Kontseiluak eta UEMAk euskararen kontrako "eraso larritzat" jo dute Konstituzionalaren erabakia
Euskalgintzaren Kontseiluak "bereziki larritzat" jo du Auzitegi Konstituzionalak udaletan euskara bakarrik erabiltzea ahalbidetzen duen EAEko udal legea baliogabetu izana, euskal erakundeen "erabakimenaren kontra" doala uste duelako. "Euskararen normalizazio eta biziberritze prozesuaren kontra aspalditik ikusten ari garen oldarraldi judiziala gero eta urrats handiagoak" egiten ari dela salatu du Idurre Eskisabel aipatu erakundeko idazkari nagusiak.
Alde batetik, neurri honek "zuzenean eragiten dio euskararen normalizazioari", Eskisabelen iritzian. Udal legearen dekretu horrek euskara normalizazio bidean jartzeko "helburu esplizitua ere badauka, hizkuntza gutxiagotua denez, trakzio indar bat egiteko helburua". Bestetik, erantsi du ez dela ahaztu behar erabaki hau "Voxek, gure udaletan ia ordezkaririk ez duen alderdi batek, jarritako helegite batetik" datorrela.
Horrez gainera, ebazpenak "langile askoren eskubide bat, euskaraz lan egiteko eskubidea, urratzen" duela gogorarazi du, eta oldarraldi honek beste efektu bat ere baduela salatu du: "nahi gabe ere, euskararen aldeko hizkuntza politikoak gero eta kontserbadoreagoak" direla adierazi du; alegia, "hartzen diren neurriak bata bestearen atzetik erortzen ari direla ikusita", politika kontserbadoreagoak egiteko "joera nagusitzen" ari dela iritzi dio.
Halaber, Konstituzionalaren erabakiak "ekitatean oinarritako elkarbizitzaren kontra" ere egiten duela gaineratu du.
"Oldarraldi judizial eta politiko" honen aurka hainbat ekintza egingo dituztela iragarri du Eskisabelek. Azaroaren 4rako dagoeneko deituta duten manifestazioaz gain, beste hainbat eragilerekin batera, aurretik ekintza gehiago antolatzen ari direla aurreratu du.
Era berean, Iraitz Lazkano Udalerri Euskaldunen Mankomunitateko (UEMA) jarduneko presidenteak Euskadi Irratian salatu duenez, "euskararen aurkako eraso larria da. Udalerri euskaldunetan dugun lan egiteko moduaren kontrako eraso larria eta oztopo handia".
Biharko agerraldia iragarri du UEMAk Usurbilen. Udalerri euskaldunetako ordezkaritza zabala bilduko da 11:00etan, herriko plaza nagusian, eta gaur kaleratu den ebazpenari buruzko gogoeta zabalagoa egingo dute.
Albiste gehiago gizartea
"Nahasmendu delirantea" diagnostikatu diote medikuek Kabiecesen 400 haur baino gehiago txertatu gabe utzi zituen erizainari
Epaiketaren laugarren egunean, auzipetua auzitegian aurkeztu da, baina deklaratzeko moduan ez dagoela onartu du.
Iruñeko Planetarioa berreraikitzeko lanak hasi dira
Urtarrilean kupula larriki kaltetu zuen sutearen ondoren, Iruñeko Planetarioa Tornamira Aretoa zaharberritzen eta eraikina osorik modernizatzen hasi da. Kultura sailburu Rebeca Esnaolak zentroa zientzia eta astronomia dibulgaziorako abangoardiako gune gisa berreskuratzea helburu duten jarduerak azaldu ditu.
Sindikatuek eta pentsiodunek protesta egin dute Eusko Legebiltzarraren aurrean
Pentsioak Lanbide arteko Gutxieneko Soldatara (LGS) arte osatzeko Herri Ekimen Legegilea (HEL) Jaurlaritzak aintzat hartu ez izanagatik protesta egin du pentsiodunen mugimenduak. Bestalde, enplegu publikoko prozesuetan izandako euskararen aurkako "erasoaldi judiziala" salatu du LAB sindikatuak.
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.