Atzera bota dute Erandion behin-behinean lanean ari zen udaltzain baten euskara eskakizunaren derrigortasuna
Bilboko Administraziorekiko Auzien 1 zenbakiko Epaitegiak atzera bota du Erandioko Udalarentzat behin-behinean lanean ari zen udaltzain baten euskara eskakizunaren derrigortasuna, Berria egunkariak gaur, asteartearekin, aurreratu duenez.
Barakaldon duela lauzpabost hilabete gertatutakoa ekarri du gogora afera horrek. Orduan, EAEko Justizia Auzitegi Nagusiak ebatzi zuen tokiko administrazioek ezin dizkietela udal erakundeetarako zerbitzuak ematen dituzten azpikontratetako langileei funtzionarioen euskara eskakizunak ezarri.
Aipatu iturriak erantsi du Erandioko udaltzain horrek helegitea jarri zuela Udalaren kontra, B2 mailaren derrigortasuna atzera botatzeko asmoz. Eskatutakoa lortu ez zuenez, auzitara jotzea erabaki zuen, eta justiziak arrazoia eman dio, Uliazpi Fundazioan jarduteko hizkuntza eskakizunen harira martxoan Justizia Auzitegi Nagusiak emandako epaian oinarrituta. Kasu hartan, B2 profila eskatu zuten 32 lanpostutan. Auzitegiak ebatzi zuenez, baina, eskaria neurrigabea zen eta oinarrizko eskubideak urratzen zituen.
Litekeena da Uliazpi Fundazioaren aurkako ebazpenak jurisprudentzia ezarri izana, epai hartan emandako arrazoibideez baliatu baita Bilboko Epaitegia Erandioko udaltzainaren auzian ere.
Gobernu Kontseiluaren osteko agerraldian, Eusko Jaurlaritzako bozeramaile Bingen Zupiriak ez du epaiari buruzko iritzirik eman nahi izan. "Hedabide baten bitartez jakin dugu berria, ez dugu informazio gehiagorik. Erandioko Udalak hartzen duen erabakiaren zain geratuko gara, eta guk geuk ere aztertuko dugu epaia", esan du.
"Edozein modutan, uste dut bide luzea egin dugula hizkuntza politiketan, eta hortik jarraitzea dagokigula", erantsi du.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.