"Mobilizazio soziala" eskatu du Kontseiluak, euskararen aurkako "olatu erreakzionario larria" salatzeko
Ez dira sententzia isolatuak. "Joera bat" islatzen ari dira, "euskararen biziberritzea helburu duten neurrien aurka". Berriak ez izan arren, azken boladan areagotzen eta gordintzen ari dira, kopuruz zein edukiz. Euskararen normalizazio prozesua trabatzea bilatzen dute, eta "olatu erreakzionario, atzerakoi eta eskarafobo" baten estrategiaren baitan ulertu behar dira. "Oldarraldi judizial bat" dugu aurrean, Kontseiluaren ustez.
Azkenaldian euskararen kontrako epaiak areagotu direla ikusita egin du Euskalgintzaren Kontseiluak irakurketa hori. Bilbon egin du agerraldia, ehundik gora gizarte eragilerekin batera, eta ezeren gainetik "kezka" adierazi du Idurre Eskisabel aipatutako erakundeko idazkari nagusiak: auzitegietatik hartzen ari diren erabakien ondorioz, euskararen alde urte askoan egin den ahalegina arriskuan dagoela esan du. Hizkuntza-eskubideak bakarrik ez, "herritarren arteko berdintasuna, justizia eta kohesio soziala" kolokan daudela ohartarazi du, irakurri duen agirian —'Maiatzaren 10eko adierazpena' izena jarri diote—.
Agertoki horren aurrean, "mobilizazio soziala ezinbestekoa" dela adierazi du Eskisabelek, eta horretarako data jarri ere bai: azaroaren 4an, Bilbon. "Urrats bat aurrera egin, euskararen gaia erdigunean jarri eta elkarrekin eragiteko ordua heldu da", Kontseiluaren iritzian, "desadostasuna kalean erakusteko ordua", alegia.
Protesta sei hilabete barrurako zergatik deitu duten ere argitu dute. Izan ere, batetik, euskararen kontrako epai gehiago espero dituzte, eta, bestetik, euskararen aldeko mobilizazioa hauteskunde testuingurutk kanpo kokatu nahi dute.
Horien atzean, Erandioko Udalarekin lotutakoarekin hasi eta Irungo Udaleko udaltzainen aferaraino, "premisa faltsu bat" dago guztiak harilkatzen, agerraldian salatu dutenez. "Lan-eskubideak eta hizkuntza-eskubideak" kontrajarri nahi dituzte, eskubide horiek "elkarren osagarri" izan arren.
Euskal Herritik kanpora ere, beste hizkuntza gutxituekin halako joerak errepikatzen ari direla gehitu du Euskalgintzaren Kontseiluak.
Bilboko Kafe Antzokian irakurri dute agiria, eta ondoren, handik gertu, EAEko Justizia Auzitegi Nagusiaren atarian, argazkia atera dute eragile guztiek batera.
Zure interesekoa izan daiteke
Jaurlaritzak eta EHUko errektoreak premiazko bilera egingo dute arratsaldean, Euskara azterketetako zeroen polemikagatik
Unibertsitate eta Hezkuntza sailburuak Joxerramon Bengoetxearekin bilduko dira gaur arratsaldean.
Honelakoa da USaPeko azterketak berrikusteko prozesua
Gauerdian amaitu da unibertsitatera sartzeko proba berrikustea eskatzeko epea, eta behin betiko kalifikazioak ekainaren 22an argitaratuko dira.
Taxien Gasteizko ordenantza berriak sektorearen gehiengoaren babesa jaso du eta onartzeko bidean da
Profesionalen segurtasuna eta gauerako gutxieneko zerbitzuak dira hobetu daitezkeen alderdietako batzuk. Zerbitzu horietarako, 50 taxiko partidari eutsiko dio Udalak.
Errenteriako Bertso Eskolako erasoen auzia artxibatu dute, salaketarik ez dagoelako
Ez dago inolako salaketarik, eta Fiskaltzak ezin du ofizioz jardun salaketarik ez dagoenean.
Hiru etxebizitza hustu behar izan dituzte Gazolazen, Oltza zendean piztutako sute batengatik
Sutea piztu da arratsaldean Oltza zendean, Nafarroan. Zereal soro batean piztu da sua, eta Gazolazko hiru etxebizitza hustu behar izan dituzte, badaezpada. Pinudi bat ere harrapatu dute sugarrek. 20:30 aldera lortu dute sutea kontrolpean hartzea. Gauean, sua erabat itzaltzen eta ingurua freskatzen arituko da suhiltzaile talde handi bat.
USaPeko euskarazko azterketan zerokoa duten ikasleek protesta egin dute Bilbon
Dozenaka ikasle ez daude konforme USaPeko euskarazko azterketan lortutako emaitzarekin, eta, irakasleekin batera, egoera argitu dadin eskatzeko elkarretatzea egin dute Bilboko Ingenieritza Fakultate kanpoan.
Zortzi urte eta erdiko kartzela-zigorra ezarri diote Rafa Mir futbolariari, sexu-erasoagatik eta lesioengatik
Bigarren akusatu bati 2 urteko kartzela-zigorra ezarri diote, sexu-eraso delituengatik.
Aurrera doa Tolosako ospitale berriaren esleipena, nahiz eta EH Bilduk murrizketak kritikatu dituen
Alberto Martinez Osasun sailburuak adierazi du prozesua bide onetik doala eta aste honetan bertan espero duela ospitale berria eraikitzeko proiektua esleitzea, lanak 2028an hasi eta 2031n amaitzeko asmoz. Bien bitartean, Rebeka Ubera EH Bilduren legebiltzarkideak gogor kritikatu du dokumentua, eta alternatiba guztiak ondo aztertu diren zalantzan jarri du.
Zubietako espetxearen inaugurazio ofizialak gizarteratzearekiko konpromisoa finkatu du, Martuteneko ereduaren aurrean
Pertsona erdigunean jartzen duen espetxe sistema propioa aldarrikatu du bertan Imanol Pradales lehendakariak, eta ETAk hil zituen espetxe funtzionarioei aitortza egiteko baliatu dute ekitaldia Pradalesek eta Fernando Grande-Marlaska ministroak.
EHUk gogorarazi du gauerdian amaituko dela USaPeko azterketak berrikusteko eskaria egiteko epea
Iritsi da EHUren oharra, Euskarari dagokion azterketan dozenaka ikasleri "0" jarri zien akats informatikoaren ondotik. Unibertsitateak akatsa konpondu zuela adierazi arren, egoerak egonezina sortu du kaltetutako ikasle eta familien artean, eta gaur goizean San Mamesko Ingeniaritza Fakultatearen aurrean elkarretaratzea egin dute.