Basauriko azpiestazio elektriko batean sutea piztu da eta ke beltza eta hornidura etenak eragin ditu
Basauriko (Bizkaia) azpiestazio elektriko batean sutea piztu da bart, eta, ondorioz, ke beltz zutabe handia sortu da, eta inguru horretako bizilagunak eta gertu dauden Zaratamo eta Arrigorriaga udalerrietakoak (3.000 bat bezero) argindar barik egon dira (tarteka izan dira hornidura etenak). Iberdrolak jakinarazi duenez, 10:15ean amatatu dituzte garrak.
Sutea 00:40 aldera piztu da Iberdrolak Gernika auzoan (Basauri eta Arrigorriaga arteko mugan) duen azpiestazioan. Bertara joan dira Bizkaiko suhiltzaileak eta Iberdrolako teknikariak.
Argindar enpresako iturrien arabera, suteak kalte handia eragin du azpiegituran (berriki hobekuntzak egin omen dizkiote), baina hornidura bermatuta dago sare adimendunei eta gertuko beste azpiestazioei esker.
Arturo Gabaldon Bizkaiko Suhiltzaileen guardiako buruak Radio Euskadin azaldu duenez, azpiegituraren ezaugarriek itzaltze lanak zaildu dituzte: "Hormigoizko bunker moduko bat da, hainbat transformadore dituena barruan. Ezin izan gara sartu eta sutea ez zabaltzeko ahaleginean ibili gara. Badirudi orain (08:10ean) behera egin duela garren intentsitateak eta amatatzetik gertu egon gintezke".
Bizkaiko Foru Aldundiak eta Basauriko Udalak zehaztu dutenez, estazioan pilatutako olioa erretzen ari da, eta horrek ke beltz ugari eragin du. Hala, Basauriko San Migel auzoko bizilagunei leihoak ixteko deia egin diete. "Ke guztia da toxikoa; halakorik ikusiz gero, gomendioa da leihoak ixtea", argitu du suhiltzaileak.
Halaber, gertu dagoen BI-712 errepidea guztiz itxi dute, eta Basauriko Udaltzaingoak bideratu du zirkulazioa. Halaber, Gernika kaleko tarte bat zarratuta dago, azpiestazioa behera etortzeko arriskua baitago.
Albiste gehiago gizartea
"Nahasmendu delirantea" diagnostikatu diote medikuek Kabiecesen 400 haur baino gehiago txertatu gabe utzi zituen erizainari
Epaiketaren laugarren egunean, auzipetua auzitegian aurkeztu da, baina deklaratzeko moduan ez dagoela onartu du.
Iruñeko Planetarioa berreraikitzeko lanak hasi dira
Urtarrilean kupula larriki kaltetu zuen sutearen ondoren, Iruñeko Planetarioa Tornamira Aretoa zaharberritzen eta eraikina osorik modernizatzen hasi da. Kultura sailburu Rebeca Esnaolak zentroa zientzia eta astronomia dibulgaziorako abangoardiako gune gisa berreskuratzea helburu duten jarduerak azaldu ditu.
Sindikatuek eta pentsiodunek protesta egin dute Eusko Legebiltzarraren aurrean
Pentsioak Lanbide arteko Gutxieneko Soldatara (LGS) arte osatzeko Herri Ekimen Legegilea (HEL) Jaurlaritzak aintzat hartu ez izanagatik protesta egin du pentsiodunen mugimenduak. Bestalde, enplegu publikoko prozesuetan izandako euskararen aurkako "erasoaldi judiziala" salatu du LAB sindikatuak.
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.