65 urtetik gorako lau emakumetik batek indarkeria matxista jasan du bizitzan zehar
65 urtetik gorako lau emakumetik batek (% 23,4) genero-indarkeria jasan du bizitzan zehar, eta % 5,7k pairatzen du gaur egun, Emakundek argitaratutako txosten baten arabera. Hala, adineko 67.559 emakumek genero-indarkeria motaren bat sufritu du inoiz, eta 16.456 emakumek gaur egun ere nozitzen dute.
Genero-indarkeriaren biktima diren 65 urtetik gorako emakumeen egoera aztertzeko asmoz, astearte honetan "Genero indarkeria eta emakume nagusiak" azterlana aurkeztu dute, Iratxe Herrerok eta Carlos Diaz de Argandoñak Emakundek emandako bekari esker egindako lana.
Txostenean nabarmentzen dutenez, indarkeria hori pairatu duten emakume gehienak ez dute ekonomiari dagokionez autonomiarik izan, eta lan egiteko, kontu korronte bat irekitzeko edo atzerrira joateko senarrari baimena eskatu behar izan diote. Garai hartan, etxeko atetik barrura zegoen arazoa zen.
Nabarmendu duten beste faktoreetako bat da oro har indarkeria jasan duten emakume horiek pertsonak zaintzen jardun dutela, aisialdirako eta norberaren gozamenerako tarterik gabe.
65 urtetik gorako emakumeek pairatzen duten indarkeria matxista
Azterlanak ondorioztatu du, halaber, iraupen luzeko indarkeriaren biktimak direla, indarkeria hori beren gain hartu eta normalizatu dutela, eta gizartean isolamendu-maila handiagoa dutela.
Era berean, emakume gehienek harremanari eusten diote, harik eta gizona edo emakumea bera hil arte, eta zailtasun handiagoak dituzte beren buruak biktima gisa identifikatzeko. Zaurgarrienak laugarren adineko emakumeak dira, landa-ingurunean bizi direnak.
Tratu txarrak ematen dituzten adineko gizonek ere ezaugarri bereziak dituzte; horien artean, belaunaldi gazteenekin alderatuta sozializazio patriarkala jaso dutenak edo urteen poderioz, beren portaera bortitza kronifikatzen dutenak aipatu dituzte txostenean, eta irudi publiko eta pribatu bikoitza izaten dutela.
Emakundeko zuzendari Miren Elgarrestak nabarmendu du oso garrantzitsua dela "adineko emakumeek indarkeria matxistaren aurrean duten kalteberatasun berezia" ikusaraztea; izan ere, "indarkeria matxista ikusteak kasuak detektatzen eta baliabide espezializatuetarako sarbidea errazten laguntzen du".
Amaitzeko, txostenak agerian utzi du elkarteek zeregin garrantzitsua dutela adineko biktima horiei ematen zaien gizarte-erantzunean eta arretan.
Zure interesekoa izan daiteke
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.
Gutxienez 11 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa
AP-8an, gutxienez 11 kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.
Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute
Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.
Urdaibaiko Guggenheim museoa baztertu dute, proiektua iragarri eta 17 urtera
Bi urteko azterketa eta hamaika eztabaidaren ondoren, Urdaibaiko Guggenheim proiektua baztertzearen erabakia hartu du Patronatuak. Orain hilabete, Elixabete Etxanobe Bizkaiko ahaldun nagusiak azaldu zuen luze joko zuela museoa eraikitzeko lurrak garbitzea, bai eta egitasmoaren aurkako salaketak epaitegietan argitzea ere. Eta kalean proiektuak kritika andana jaso izan du talde ekologisten eta herritarren aldetik.
Guggenheim Urdaibai egitasmoa behin betiko baztertu du museoko Patronatuak
Arratsaldean egindako bileran aho batez hartu dute azken erabakia, proiektuaren bideragarritasun faltagatik. Egitasmoa aurrera eramateko zailtasun handiena Murueta ontziola dagoen lur zatiaren egoera juridikoa dela jakinarazi du Elixabete Etxanobe diputatu nagusiak.
163 postuk eta hogei bat jarduerak girotuko dute Donostiako San Tomas azoka
Datorren igandean, Gipuzkoako hiriburuan izango den azokara hurbilduko direnek, salmenta postuez gozatzeaz gain, gustu eta adin guztietarako jardueretan parte hartu ahal izango dute.
Entzute prozesuak islatzen du Guggenheim Museoa Urdaibain zabaltzerik "ez" dela nahi, baina eskualdeko garapenari begi onez begiratzen zaiola utzi du agerian
Herritarren artean entzute-prozesua gidatu duen Agirre Lehendakaria Centerrek azaldu duenez, "hasierako narratiba" horien zati handi bat "beste joera bat" hartu du hilabeteetan zehar. Izan ere, Urdaibaiko Guggenheimen aurkako iritziak jaso dira, baina baita eskualdearen garapenaren aldeko jarrerak ere.
Korrika egin, osasuntsu zahartzeko: Fernando eta Leopoldo, 81 eta 76 urterekin atxintxika egiten jarraitzen duten beteranoak
Fernandok 31 Behobia daramatza, azken bi urteetan beteranoena izanik, eta Leopoldo erretiroa hartu baino pixka bat lehenago hasi zen kilometroak egiten. Korrika egitea botikarik onena da bientzat, ez bakarrik ongizate fisikoagatik, gaixotasunak prebenitzen eta sasoiz zahartzea atzeratzen ere laguntzen baitie.