Espetxe iraunkor berrikusgarria eskatu dute Gasteizen desgaitasuna zuen gazte bat ustez hil zuen gizonarentzat
Fiskaltzak eta akusazio partikularrak —biktimaren familia— hasiera bateko eskariari eutsi diote, eta espetxe iraunkor berrikusgarria eskatu dute Gasteizen desgaitasuna zuen gazte bat ustez hil zuen gizonarentzat. Ustezko hiltzailearen abokatuak, bestalde, zortzi urteko kartzela zigorra eskatu du, hilketa delitua izan zela argudiatuta.
Asteazken honetan bukatu da epaiketa Arabako Auzitegian, eta orain epaimahaiari dagokio azken erabakia ematea.
Epaiketaren lehen egunean, auzipetuak biktimari labanaz eraso egin ziola onartu zuen, eta barkamena eskatu zuen. Behin ustezko hiltzaileak deklaratuta, alde bakoitzak bere ondorioak atera ditu.
Alde batetik, Manuel Pereira fiskalak hasierako konklusioari heldu dio, azpikeriaz egindako hilketa izan zela iritzita. Lesio delituan, baina, aldaketa proposatu du, hilketa jazo aurretik biktimari egindako erasoan ere azpikeria egon zela gehituta.
Gainera, hiru indemnizazio eskatu ditu familiarentzat (aitarentzat, amarentzat eta anaiarentzat); 282.000 euro, orotara.
Zigor bera galdegin du biktimaren familiaren abokatu Ismael Diazek ere, nahiz eta baden ñabardura bat defentsaren eskaeran, ez baitu uste hiltzaileak asaldura psikikorik duenik. Aringarri horrek zigorra txikitzea ekar liezaioke hiltzaileari.
Deklarazioak bukatu badira ere, epaiketa bihar amaituko da ofizialki, orduan ezagutaraziko baitu ebazpena epaileak.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.