El Bocaleko istripuan erreskatatutako gazteak egonkor jarraitzen du eta kontziente dago
19 urteko gaztea asteartean ospitaleratu zuten, "sabeleko traumatismo larria" zuela. Santanderreko itsaslabar bat zeharkatzen duen pasabide bat haustean, Bocal inguruan, beste sei lagunekin batera metro batzuk erori zen arroka artera. Gaurko egunean zehar, traumatismo horren bilakaera baloratzeko hainbat proba egingo dizkiote gazteari.
Santanderreko El Bocal herrian izandako ezbeharrean bizirik erreskatatutako neska arabarraren egoerak egonkorra izaten jarraitzen du, eta Valdecilla ospitaleko medikuntza intentsiboko zerbitzuko politrauma unitatean dago, Osasun Sailak ostegun honetan jakitera eman duenez.
19 urteko gaztea asteartean ospitaleratu zuten, "sabeleko traumatismo larria" zuela. Santanderreko itsaslabar bat zeharkatzen duen pasabide bat haustean, Bocal inguruan, beste sei lagunekin batera metro batzuk erori zen arroka artera.
Gaur, hainbat proba egingo zaizkio gazteari, traumatismo horren bilakaera baloratzeko.
Emakume horrek berak eman zuen abisua, El Bocal ingurutik igarozten ari zen pertsona bati oihu eginda, harkaitz batzuei oratuta zegoela. Las Heras Insitutuko (Medio Cudeyo) sei kiderekin batera zeharkatu zuen egurrezko pasabidea behera etorri zen eta egiturarekin batera erori ziren zazpi lagunak ere.
Handik ordu batzuetara, hilik aurkitu zituzten bost lagun, itsasoan eta pasabidearen azpian zegoen pitzaduran. Beste batek desagertuta jarraitzen du ostegun honetan, eta erreskate-operatiboak haren bila jarraitzen du.
Zure interesekoa izan daiteke
Labankadaz hil dute emakume bat Madrilen, eta hilketa matxista posibletzat ikertzen ari dira
Gasteiz eta Bilbo arteko N-222 errepidea itxita dago, kamioi batek istripua izan ondoren
4.700 lagun baino gehiago txertoguneen lehen egunean
Ibai azpiko tunelaren lanak hasi dira Sestaon
Bengoetxearen ustez, azterketak berriz planteatu behar dira, adimen artifizialaren eraginez
Gaixotasun profesionaltzat jo dute ospitale batean kutsatu zen zeladore baten covid iraunkorra
Sexuak eta maila ekonomikoak eragina dute osasunerako arrisku faktore nagusietan, OMEren arabera
Frankismoari lotutako bi kaleren izenak aldatuko dituzte Gasteizen, eta Paz Diaz de Espada eta Frida Kahlo deituko dira aurrerantzean
Osakidetzako filtrazioengatik epaitutako oposiziogileak aitaginarrebak prestatutako 50 galderetatik 48 asmatu zituen, lekuko baten arabera
