Karguekin aske geratu da Kantabriako istripua eragin zuen gidaria
Epaileak behin behinean aske utzi du atzo Suesa herrian (Ribamontan al Mar, Kantabria) hiru pertsona harrapatu eta hil zituen 73 urteko gidaria. Karguekin geratu da libre, eta astero aurkeztu beharko du Santoñako Auzitegian. Horrez gain, gida-baimena kendu egin diote aldi baterako eta ezingo du Espainiatik irten. Zuhurtziagabekeriazko hilketa eta ausarkeriaz gidatzea leporatzen dizkiote. Positibo eman zuen alkohola —hirukoiztu egin zuen baimendutako tasa— eta kalamua atzemateko probetan. Istripua izan den udalerriko bizilaguna da.
Hildakoak Sestaoko ama-seme batzuk, Erika Rey de Perea eta Ethan Rio, 42 eta 19 urtekoak, hurrenez hurren, eta Errioxako 68 urteko emakume bat ziren. Somoko kanpin batera joanak ziren oporraldia igarotzera. Urteak zeramatzaten bertara joaten.
Atzo arratsaldean izan zen istripua, 20:00ak inguruan, CA-433 errepidean. Gidariak ibilgailuaren kontrola galdu zuen eta errepidetik atera zen, eta paseoan zihoazen hiru pertsona harrapatu zituen. Sestaoko ama-semeak lekuan bertan hil ziren. Errioxako emakumea, berriz, ospitalera eraman zuten egoera larrian, eta han zendu zen. Istripuaren arrazoia gehiegizko abiadura izan zela uste dute.
Kolpe handia izan da ezbeharra sestaotarrentzat. Ama-semeak oso ezagunak ziren herrian. 19 urteko mutila gazte talde bateko futbol entrenatzailea zen. Ainhoa Basabe alkateak bere doluminak helarazi dizkio familiari.
Ribamontan al Mar herriko Udalak, bere aldetik, hiru dolu-egun deitu ditu. Francisco Ason bertako alkateak esan duenez, gogoan duen "istripurik larriena" da eta "herri osoa lur jota" dago. Kanpinak herriarekin "lotura estua" duela gehitu du.
Errepidearen segurtasunaz galdetuta, alkateak nabarmendu du "bidegorri bat" dagoela eta bidea ez dela "inolaz ere" arriskutsua oinezkoentzat.
Guardia Zibila ari da gertatutakoa ikertzen, eta, gaur, halako kasuetan aditua den aditu talde bat joan da Madrildik Suesara, istripuaren tokia aztertzera.
Albiste gehiago gizartea
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Klima-aldaketaren ondorioak Euskadin: 0,3 °C gehiago hamarkada bakoitzeko, bero-bolada gehiago eta itsasoaren tenperatura gora
Eusko Jaurlaritzak egindako txosten batek ohartarazi du berotze globalak gero eta ondorio handiagoak dituela Euskadin. Tenperaturak etengabe igo dira 1970etik, bero-boladen egunak bikoiztu dira eta itsas mailak erritmo bizkorrean egiten du aurrera. 2023an, itsasoaren batez besteko tenperatura inoizko altuena izan zen.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.