Manifestazio jendetsua Igorren, jantokiko sukaldari falta salatzeko
Igorreko Eskolako Guraso Elkarteak deituta, manifestazio jendetsua egin zuten atzo, maiatzaren 26an, eskola jantokiko zerbitzuan Jaurlaritzak egindako murrizketa salatzeko. Hilabete honetan hirugarrenez atera ziren kalera Igorreko familiak.
Eskolako patiotik abiatuta, erdigunerainoko bidea egin zuten 200 lagunek baino gehiagok, "Kalitatezko jantoki zerbitzu baten alde" goiburupean. Jai giroa izan zen nagusi, eta "5. sukaldaria" edo "Osasuntsu bazkaldu nahi dugu" bezalako leloak oihukatu zituzten heldu eta haurrek.
Arazoaren iturria Hezkuntza Sailak darabilen "kontratazio politika" da, salatu dutenez. Ratioak betetzeko sukaldari lanpostu bat sortu beharrean, errefortzuko langileak tarte mugatu batez kontratatzen ditu. Espainiako araudiaren arabera, baina, kontratu mota horiek ezin dira sei hilabetetik gorakoak izan. Jantoki zerbitzua 10 hilabetekoa izanik, "nekez bete daiteke hutsunea legea urratu gabe", eta hori da, hain justu, Igorreko eskolan gertatu dena.
Behin kaleratzea gauzatuta, ezarritako ratioaren gainetik geratu ziren 15 umeei "catering zerbitzua inposatu zien Hezkuntza Sailak". Berriki, "hezkuntza komunitatearen kexuak apaldu nahian, sukaldariaren lekuan garbitzaile bat kontratu du Jaurlaritzak, baina argi dago horrek ez duela arazoa konpontzen", ondorioztatu du guraso elkarteak.
Hilabete borrokan
Igorreko Eskolako Guraso Elkartearen iritziz, neurria "erabat diskriminatzailea" da, eta ez du bat egiten eskola publikoak merezi duen kalitatearekin. Horrenbestez, jantokiari dagokion bosgarren sukaldari hori berrezarri arte protestan jarraituko dutela iragarri dute familiok.
Hirugarren aldia da guraso elkarteak protesta kalera ateratzen duena. Aurrenekoan, jantokia bera ikastetxeko kanpoaldera atera zuten: 180 familiek zentro ondoko parkean hartu zuten otordua, jai giroan. Bigarrenean, aldiz, lapikokada jendetsua egin zuten 150 bat lagunek. Kaleko protestez gain, maila administratiboan ere mugitzen ari dira familiak, eta Jaurlaritzari bosgarren sukaldaria berrezartzeko eskaera formala igorri diote 340 norbanakok.
Zure interesekoa izan daiteke
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
AEK-ko kideek eta Zuberoako euskalgintzan erreferente den Oihana Larrandaburu Goñi atharraztarrak eman diote hasiera lasterketari. Euskal Irratiak sareko kideak izan dira lehenak lekukoa eramaten. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.
CCOO Korrikatik kanpo geratu da, AEK-k erabaki baitu sindikatuak ez duela lekukoa eramango, "euskararen aurkako jarrerak sustatzen" dituelakoan
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".