Gasteizek egitarau zabala izango du Frantziako Tourraren harira
Grand Depart Pays Basque 2023 lasterketak jarduera ugari eta askotarikoak izango ditu, nazioarteko tropeleko txirrindulari onenek Euskadiko errepideetan lehen pedalkadak eman arte, uztailaren 1ean, 2an eta 3an.
Frantziako Tourraren hasierako ekitaldien berri eman du gaur, astelehena, Bingen Zupiria Kultura eta Hizkuntza Politikako sailburu eta Eusko Jaurlaritzako bozeramaileak.
Euskadiko hiriburuak ahalik eta modurik onenean ekingo dio azken esprintari, Grand Depart Pays Basqueko aterkipean, pedalei eraginez abiatuko baitute Gasteizko Proba Zikloturistarekin ekainaren 24an, Donostia-Baiona-Donostia martxarekin maiatzaren 13an eta Frantziako Tourraren Bilboko Etaparekin ekainaren 11n.
Tourrak Euskaditik egingo duen irteera handiak mugikortasun jasangarrian, bizitza osasungarrian eta turismoan sakonduko du Bicycle Summit Euskadi 2023 programarekin. Kongresua ekainaren 30ean egingo da Vital Fundazioa Kulturunean, goizez, eta hirietako bizikleta bidezko mugikortasunari buruzko nazioarteko aditu onenetako asko bilduko ditu, beren esperientziak eta egungo joera aitzindariak partekatuz.
Erresuma Batuko, Danimarkako, Herbehereetako, Frantziako, Kolonbiako, Espainiako eta Euskadiko profesional ezagunek mugikortasun iraunkorraz duten ikuspegia azalduko dute, 2020-2030 Agendan jasotako munduko erronketako bat, bizikletaren erabileran egunerokoan aplikatzeko.
Gune horretan bertan egiten ari diren hitzaldi-zikloaren barruan, hilaren 22an, "KAS, más que un equipo" hitzaldia egingo da. Sean Kelly, Paco Galdos eta 1977an Gasteizen amaitu zen Frantziako Tourreko garaile izan zen Joxe Nazabal mitoak izango dira bertan.
Tropela Arabako hiriburura iritsi baino egun bat lehenago, uztailaren 1ean, Andre Maria Zuriaren plazan, ekintza solidarioa egingo da CaMinus elkartearen alde. Horren xedea etapako 208,9 kilometroko tarte bat simulatzea izango da, Gasteiz eta Donostia modu birtualean lotuz, pantaila erraldoi bati eta 'smart' bizikleten teknologiari esker. Txirrindulariei spinning egiteko bizikletekin jarraitzeko aukera ere egongo da.
Gainera, gaurtik aurrera, sei kubo daude instalatuta Probintzia Plazan, 'Araba, txapeldunen lurraldea' izenburupean, lurraldeko txirrindularitzaren irudi esanguratsuenetakoak erakusteko.
Zure interesekoa izan daiteke
Gutxienez 10 hildako eta 25 zauritu larri Kordoban, abiadura handiko bi trenenen arteko istripuan
Trenetako bat errailetik atera da Adamuzeko (Kordoba) 1. trenbidearen sarrerako desbideraketan eta alboko trenbidean sartu da. Beste tren bat zihoan hortik eta hura ere errailetatik atera da. Madril eta Andaluzia arteko abiadura handiko trenen zirkulazioa bertan behera geratu da.
Celtako zaleek azazkalak margotu dituzte Borja Iglesiasen alde, futbolariak Sevillan jasotako irain homofoboak salatzeko
Sevillaren aurkako partida bukatu zenean, Sanchez Pizjuanen jokalariak jaso zituen irainen aurrean, gaurko Balaidosko norgehiagokara azazkalak margotuta joatera animatu zituen klubak jokalari eta zaleak. Iglesiasek berak urteak daramatza homofobiaren aurka borrokatzen, eta azazkalak margotuta eramatea izan da bere ezaugarrietako bat.
Auzitegi Gorenera jo du Kermanen familiak Arabako Auzitegiak haren hilkeren "larritasuna murrizten" duela iritzita
Azaroan behin-behineko askatasuna eman zioten erasotzaileari eta epaiketa labur bat egingo zela ebatzi zuen Arabako Auzitegiak, instrukzio epaitegiaren iritziaren kontra.
Pertsona bat hil da Benasquen, elur-jausi batek harrapatuta
Cerler eski estazioan gertatu da ezbeharra. Dirudienez, hainbat elur-jausi izan dira gaur pistetatik kanpo.
Lau gazte atxilotu dituzte Bedian, Euskotrenen tren batean grafitiak egitea egotzita
18 eta 21 urte bitarteko lau gizonezko hartu dituzte atxilo, trenbidean barrikada bat jarri eta Euskotrenen tren batean pintaketak egitea leporatuta.
Hamar pertsona erietxera eraman dituzte Gasteizko lonja batean izandako sutean kea arnasteagatik
Ertzaintzak jakitera eman duenez, igande goizeko zortzi eta erdietan gertatu da. Ikerketa abiatu dute sua zerk eragin duen argitzeko.
Pertsona bat erreskatatu dute Basauriko zubi batetik ibaira erori ostean
Larrialdi zerbitzuek gizon bat erreskatatu dute larunbat honetan, Agirre Lehendakariaren etorbideko zubi batetik uretara erori ondoren.
Ertzaintzak giza gorpuzkiak kiskalita topatu ditu Ortuellan
Ikerketa abian dute gertatutakoa argitu eta istripua izan den edo kriminalitate zantzuak dauden zehazteko. Oraindik ez dute biktima identifikatu.
11 pertsona intoxikatu dira kea arnastuta Baionan piztu den sute batean
Baiona iparraldeko lau solairuko etxebizitza batean piztu dira garrak, 10:30 aldera, eta eguerdirako itzali dute sutea. Sei pertsona ospitaleratu behar izan dituzte.
Maskotekin iruzurrak online egiten zituen sare bat desegin, eta isolatuta zuten 80 urteko gizon bat askatu dute
18 pertsona atxilotu dituzte Bizkaian, eta iruzurgileen 121 biktima identifikatu dituzte, batzuk Gipuzkoan eta Araban.