Beroak atsedenaldia emango du gaur eta bihar, baina ostiralean lurralde osora itzuliko da
Gaur, asteazkena, ahulduta iritsiko den fronte hotz batek hodei dezente ekarriko ditu ipar partera; ere euri pixka bat ere egin dezake noizbehinka. Hegoaldean giro nahiko argia izango dugu, baina erdi mailako hodei eta goi-hodeien tarteekin.
Zenbait lekutan ipar-haizea goizean bertan ibiliko da eta, horri esker, tenperatura beste koska bat jaitsiko da. Leku gehienetan beroenak 25 gradu azpitik geratuko dira. Ebro ibarrean ere tenperatura asko jaitsiko da, beroa askoz jasangarriagoa izango da, eta balio maximoak 30 gradu inguruan geratuko dira, atzo baino hamar gutxiago.
Ostegunean hodeiak eta urdinguneak tartekatuko dira zeruan; zenbat eta kostaldetik hurbilago egon, orduan eta hodei gehiago ikusiko dugu. Aldiz, barnealderantz giroa argiagoa izango da. Honela, ipar partean zerua nahiko hodeitsu ager daiteke goizean eta orduak igaro ahala hodeiak gutxitzen joango dira. Ipar-osagaiko haizea ibiliko da eta tenperatura maximoak ez dira askorik aldatuko.
Baina adi, ostiralean beroa orokorrean itzuliko baita, batez ere lurraldearen hegoaldean, non berriro itogarria izango den. Egun eguzkitsua izango da Euskal Herri osoan hego-ekialdeko haizearekin. Hala, 40 graduko tenperatura maximoa espero da Tuteran, 37 gradukoa Iruñean, 33 gradukoa Gasteizen eta Bilbon, eta 32 gradukoa Donostian eta Maulen.
Albiste gehiago gizartea
Ertzaintza Bernedoko udalekua ikertzen ari da, salaketa publiko baten ostean
Hainbat familiak salatu dutenez, 13 eta 15 urte bitarteko neska-mutilak modu mistoan dutxatzera "behartzen" zituzten.
Espetxera bidali dute Solokoetxeko hilketagatik atxilotuetako bat
Krimenagatik atxilotutako beste biak aske utzi ditu epaileak, kautelazko neurriekin.
"Plazentan oso aztarna baliagarriak egon daitezke umearen bilakaera eta osasuna ulertzeko"
Emakume haurdunen odol eta plazenta laginez osatutako biobanku bat sortu du Osakidetzak, gaitz metabolikoak eta neurologikoak ikertzeko. Nora Fernandez Biobizkaiko IRLAB-Inmunogenetika Ikerketa Laborategiko ikertzaileak iragarri duenez, etorkizunean izan daitezkeen gaitzak "beharbada, plazentan aurreikusi daizteke".
Emakume haurdunen odol eta plazenta laginez osatutako biobanku bat sortu du Osakidetzak, gaitz metabolikoak eta neurologikoak ikertzeko
Gurutzetako Ospitalean erditzen diren emakume haurdunek odol-lagin bat eta plazentaren zati txiki bat eman ahal izango dute. EAEko biobankuan gordeko dira, eta diabetesa, hipertentsioa eta garapen neuronaleko nahasmenduak ikertzeko erabiliko dira, goiz diagnostikatzeko eta hobeto artatzen laguntzeko.
Zupiriak esan du Vueltako hiru "gertakari" ikertzen ari direla
Bingen Zupiriak adierazi duenez, Espainiako Txirrindularitza Itzulian Bilbon gertatu ziren gertakariak ikertzen ari dira. Zehazki, elkarbizitzarako arauen aurkako hiru gertakari ikertzen ari dira. Adierazpenak, gaztelaniaz.
Barakaldo eta Santurtzi arteko tartea autobusez egingo da, Renfeko Aldirietako katenarian izandako matxura konpondu arte
Barakaldo eta Bilbo arteko zerbitzuak, baita Bilbo eta Muskiz artekoak ere, betiko moduan ari dira eskaintzen. Hala ere, Bilbo-Santurtzi ibilbidearen kasuan, trenak Barakaldoko Desertu geltokiraino bakarrik ari dira.
Euskadin adingabeei egindako sexu abusuen biktima ia denak (% 92) neskak dira, eta gehienak, 15 urtetik beherakoak
Save The Children gobernuz kanpoko erakundeak haurren kontrako sexu abusuen inguruko 88 epai aztertu ditu, 2019tik 2024ra bitartekoak. Halaber, kasu guztietan akusatua gizona zen.
Sindikatuek "propagandatzat" jo dute Osakidetzak Lehen Mailako Arretako 13 zentrotan psikologia zerbitzua emango duela iragarri izana
ELA eta LAB sindikatuek ohartarazi dutenez, psikologo horiek "ez dute espezialitaterik, eta ezin izango dute tratamendurik diagnostikatu eta bideratu". Lehen Mailako Arretako osasun zentroetan psikologia zerbitzua ezarriko duen proiektu pilotua aurkeztu die Eusko Jaurlaritzako Osasun Sailak Osakidetzako sindikatuei. Osasun Sailak iragarri duenez, helburua "anbulatorioetako arreta emozionalaren irisgarritasuna hobetzea" da.
44 urteko gizonezko bat hil da Arrigorriagan, autoarekin BI-3723 errepidetik AP-68ra erorita
Lau metrotan behera erori da ibilgailua. Pertsona bakarra zihoan barruan, eta tokian bertan zendu da.
EITBren "Glaziarrak agurtzen" lanak aitortza lortu du nazioarte mailan, Venice TV Awards sarietan
Nazioarteko telebista-programen berrikuntza eta bikaintasuna saritzen dituzte Veneziako Telebista golardoek, eta Cross Platform Programming atalean izendatu dute proiektua, EITBk eduki berritzaile eta hainbat euskarritan emititzearen alde egindako apustua aitortuta. Glaziarrak agurtzen PRIMERANen, Euskal Telebistan eta ORAINen estreinatu zen, guztietan egokitutako lengoaia eta formatuak erabilita.