Ehunka lagun elkartu dira Baionan euskararentzat baliabideak eta politika eraginkorrak eskatzeko
"Azterketak euskaraz. Euskarari trabarik ez! Euskarak bizi behar du!" goiburupean, 3.000 lagun inguru bildu dira larunbat arratsaldez Baionan, Euskal Konfederazioak, Ipar Euskal Herriko gizarte eragile ugarik osatzen duten erakundeak deituta. Euskalgintzako eragile ugarik hartu dute parte bertan, erakundeei hainbat aldarrikapen helarazteko: tartean, denek azterketak euskaraz egin ahal izatea, eta oro har, hizkuntza politika indartsu bat ezartzea
17:00etan abiatu da protesta, Suprefeturaren egoitzaren ataritik. Manifestazioan lehenak, Estitxu Robles kolegioko ikasleak izan dira, Bordeletik bizikletaz etorri direnak, azterketak euskaraz egitea aldarrikatzeko.
Seaskako ikasle horiek brebeta euskaraz egin ahalko dute aurten; ez ordea sail elebiduneko ikasleek, eskola publiko zein pribatuetan. Denentzat berdin jokatzeko eskatu dute, eta baita baxoa euskaraz egiteko eskubidea ere.
Hala ere, pankartetetan, leloetan eta azken ekitaldian aldarri orokorragoa izan da nagusi. Hain zuzen ere, Euskara biziko bada, ezinbesteko direla hizkuntza politika eraginkorrak eta herri mugimenduentzako baliabideak. Aldarriaren ondotik baita salaketa ere, Euskarak une oro eta toki guztietan dituen "oztopoak", hain zuzen ere.
"Frantziako Gobernuaren jarrera" eta tokiko erakundeen "erantzunik eza" salatu dituzte eta arduradun guztiei eskatu dizkiete erantzukizunak. "Gaur egun Euskararen Erakunde Publikoa osatzen duten lau instituzioek eraman hizkuntza politika arrunt eskasa da, lege eta diru baliabideak nahikoak ez direlako eta, bereziki, egiazko borondate politiko eskasa baita aitzina egiteko", adierazi zuen Euskal Konfederazioak, deialdia egin zuenean. Gaurko ekitaldian ere halaxe gogorarazi dute, besteak beste, AEKko kideek, "prekarietatean" direla salatu baitute.
Berriki argitaratu diren VII. Inkesta Soziolinguistikoaren Ipar Euskal Herriko emaitzak "biziki kezkagarriak" direla esan ondoren, protestaren deitzaileek uste du "hautetsiek aktiboki inplikatu" behar dutela "euskarak estatus berria lor dezan".
Euskalgintzaren Kontseiluak ere bat egin du deialdiarekin, eta Baionako kaleak betetzeko eskatu die asteon herritarrei. "Hil edo bizikoa da euskararen aldeko politika publiko sendoak indarrean jartzea", esan du berriki erakunde horrek.
Albiste gehiago gizartea
Iruñeko Planetarioa berreraikitzeko lanak hasi dira
Urtarrilean kupula larriki kaltetu zuen sutearen ondoren, Iruñeko Planetarioak Tornamira Aretoa zaharberritzen eta eraikina osorik modernizatzen hasi da. Kultura sailburu Rebeca Esnaolak zentroa zientzia eta astronomia dibulgaziorako abangoardiako gune gisa berreskuratzea helburu duten jarduerak azaldu ditu.
Sindikatuek eta pentsiodunek protesta egin dute Eusko Legebiltzarraren aurrean
Pentsioak Lanbide arteko Gutxieneko Soldatara (LGS) arte osatzeko Herri Ekimen Legegilea (HEL) Jaurlaritzak aintzat hartu ez izanagatik protesta egin du pentsiodunen mugimenduak. Bestalde, enplegu publikoko prozesuetan izandako euskararen aurkako "erasoaldi judiziala" salatu du LAB sindikatuak.
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.