Aurrekari ugari dituzten bi gizon atxilotu dituzte Lantziegon 98 etxetresna zeramatzan kamioia lapurtzeagatik
Guardia Zibilak aurrekari ugari dituzten bi gizon atxilotu ditu Errioxan, indarkeriaz egindako lapurreta, ebasketa, higiezinaren usurpazioa eta droga-trafikoa delituen ustezko egile direlakoan.
29 eta 36 urteko gizasemeak "segurtasun indarren aspaldiko ezagunak dira, delitu ugari leporatzen baitzaizkie", Guardia Zibilaren arabera. Zehazki, bien artean 53 delitu, 23 atxiloketa, bost inputazio eta 63 isun administratibo dituzte atzetik.
Azken lapurreta Lantziegon (Araba) egin zuten, iturrion arabera. Berri-berriak ziren 98 etxetresna zeramatzan (hozkailuak, ke kanpaiak, ontzi garbigailuak, garbigailuak, batidorak eta bitrozeramikak) kamioi bat, balio askoko erremintak, katalizadoreak eta 3.500 kilo kobre ebatzi omen zuten Arabako udalerri horretako enpresa batean. Guztira, 52.000 euroko balioa dute elementuok.
Guardia Zibilak ekaina erdialdean abiatu zuen ikerketa, ezezagunek Albelda de Iregua eta Entrena herrietan (Errioxa) bi orube usurpatu zituztela jakin ostean. Han topatu zituzten aipatu etxetresnak, erramintak eta kamioia (matrikula gabe).
Agenteek ondorioztatu zutenez, Guardiako Ertzaintzaren komisaria batean salatutako indarrez egindako lapurreta batean ebatzi zituzten gaizkileek.
Aurrez 53 delitu egotzi dizkiete
Ustezko lapurrak identifikatu eta atxilotu ostean, epaileak aske utzi zituen.
Guardia Zibilaren arabera, "lapurreta da euren bizimodua". Izan ere, horietako bat handik gutxira, uztailaren 21ean, atxilotu zuten lapurreta egotzita. Orduan ere aske utzi zuten.
Aurretik, maiatzean, beste gizona indarkeria matxistagatik atxilotu zuten. Bikotekide ohia modu oso bortitzean kolpatzea egotzi zioten, baina beste behin, libre geratu zen. Bada aske geratu eta sei ordura, Guardia Zibilak berriro atxilotu zuten, oraingoan droga trafikoa leporatuta. Kasu honetan ere libre utzi zuen epaileak.
Zure interesekoa izan daiteke
Hiru adingaberi sexu-erasoak egin zizkien masajistari 26 urteko kartzela-zigorra ezarri diote
Gipuzkoako Auzitegiak jada agindu du haren espetxeratzea. 14 urteko kartzela-zigorra ezarri dio 16 urtetik beherako adingabeei egindako bi sexu-eraso delituengatik (zazpi urte biktima bakoitzeko), 10 urtekoa 16 urtetik beherakoari egindako sexu-eraso jarraituagatik eta bi urtekoa haurren sexu-ziberjazarpenagatik. Gainera, beste neurri batzuen artean, espetxetik ateratzen denean 17 urte egin beharko ditu zaintzapeko askatasunean, eta, orotara 40 000 euroko kalte-ordaina eman beharko die hiru biktimei. .
NEIKERrek animalia-osasunaren inguruko ikerketa indartu du, segurtasun handiko laborategia berrituta
Euspen Biologikoko 3. mailako laborategia handitu dute, eta laborategi eta gela espezializatu berriak jarri dira. Horrek arrisku handiko patogenoak aztertzeko eta biosegurtasunean aurrera egiteko gaitasuna optimizatzen du, animalien ongizatearen nazioarteko estandarrak errespetatuz.
Horrelakoa da NEIKERen Euspen Biologikoko 3. mailako laborategia (NCB3)
NEIKER Nekazaritza Ikerketa eta Garapenerako Euskal Erakundeak erabat berritu du Euste Biologikoko 3. Mailako Laborategia (NCB3), P3 laborategi gisa ere ezaguna, Derioko egoitzan. Aurrerapen hori funtsezkoa da tuberkulosia edo hegazti gripea bezalako gaixotasunak eragiten dituzten arrisku handiko agente patogenoen azterketan.
Segurtasun Sailak abisu bereziak ezarriko ditu kostaldean ostegunean eta ostiralean ere, olatuengatik
Abisu berri horiek asteazken honetarako daudenei gehitu behar zaizkie; gaur indarrean dira abisuak baso-suteengatik, haize-bolada bortitzengatik eta, arratsaldeko hirurak eta bostak bitartean, kostaldean, olatuengaik, bi metrorainoko olatuak espero baitira.
Bizkaiko DYAko presidente ohiak epaiketan ukatu egin du erakundearen dirua desbideratu izana
Fernando Izaguirrek ziurtatu duenez, bere asmo bakarra Kataluniako osasun-garraioaren sektorean erakundearen jarduera indartzea zen, baina "dena alferrik izan zen".
Pablo Ibarren auziko epaileak erabaki du lekuko berria nor den isilpean gordetzea
31 urte bete dira gaueko klub baten jabea eta bertako bi langile hil zituztela. Hiru hilketen egiletzat Ibar jo zuten, eta horren errua egotzita biziarteko kartzela zigorrera kondenatu zuten. Hala ere, berak errugabea dela dio.
Sei urteko kartzela zigorra ezarri diote Eric Olhats entrenatzaile ohiari, adingabeei sexu-erasoak egiteagatik
Espetxe zigorraz gain, Aviron Bayonnaiseko entrenatzaile eta Realeko behatzailea izandakoak ezingo du adin txikikoekin lan egin eta kirol eremuetara joateko debekua ere jarri diote. Epaiaren berri izan ondoren, Alain Larrea defentsa abokatuak ez du baztertu helegitea jartzea.
Txorierriko igarobidea ohikora itzuli da, goiz korapilatsu baten ostean
Zortzi ibilgailuren arteko istripua gertatu da goizeko lehen orduan, eta ilarak A-8ra, Arrontegira eta Artatzako errepidera ere iritsi dira. Dena den, trafikoa bere onera etorri da 10:00ak baino lehen.
Eric Olhatsek adingabeei sexu-erasoak egin izana ukatu du epailearen aurrean, Baionan
1997-2022 urte artean sei adingaberi sexu-erasoak egitea leporatuta, gaur epaitu dute Aviron Bayonnaisen entrenatzaile eta Realaren ikuskatzaile ohia. 10 urteko espetxe-zigorra eta 150.000 eurorainoko isuna jaso dezake.
Dermatosi nodular kutsakorra zabaltzea eragozteko neurriak zorroztu ditu Jaurlaritzak
Joan den hilean hartutako neurriei bi gehituko zaizkie. Besteak beste, EAEra beste toki batzuetako ustiategietako behi-aziendak iristen direnean, albaitari ofizialen zaintzapean egongo dira 21 egunez.