietan
Uberrek, Gipuzkoako Ostalaritza Elkarteak eta Sagardotegi Elkarteak akordioa lotu dute txotx denboraldi honetarako.