Oiako biktimak apirilean salatu zuen bikotekide ohia, eta kasuari arrisku maila ertaina ezarri zioten
Ana Vanessa Serenen hilketa matxista irmo gaitzetsi dute igande honetan Pontevedrako Oia herrian, kanpinaren sarreran minutu bateko isilunea eginez. Emakumea tiroz hil zuen atzo bere bikotekide ohiak, ihes egin ondoren bere buruaz beste egin zuen guardia zibil batek.
Bizilagunek, atsekabea adierazi dute erailketa matxista horren aurrean, eta lore-sortak utzi dituzte kanpineko sarreran. Ana Vanesak han egiten zuen lan, eta gizasemeak han bertan hil zuen. Halaber, emakume horren ingurukoek samina eta haserrea agertu dute hilketagatik. Herrian, banderak haga erdian daude atzoz geroztik.
Bestalde, Maica Larriba Espainiako Gobernuak Pontevedran duen ordezkariak azaldu duenez, bere bikotekide ohiaren aurkako salaketa aurkeztu zuen apirilean Ana Vanessak eta, epaiketa arin baten ondoren, 300 metroko urruntze-agindua eta berarekin komunikatzeko debekua ezarri zioten gizonezkoari.
Poliziak ebatzi zuenez, Ana Vanessaren auzia "arrisku maila ertainekoa" zen. Dena dela, epaiaren ostean, Guardia Zibilak 56 aldiz parte hartu behar izan zuen emakumea babesteko, horietako bat, "duela oso gutxi".
Cristina Correa Oiako jarduneko alkateak esan duenez, zoritxarrez, hilketa matxistak sarritan gertatzen dira gaur egun. Correak atzo iragarri zuen hiru dolu-egun ezarriko zituztela, eta gaurko aurreikusitako udal-jarduera guztiak bertan behera utziko zituztela.
Testuinguru horretan, Beatriz Gonzalez kanpineko zuzendariak azpimarratu duenez, "tristura handia ematen du gertatutakoak".
Hiltzaileak, 300 metroko urruntze-agindua eta biktimarekin komunikatzeko debekua zituen, baita indarkeria matxistagatik aurretik jarritako hainbat salaketa ere.
Hilketa matxista izan dela baieztatzen bada, gaurkoarekin 21 dira Espainian bikotekideek edo bikotekide ohiek aurten eraildako emakumeak, eta 1.025 2003tik.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.