Amasa-Villabona eta Zizurkilgo udalek eraso homofoboa salatu eta elkarretaratzea deitu dute
Zizurkilgo eta Amasa-Villabonako udalek elkarretaratzea deitu dute gaurko, asteburuan izandako eraso homofoboa salatzeko. Udalek adierazi dutenez, ez dute "eraso homofoborik" onartuko, eta "herri plural baten" alde egiten dute "edozein pertsona lasai eta seguru bizi ahal izateko".
"Horregatik, joan den asteburuan gure udalerrietan gertatutakoa irmo salatzen dugu", azpimarratu dute ohar batean.
Horrenbestez, Zizurkilgo eta Amasa-Villabonako udalek elkarretaratzea deitu dute gaurko, maiatzak 17, 12:00etan, bi herriak elkartzen dituen oinezkoentzako zubian.
Erakundeen babesa
Eusko Jaurlaritzako Berdintasun, Justizia eta Politika Sailak ere "bortizki" gaitzetsi du Villabonan gertatutako eraso "homofobo eta arrazista". Gertaera horrek "oraindik egiteko asko dagoela" gogorarazten duela gaineratu du Jaurlaritzak.
"Aniztasuna eta inklusioa defendatu eta babestu beharreko balioak dira. Pertsona batek ere ezin du indarkeriarik edo diskriminaziorik jasan bere arraza-, etnia- edo nazio-jatorriagatik edo sexu-orientazio edo -identitateagatik", azpimarratu du Nerea Melgosa sailburuak.
Eusko Jaurlaritzarekin batera, hainbat erakundek bikotearen aldeko mezuak bidali dituzte eta bat egin dute erasoa gaitzesteko adierazpenekin; Arartekoak, besteak beste.
Hain zuzen ere, Arartekoak "basatitzat" jo du erasoa, eta biktimei "lehenbailehen errekuperatzea" opa diela esan du.
Irain homofobo eta xenofoboak
Kolonbiatik etorritako bikoteak festa-gaua zuen Villabonan, eraso jasan zuenean. "Marikoiak, atzerritarrak, hau ez da zuen lekua; alde hemendik!" oihuen artean, bietako bat botila batekin zauritu zuten. Biktima Donostia Ospitalera eraman behar izan zuten larrialdietarako zerbitzuek.
Lekuko baten arabera, erasoa 04:30 aldera gertatu zen, bat-batean, inolako arrazoirik gabe. Horren hitzetan, "homosexualak zirelako" egin zieten eraso.
Zure interesekoa izan daiteke
Gizon batek bikotekidea hil du Pontevedran eta bere buruaz beste egin du ondoren, atxilotu aurretik
Emakumearen gorpua ahizpak aurkitu du, bere etxebizitzako lurrean, eta gizona ihes egiten ikusi du. Gizona etxebizitza batean gotortu da eta Guardia Zibila berarekin negoziatzen aritu da arratsalde osoan, entregatu zedin, baina bere buruaz beste egin du azkenean.
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera, buruan kolpe handi bat zeukala.
Talde animalistek protestak egin dituzte Bilbon eta Iruñean, ehizaren eta ehiza-txakurren erabileraren aurka
Espainiako Estatuko 44 hiritan eta beste 41 herrialdetan izan da mobilizazioaK, Galgoaren Munduko Egunarekin bat eginez.
Diru bilketa abiatu dute Aroztegia auzian zigortutako zazpi kideei jarritako isunei aurre egiteko
Zazpi ekintzaileek ez zuten kartzela zigorrik jaso, baina 62.000 euroko isuna ordaintzera kondenatu zituzten. Isunez gain, defentsa eta gainerako gastuak ordaintzeko bilketa egingo du orain Aroztegiko Elkartasun Komiteak.
Joko areto baten aurka protesta egiteagatik auzipetutako Sopelako lau gazteen aurkako epaiketa atzeratu dute, data jarri gabe
32 urteko kartzela zigorra eta 112.400 euroko isuna eskatu dute lau sopeloztarrentzat. Auzia birritan artxibatu dute, eta akusazio partikularra da pertsonatutako akusazio bakarra. Hain justu, auzipetuei elkartasuna adierazteko manifestazioa egin zuten atzo Sopelan.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.